കു​വൈ​ത്ത് 531 ഫ​ല​സ്തീ​ൻ അ​ധ്യാ​പ​ക​രെ നി​യ​മി​ക്കു​ന്നു

കു​വൈ​ത്ത് സി​റ്റി: രാ​ജ്യ​ത്ത് കൂ​ടു​ത​ൽ ഫ​ല​സ്തീ​ൻ അ​ധ്യാ​പ​ക​രെ​ത്തു​ന്നു. ഫ​ല​സ്തീ​നി​ൽ നി​ന്നു​ള്ള 531 അ​ധ്യാ​പ​ക​ർ വൈ​കാ​തെ കു​വൈ​ത്തി​ൽ എ​ത്തും. വെ​സ്റ്റ് ബാ​ങ്കി​ൽ​നി​ന്നും ഗ​സ്സ മു​ന​മ്പി​ൽ​നി​ന്നും ഉ​ള്ള​വ​രാ​ണി​വ​ർ. അ​ധ്യാ​പ​ക​രു​മാ​യി ക​രാ​റി​ൽ ഏ​ർ​പ്പെ​ട്ട​താ​യി കു​വൈ​ത്ത് വി​ദ്യാ​ഭ്യാ​സ മ​ന്ത്രാ​ല​യം പ്ര​തി​നി​ധി സം​ഘം അ​റി​യി​ച്ചു. 531 അ​ധ്യാ​പ​ക​രി​ൽ 211 സ്ത്രീ​ക​ളും 320 പു​രു​ഷ​ന്മാ​രു​മാ​ണു​ള്ള​തെ​ന്ന് പൊ​തു​വി​ദ്യാ​ഭ്യാ​സ ആ​ക്ടി​ങ് അ​സി. അ​ണ്ട​ർ സെ​ക്ര​ട്ട​റി​യും പ്ര​തി​നി​ധി സം​ഘ​ത്ത​ല​വ​നു​മാ​യ ഒ​സാ​മ അ​ൽ സു​ൽ​ത്താ​ൻ പ​റ​ഞ്ഞു.

ഗ​ണി​തം, ഫി​സി​ക്‌​സ്, ഇം​ഗ്ലീ​ഷ് തു​ട​ങ്ങി​യ വി​ഷ​യ​ങ്ങ​ൾ ​കൈ​കാ​ര്യം ചെ​യ്യു​ന്ന​വ​രാ​ണി​വ​ർ. എ​ഴു​ത്തു​പ​രീ​ക്ഷ​യും അ​ഭി​മു​ഖ​വും ന​ട​ത്തി​യാ​ണ് അ​ധ്യാ​പ​ക​രെ തി​ര​ഞ്ഞെ​ടു​ത്ത​ത്. അ​ധ്യാ​പ​ക​രു​മാ​യു​ള്ള ക​രാ​ർ ന​ട​പ​ടി​ക്ര​മ​ങ്ങ​ളി​ൽ ഫ​ല​സ്തീ​ൻ നേ​തൃ​ത്വ​ത്തി​ന്റെ പ​ങ്കി​നെ​യും അ​ദ്ദേ​ഹം അ​ഭി​ന​ന്ദി​ച്ചു.

കു​വൈ​ത്ത് വി​ദ്യാ​ഭ്യാ​സ മ​ന്ത്രാ​ല​യ പ്ര​തി​നി​ധി സം​ഘ​ത്തി​ന്റെ ദൗ​ത്യം സു​ഗ​മ​മാ​ക്കു​ന്ന​തി​ന് എ​ല്ലാ ക്ര​മീ​ക​ര​ണ​ങ്ങ​ളും ഒ​രു​ക്കി​യ​താ​യി ഫ​ല​സ്തീ​ൻ വി​ദ്യാ​ഭ്യാ​സ മ​ന്ത്രാ​ല​യം ഔ​ദ്യോ​ഗി​ക വ​ക്താ​വ് സാ​ദി​ഖ് അ​ൽ ഖു​ദൂ​ർ പ​റ​ഞ്ഞു.

ഫ​ല​സ്തീ​ൻ-​കു​വൈ​ത്ത് സ്‌​കൂ​ളു​ക​ൾ ത​മ്മി​ൽ വി​ദ്യാ​ർ​ഥി ത​ല​ത്തി​ൽ ധാ​ര​ണ​യി​ലെ​ത്താ​നും മ​റ്റ് വി​ദ്യാ​ഭ്യാ​സ മേ​ഖ​ല​ക​ളി​ൽ സ​ഹ​ക​ര​ണം വി​ക​സി​പ്പി​ക്കാ​നും ആ​ഗ്ര​ഹി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.

കു​വൈ​ത്ത് ഫ​ല​സ്തീ​ൻ അ​ധ്യാ​പ​ക​രു​മാ​യു​ള്ള ക​രാ​ർ തു​ട​രു​ന്ന​തി​ലൂ​ടെ 1960ക​ളി​ൽ ആ​രം​ഭി​ച്ച സ​ഹ​ക​ര​ണം പു​നഃ​സ്ഥാ​പി​ക്കു​ക​യാ​ണെ​ന്ന് സാ​ദി​ഖ് അ​ൽ ഖു​ദൂ​ർ വി​ശ​ദീ​ക​രി​ച്ചു. കു​വൈ​ത്തും ഫ​ല​സ്തീ​നും ത​മ്മി​ലു​ള്ള ശ​ക്ത​വും ച​രി​ത്ര​പ​ര​വു​മാ​യ ബ​ന്ധ​ത്തി​ന്റെ മ​റ്റൊ​രു സ്ഥി​രീ​ക​ര​ണ​മാ​ണി​തെ​ന്നും കൂ​ട്ടി​ച്ചേ​ർ​ത്തു.