കുവൈത്ത് അമീറിന് ഖത്തർ അമീറിെൻറ കത്ത്
text_fields
കുവൈത്ത് സിറ്റി: കുവൈത്ത് അമീർ ശൈഖ് സബാഹ് അൽഅഹ്മദ് അൽജാബിർ അസ്സബാഹിന് ഖത്തർ അമീർ ശൈഖ് തമീം ബിൻ ഹമദ് അൽഥാനിയുടെ കത്ത്. തിങ്കളാഴ്ച ബയാൻ പാലസിലെത്തി ഖത്തർ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുറഹ്മാൻ അൽഥാനിയാണ് കത്ത് കൈമാറിയത്.
കുവൈത്ത് വിദേശകാര്യ മന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹ്, അമീരി ദിവാൻ മന്ത്രി ശൈഖ് അലി ജർറാഹ് അസ്സബാഹ് എന്നിവർ സംബന്ധിച്ചു. ഇരു രാജ്യങ്ങളും തമ്മിലുള്ള ബന്ധം ശക്തിപ്പെടുത്താൻ ലക്ഷ്യംവെക്കുന്നതിനൊപ്പം മേഖലയിലെ സമീപകാല സംഭവവികാസങ്ങളുമാണ് കത്തിെൻറ ഉള്ളടക്കമെന്ന് കുവൈത്ത് വാർത്ത ഏജൻസി റിപ്പോർട്ട് ചെയ്തു. സൗദി സഖ്യരാജ്യങ്ങളും ഖത്തറും തമ്മിൽ പ്രശ്നങ്ങൾ നിലനിൽക്കുന്ന സാഹചര്യത്തിൽ കത്ത് കൈമാറ്റത്തിന് രാഷ്ട്രീയ പ്രാധാന്യമുണ്ട്.