കുവൈത്ത്​ എയർവേയ്​സ്​ തായ്​ലാൻഡ്​ സർവീസ്​ ആരംഭിച്ചു

കുവൈത്ത്​ സിറ്റി: മാസങ്ങളുടെ ഇടവേളക്ക്​ ശേഷം കുവൈത്ത്​ എയർവേയ്​സ്​ തായ്​ലാൻഡിലെ ബാ​േങ്കാക്കിലേക്ക്​ വിമാന സർവീസ്​ ആരംഭിച്ചു. വി​നോദ സഞ്ചാരികൾ, ബിസിനസ്​ യാത്രക്കാർ തുടങ്ങി ബാ​േങ്കാക്കിലേക്ക്​ ഡി​മാൻഡ്​ ഏറെയാണെന്ന്​ കുവൈത്ത്​ എയർവേയ്​സ്​ പബ്ലിക്​ റിലേഷൻ ഡയറക്​ടർ ഫായിസ്​ അൽ ഇനീസി പറഞ്ഞു. ആഴ്​ചയിൽ നാല്​ വിമാനമാണ്​ ഉണ്ടാകുക. കോവിഡ്​ വ്യാപനത്തിന്​ മുമ്പ്​ സർവീസ്​ നടത്തിയിരുന്ന എല്ലാ കേന്ദ്രങ്ങളിലേക്കും വിമാനമയക്കാൻ തയാറെടുക്കുന്നതായി അധികൃതർ വ്യക്​തമാക്കി. അതത്​ രാജ്യങ്ങളിലെ വ്യോമയാന അധികൃതരുമായി ബന്ധപ്പെടുന്നുണ്ട്​.

ചില രാജ്യങ്ങൾ ഇപ്പോഴും നിയന്ത്രണങ്ങൾ ഏർപ്പെടുത്തിയിട്ടുണ്ട്​. ജൂൺ പകുതിക്ക്​ ശേഷം കുവൈത്ത്​ എയർവേയ്​സ്​ ന്യൂയോർക്ക്​, ലണ്ടൻ, സരജെവോ, പാരീസ്​, ജനീവ, മ്യൂണിക്​, ഫ്രാങ്ക്​ഫർട്ട്​, ട്രബ്​സൺ, ബോഡ്രം, തിബിലിസ്​, മലാക, കൈറോ, ആംസ്​റ്റർഡാം, മുംബൈ, ഡൽഹി, കൊച്ചി, ചെന്നൈ, തിരുവനന്തപുരം, ബംഗളൂരു, അഹമ്മദാബാദ്​, ഇസ്​ലാമാബാദ്​, ലാഹോർ, കൊളംബോ, ധാക്ക എന്നിവിടങ്ങളിലേക്ക്​ സർവീസ്​ ആരംഭിച്ചു.