കുവൈത്ത്​ മന്ത്രിസഭയുടെ രാജി അമീർ തള്ളി

കുവൈത്ത്​ സിറ്റി: പ്രധാനമന്ത്രി ശൈഖ്​ സബാഹ്​ ഖാലിദ്​ അൽ ഹമദ്​ അസ്സബാഹ്​ സമർപ്പിച്ച മന്ത്രിസഭയുടെ രാജിക്കത്ത്​ അമീർ ശൈഖ്​ നവാഫ്​ അൽ അഹ്​മദ്​ അൽ ജാബിർ അസ്സബാഹ്​ തള്ളി. നിലവിലെ മന്ത്രിസഭയിൽ വിശ്വാസമുണ്ടെന്നും രാഷ്​ട്രത്തിന്​ നൽകുന്ന സേവനം തൃപ്​തികരമാണെന്നും വ്യക്​തമാക്കിയ അമീർ പാർലമെൻറ്​ തെരഞ്ഞെടുപ്പിന്​ മുന്നൊരുക്കം നടത്താൻ നിർദേശം നൽകി.

അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹി​െൻറ നിര്യാണത്തെ തുടർന്ന്​ പുതിയ അമീർ വന്നതോടെയാണ്​ മന്ത്രിസഭ രാജി സന്നദ്ധത അറിയിച്ചത്​. പാർലമെൻറ്​ തെരഞ്ഞെടുപ്പിന്​ ഇനി മാസങ്ങൾ മാത്രമാണ്​ അവശേഷിക്കുന്നത്​. ഡിസംബറിൽ തെരഞ്ഞെടുപ്പ്​ ഉണ്ടായേക്കും. അപ്പോൾ സ്വാഭാവികമായും പുതിയ മന്ത്രിസഭ വരും. ഇത്​ കൂടി കണക്കിലെടുത്താണ്​ ഇപ്പോൾ മന്ത്രിസഭ രാജിവെക്കേണ്ടതില്ലെന്ന്​ അമീർ തീരുമാനിച്ചതെന്നാണ്​ നിഗമനം. കോവിഡ്​ കാലത്തെ വെല്ലുവിളി നിറഞ്ഞ സാഹചര്യത്തിൽ ശൈഖ്​ സബാഹ്​ ഖാലിദ്​ അസ്സബാഹി​െൻറ നേതൃത്വത്തിലുള്ള മ​ന്ത്രിസഭ മികച്ച പ്രവർത്തനമാണ്​ നടത്തുന്നതെന്നാണ്​ പൊതുവെയുള്ള വിലയിരുത്തൽ.