നിങ്ങളുടെ മുതിർന്ന സഹോദരൻ എന്ന നിലയിൽ അഭിമാനം -അമീർ
text_fieldsകുവൈത്ത് സിറ്റി: കൊറോണ വൈറസ് പശ്ചാത്തലത്തിൽ രാജ്യം വലിയ വെല്ലുവിളി നേരിടുേമ്പാൾ ഒരുമയോടെ നിൽക്കുകയും കഠിന പ്രയത്നം നടത്തുകയും ചെയ്യുന്നവരെ ഒാർത്ത് അഭിമാനമുണ്ടെന്ന് കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ് പറഞ്ഞു. ദാർ സൽവയിൽ പ്രത്യേക മന്ത്രിസഭ യോഗത്തിൽ അധ്യക്ഷത വഹിച്ച് സംസാരിക്കുയായിരുന്നു അദ്ദേഹം.
നിങ്ങളുടെ മുതിർന്ന സഹോദരൻ എന്ന നിലയിൽ അഭിമാനമുണ്ട്. കോവിഡ് പ്രതിരോധ പ്രവർത്തനങ്ങളിൽ കുവൈത്ത് മറ്റു രാജ്യങ്ങളേക്കാൾ മുന്നിലാണ്. ഇൗ സമയത്ത് നിങ്ങൾ കാണിക്കുന്ന ഒരുമക്കും സമർപ്പണത്തിനും നന്ദിയും അഭിനന്ദനവും അറിയിച്ചുകൊണ്ടല്ലാതെ എനിക്ക് സംസാരം തുടങ്ങാനാവില്ല. പാർലമെൻറും സർക്കാറും തമ്മിൽ െഎക്യത്തോടെ നിലകൊള്ളുന്നതിൽ സന്തോഷമുണ്ട്.
പ്രതിസന്ധി തീരുംവരെയും അങ്ങനെ തുടരും എന്ന് പ്രതീക്ഷയുണ്ട്. പാർലമെൻറിനും സർക്കാറിനും ഇടയിൽ പാലമായി നിലകൊള്ളുന്ന പാർലമെൻറ് സ്പീക്കർ മർസൂഖ് അൽ ഗാനിമിനും പ്രധാനമന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹിനും അഭിനന്ദനം അറിയിക്കുന്നു. ശൈഖ് ബാസിൽ അസ്സബാഹിന് കീഴിൽ ഉജ്ജ്വലമായ പ്രവർത്തനമാണ് ആരോഗ്യ മന്ത്രാലയത്തിന് കീഴിൽ നടക്കുന്നത്.
ഒരു വിമർശനമോ എതിരഭിപ്രായമോ എവിടെ നിന്നും ഇല്ല എന്നതിൽ അദ്ദേഹത്തിന് അഭിമാനിക്കാമെന്നും അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ് പറഞ്ഞു. കോവിഡ് പ്രതിരോധ പ്രവർത്തനങ്ങളും നിലവിലെ സാഹചര്യങ്ങളും യോഗം വിലയിരുത്തി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.