കുവൈത്ത് മൻദൂബ് ഗ്രൂപ് കുടുംബ സഹായം കൈമാറി
text_fieldsതളിപ്പറമ്പ് സ്വദേശി അയ്യൂബിെൻറ കുടുംബത്തിന് തളിപ്പറമ്പ് കൂട്ടായ്മയും മന്ദൂപ് ഗ്രൂപ്പും ചേർന്ന് നിർമിച്ചു നൽകുന്ന കടയിലേക്ക് മൻദൂബ് ഗ്രൂപ്പിെൻറ വിഹിതം കൈമാറുന്നു
കുവൈത്ത് സിറ്റി: പി.ആർ.ഒ ജോലിയിലിരിക്കെ കുവൈത്തിൽ മരണപ്പെട്ട തളിപ്പറമ്പ് സ്വദേശി അയ്യൂബിെൻറ കുടുബത്തിന് തളിപ്പറമ്പ് കൂട്ടായ്മയും മന്ദൂപ് ഗ്രൂപ്പും ചേർന്ന് തളിപ്പറമ്പ് ടൗണിൽ 16 ലക്ഷം രൂപ ചെലവിൽ വാങ്ങി നൽകുന്ന കടക്ക് കുവൈത്ത് മൻദൂബ് ഗ്രൂപ്പിെൻറ വകയായുള്ള എട്ടുലക്ഷം രൂപ കൈമാറി. തളിപ്പറമ്പ് കൂട്ടായ്മ പ്രതിനിധി നാസർ തളിപ്പറമ്പിനും അയ്യൂബിെൻറ ഭാര്യാ സഹോദരൻ ഹാഷിമിനും ഗ്രൂപ് ചെയർമാൻ ഹൈദരലി സഖാഫി വളപുരവും കൺവീനർ ശിഹാബുദ്ദീൻ കോടൂരും ചേർന്ന് കൈമാറി.
പരിപാടിയിൽ അഡ്മിൻമാരായ അബ്ദുറഹ്മാൻ മുളയങ്കാവ്, ഷംസു തിരുവല്ല, ആബിദ് ചക്കുംകടവ്, ഇസ്മായിൽ കുറ്റ്യാടി എന്നിവരും ട്രസ്റ്റ് അംഗങ്ങളായ അനസ് സഈദ് കോരൻപീടിക, അബ്ദുൽ റഷീദ് ചാത്തന്നൂർ എന്നിവരും പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

