വാ​ണി​ജ്യ സം​രം​ഭ​ങ്ങ​ളി​ലെ ൈഡ്ര​വ​ർ ത​സ്​​തി​ക നി​ല​വി​ൽ കു​വൈ​ത്തി​ലു​ള്ള​വ​ർ​ക്ക് മാ​ത്രം

കുവൈത്ത് സിറ്റി: വാണിജ്യ മേഖലയിലെ ൈഡ്രവിങ് തസ്തികകളിലേക്ക് രാജ്യത്തിന് പുറത്തുനിന്ന് പുതുതായി ആളുകളെ കൊണ്ടുവരാൻ പാടില്ലെന്ന് നിബന്ധനവെക്കുമെന്ന് റിപ്പോർട്ട്. മാൻപവർ അതോറിറ്റിയിലെ റിക്രൂട്ടിങ് ആൻഡ് സർവിസ് വിഭാഗം അസിസ്റ്റൻറ് മേധാവി അഹ്മദ് അൽ മൂസയെ ഉദ്ധരിച്ച് പ്രാദേശിക പത്രമാണ് ഇക്കാര്യം സൂചിപ്പിച്ചത്. ഈ മേഖലയിലെ ൈഡ്രവിങ് ജോലിക്ക് നിലവിൽ കുവൈത്തി ലൈസൻസുള്ളവരെ മാത്രം ഉപയോഗപ്പെടുത്തണമെന്നാണ് നിർദേശം. 
ഇക്കാര്യം വ്യക്തമാക്കി ബന്ധപ്പെട്ട എല്ലാ വകുപ്പുകൾക്കും സർക്കുലർ അയച്ചതായി അധികൃതർ വ്യക്തമാക്കി. 
വിദേശികൾക്ക് ൈഡ്രവിങ് ലൈസൻസ് അനുവദിക്കുന്നതിൽ നിയന്ത്രണം വരുത്തുന്നതി​െൻറ ഭാഗമായാണിതെന്നാണ് വിവരം. 
അതോടൊപ്പം രാജ്യത്തുള്ളവരെ പരമാവധി ഉപയോഗപ്പെടുത്തി വിപണിയിൽ ക്രമീകരണം വരുത്തുകയെന്നതും ലക്ഷ്യമാണ്.