ഇന്ത്യയടക്കം ഏഴ്​ രാജ്യങ്ങളിലേക്ക്​ കൂടി കുവൈത്ത്​ എയർവേയ്​സ്​ ബുക്കിങ്​ ആരംഭിച്ചു

കുവൈത്ത്​ സിറ്റി: ഇന്ത്യയടക്കം ഏഴ്​ രാജ്യങ്ങളിലേക്ക്​ കൂടി കുവൈത്ത്​ എയർവേയ്​സ്​ ടിക്കറ്റ്​ റിസർവേഷൻ ആരംഭിച്ചു. ഖത്തർ, അസർബൈജാൻ, ബോസ്​നിയ ആൻഡ്​ ഹെർസഗോവിന, പാകിസ്ഥാൻ, സ്​പെയിൻ, ജോർഡൻ എന്നിവിടങ്ങളിലേക്ക്​ കൂടിയാണ്​ ഇന്ത്യയെ കൂടാതെ ബുക്കിങ്​ ആരംഭിച്ചത്​. ഇന്ത്യയിൽ മുംബൈ, ഡൽഹി, കൊച്ചി, ചെന്നൈ എന്നിവിടങ്ങളിലേക്കാണ്​ ബുക്കിങ്​.

നേരത്തെ ദുബൈ (യു.എ.ഇ), ലണ്ടൻ (യു.കെ), ജനീവ (സ്വിറ്റ്​സർലാൻഡ്​), ബൈറൂത്ത്​ (ലെബനാൻ), മനാമ (ബഹ്​റൈൻ), ഇസ്​തംബുൾ, ബോദ്​റം, ട്രബ്​സൺ (തുർക്കി) എന്നീ വിമാനത്താവളങ്ങളിലേക്ക്​ കുവൈത്ത്​ എയർവേയ്​സ്​ ബുക്കിങ്​ ആരംഭിച്ചിരുന്നു. ഇന്ത്യയിലേക്ക്​ രണ്ടാഴ്​ച മുമ്പ്​ ബുക്കിങ്​ ആരംഭിച്ചിരുന്നെങ്കിലും കഴിഞ്ഞ ദിവസം പുതുക്കിയ പട്ടിക തയാറാക്കിയപ്പോൾ ഉൾപ്പെടുത്തിയിരുന്നില്ല.