വിവിധ രാജ്യങ്ങളിലെ വിദേശകാര്യ മന്ത്രിമാർ കുവൈത്ത് അമീറിനെ സന്ദർശിച്ചു

കു​വൈ​ത്ത് സി​റ്റി: അ​മേ​രി​ക്ക​യി​ല്‍ ക​ഴി​യു​ന്ന അ​മീ​ര്‍ ശൈ​ഖ് സ​ബാ​ഹ് അ​ല്‍ അ​ഹ്​​മ​ദ് അ​ല്‍ ജാ​ബി​ര്‍ അ​സ്സ​ബാ​ഹി​നെ തി​ങ്ക​ളാ​ഴ്ച ഉ​ച്ച​ക്ക്് ഒ​മാ​ന്‍, യു.​എ.​ഇ, ബ​ഹ്‌​റൈ​ന്‍ വി​ദേ​ശ​കാ​ര്യ​മ​ന്ത്രി​മാ​ര്‍ സ​ന്ദ​ര്‍ശി​ച്ചു. ഒ​മാ​ന്‍ വി​ദേ​ശ​കാ​ര്യ​മ​ന്ത്രി യൂ​സു​ഫ്​ ബി​ന്‍ അ​ല​വി, യു.​എ.​ഇ വി​ദേ​ശ​കാ​ര്യ​മ​ന്ത്രി ശൈ​ഖ് അ​ബ്​​ദു​ല്ല ബി​ന്‍ സാ​യി​ദ് ആ​ല്‍ ന​ഹ്‌​യാ​ൻ, ബ​ഹ്‌​റൈ​ന്‍ വി​ദേ​ശ​കാ​ര്യ​മ​ന്ത്രി ശൈ​ഖ് ഖാ​ലി​ദ് ബി​ന്‍ അ​ഹ്​​മ​ദ് അ​ൽ ഖ​ലീ​ഫ് എ​ന്നി​വ​രാ​ണ് അ​മീ​റി​െൻറ അ​മേ​രി​ക്ക​യി​ലെ വ​സ​തി​യി​ല്‍ സ​ന്ദ​ര്‍ശ​നം ന​ട​ത്തി​യ​ത്.

ആ​രോ​ഗ്യ​സ്ഥി​തി​യെ​ക്കു​റി​ച്ച് വി​ശ​ദ​മാ​യി ചോ​ദി​ച്ച​റി​ഞ്ഞ മ​ന്ത്രി​മാ​ർ അ​മീ​റി​ന് എ​ല്ലാ​വി​ധ സൗ​ഖ്യ​ങ്ങ​ളും നേ​ർ​ന്നു. ജി.​സി.​സി രാ​ഷ്​​ട്ര​ങ്ങ​ള്‍ ത​മ്മി​ല്‍ നി​ല​നി​ല്‍ക്കു​ന്ന സൗ​ഹൃ​ദ ഉ​ഭ​യ​ക​ക്ഷി ബ​ന്ധ​ത്തെ ശാ​ക്തീ​ക​രി​ക്കു​ന്ന​തി​​െൻറ ഭാ​ഗ​മാ​യി​ട്ടാ​യി​രു​ന്നു മൂ​ന്നു രാ​ജ്യ​ങ്ങ​ളു​ടെ​യും വി​ദേ​ശ​കാ​ര്യ​മ​ന്ത്രി​മാ​ര്‍ അ​മീ​റി​നെ സ​ന്ദ​ര്‍ശി​ച്ച​ത്. കൂ​ടി​ക്കാ​ഴ്ച​യി​ൽ പ്രാ​ദേ​ശി​ക വി​ഷ​യ​ങ്ങ​ളും മേ​ഖ​ല​യി​ൽ നി​ല​നി​ൽ​ക്കു​ന്ന ക​ലു​ഷി​താ​വ​സ്ഥ സം​ബ​ന്ധി​ച്ചും ച​ർ​ച്ച ന​ട​ന്നു​വെ​ന്നാ​ണ് വി​വ​രം.
അ​മേ​രി​ക്ക​യി​ലെ വൈ​റ്റ് ഹൗ​സ് പ്ര​ത്യേ​ക ക്ഷ​ണം ന​ൽ​കി​യ​തി​നെ തു​ട​ർ​ന്ന് സെ​പ്​​റ്റം​ബ​ർ 12ന് ​അ​മീ​ർ അ​ല്‍ അ​ഹ്​​മ​ദ് അ​ല്‍ ജാ​ബി​ര്‍ അ​സ്സ​ബാ​ഹും അ​മേ​രി​ക്ക​ൻ പ്ര​സി​ഡ​ൻ​റ് ട്രം​പു​മാ​യു​ള്ള കൂ​ടി​ക്കാ​ഴ്ച നേ​ര​ത്തേ നി​ശ്ച​യി​ച്ചി​രു​ന്നു.

പ്ര​സ്തു​ത കൂ​ടി​ക്കാ​ഴ്ച​ക്കും മ​റ്റ്​ ഔ​ദ്യോ​ഗി​ക ‍യോ​ഗ​ങ്ങ​ൾ​ക്കു​മാ​യി സെ​പ്റ്റം​ബ​ർ ര​ണ്ടി​നാ​ണ് അ​മീ​റും മ​ന്ത്രി​മാ​രും ന​യ​ത​ന്ത്ര ഉ​ദ്യോ​ഗ​സ്ഥ​രു​മ​ട​ങ്ങു​ന്ന പ്ര​തി​നി​ധി​സം​ഘ​വും അ​മേ​രി​ക്ക​യി​ലേ​ക്ക് തി​രി​ച്ച​ത്. ഇ​തി​നി​ട​യി​ലാ​ണ് ദേ​ഹാ​സ്വാ​സ്ഥ്യ​ത്തെ തു​ട​ർ​ന്ന് അ​മീ​റി​നെ മെ​ഡി​ക്ക​ൽ പ​രി​ശോ​ധ​ന​ക്കാ​യി വാ​ഷി​ങ്ട​ണി​ലെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. പ​രി​ശോ​ധ​ന​യെ തു​ട​ർ​ന്ന് വി​ശ്ര​മം വേ​ണ​മെ​ന്ന വി​ദ​ഗ്​​ധ അ​ഭി​പ്രാ​യം മു​ൻ​നി​ർ​ത്തി അ​മീ​ർ ആ​ശു​പ​ത്രി​യി​ൽ ത​ന്നെ ത​ങ്ങി. ആ​ശു​പ​ത്രി വി​ട്ടെ​ങ്കി​ലും അ​മേ​രി​ക്ക​യി​ൽ ത​ന്നെ​യാ​ണ് ഇ​പ്പോ​ഴും അ​മീ​റു​ള്ള​ത്.