വെ​ള്ളി​യാ​ഴ്ച കോ​ഴി​ക്കോ​ട് സ​ർ​വി​സ് നി​ല​ച്ചു; വൈ​കി​യും റ​ദ്ദാ​ക്കി​യും എ​യ​ർ​ഇ​ന്ത്യ എ​ക്സ്പ്ര​സ്

കു​വൈ​ത്ത് സി​റ്റി: യാ​ത്ര​ക്കാ​രെ വ​ട്ടം ക​റ​ക്കി വീ​ണ്ടും എ​യ​ർ​ഇ​ന്ത്യ എ​ക​സ്പ്ര​സി​ന്റെ റ​ദ്ദാ​ക്ക​ൽ. വെ​ള്ളി​യാ​ഴ്ച കോ​ഴി​ക്കോ​ട്-​കു​വൈ​ത്ത്, കു​വൈ​ത്ത്-​കോ​ഴി​ക്കോ​ട് സ​ർ​വി​സ് പൂ​ർ​ണ​മാ​യും നി​ല​ച്ചു. വ്യാ​ഴാ​ഴ്ച കു​വൈ​ത്തി​ൽ നി​ന്ന് കോ​ഴി​ക്കോ​ട്ടേ​ക്കു​ള്ള വി​മാ​നം സാ​​ങ്കേ​തി​ക കാ​ര​ണ​ങ്ങ​ളെ തു​ട​ർ​ന്ന് റ​ദ്ദാ​ക്കി​യി​രു​ന്നു. ഇ​തോ​ടെ വെ​ള്ളി​യാ​ഴ്ച രാ​വി​ലെ കോ​ഴി​ക്കോ​ടു​നി​ന്ന് കു​വൈ​ത്തി​ലേ​ക്കു​ള്ള സ​ർ​വി​സും റ​ദ്ദാ​ക്കി.

വ്യാ​ഴാ​ഴ്ച മു​ട​ങ്ങി​യ വി​മാ​നം വെ​ള്ളി​യാ​ഴ്ച ഉ​ച്ച​ക്ക് 12.55 പു​റ​പ്പെ​ടു​മെ​ന്നാ​യി​രു​ന്നു യാ​ത്ര​ക്കാ​ർ​ക്ക് ല​ഭി​ച്ച നി​ർ​ദേ​ശം. ഇ​തു​പ്ര​കാ​രം വി​മാ​ന​ത്താ​വ​ള​ത്തി​ൽ എ​ത്തി​യ​വ​രോ​ട് ആ​ദ്യം വി​മാ​നം വൈ​കു​മെ​ന്നും പി​ന്നീ​ട് 2.30ന് ​പു​റ​പ്പെ​ടു​മെ​ന്നും അ​റി​യി​ച്ചു. എ​ന്നാ​ൽ വി​മാ​നം റ​ദ്ദാ​ക്കി​യ​താ​യി അ​റി​യി​ക്കു​ക​യാ​യി​രു​ന്നു.വ്യാ​ഴ​വും വെ​ള്ളി​യും വി​മാ​നം മു​ട​ങ്ങി​യ​തോ​ടെ ഈ ​വി​മാ​ന​ത്തി​ന് ടി​ക്ക​റ്റ് എ​ടു​ത്ത​വ​ർ വെ​ട്ടി​ലാ​യി. ശ​നി​യാ​ഴ്ച കു​വൈ​ത്തി​ൽ നി​ന്ന് കോ​ഴി​ക്കോ​ട് സ​ർ​വി​സ് ഇ​ല്ല. ഞാ​യ​റാ​ഴ്ച​യാ​ണ് അ​ടു​ത്ത സ​ർ​വി​സ്.

ചു​രു​ങ്ങി​യ അ​വ​ധി​ക്ക് നാ​ട്ടി​ൽ പോ​കാ​നി​രു​ന്ന​വ​ർ മ​റ്റു​ വി​മാ​ന​ങ്ങ​ളെ ആ​ശ്ര​യി​ക്കേ​ണ്ടി​വ​ന്നു. കോ​ഴി​ക്കോ​ട്ടെക്ക് നേ​രി​ട്ട് എ​യ​ർ​ഇ​ന്ത്യ എ​ക്സ്പ്ര​സ് മാ​ത്ര​മേ സ​ർ​വി​സ് ഉ​ള്ളൂ എ​ന്ന​തും യാ​ത്ര​ക്കാ​രെ പ്ര​യാ​സ​ത്തി​ലാ​ക്കി. ഇ​തോ​ടെ, അ​ടി​യ​ന്തര യാ​ത്ര​ക്കാ​ർ മ​റ്റു​ വി​മാ​ന​ത്താ​വ​ള​ങ്ങ​ൾ വ​ഴി ചു​റ്റി​തി​രി​ഞ്ഞാ​ണ് കോ​ഴി​ക്കോ​ട് എ​ത്തി​യ​ത്. വ്യാ​ഴാ​ഴ്ച വി​മാ​നം മു​ട​ങ്ങി​യ​തോ​ടെ ചി​ല യാ​ത്ര​ക്കാ​ർ കൊ​ച്ചി, ക​ണ്ണൂ​ർ വി​മാ​ന​ങ്ങ​ളി​ൽ യാ​ത്ര​ തി​രി​ച്ചി​രു​ന്നു.

അ​തി​നി​ടെ, ഒ​ക്ടോ​ബ​ർ മു​ത​ൽ ഡി​സം​ബ​ർ വ​രെ കു​വൈ​ത്തി​ൽ നി​ന്ന് കോ​ഴി​ക്കോ​ട്, ക​ണ്ണൂ​ർ, ചെ​ന്നൈ എ​ന്നി​വി​ട​ങ്ങ​ളി​ലേ​ക്കും തി​രി​ച്ചു​മു​ള്ള എ​യ​ർ​ഇ​ന്ത്യ എ​ക്സ്പ്ര​സ് സ​ർ​വി​സ് താ​ൽ​ക്കാലി​ക​മാ​യി നി​ർ​ത്ത​ലാ​ക്കു​മെ​ന്നാ​ണ് വി​വ​രം. ഇ​തോ​ടെ, ഈ ​വി​മാ​ന​ത്താ​വ​ള​ങ്ങ​ൾ വ​ഴി യാ​ത്ര ചെ​യ്യു​ന്ന​വ​ർ ക​ടു​ത്ത പ്ര​യാ​സ​ത്തി​ലാ​കും. കു​വൈ​ത്തി​ൽ നി​ന്നും തി​രി​ച്ചും കോ​ഴി​ക്കോ​ട്ടേ​ക്ക് ആ​ഴ്ച​യി​ൽ നാ​ലു സ​ർ​വി​സും ക​ണ്ണൂ​രി​ലേ​ക്ക് ആ​ഴ്ച​യി​ൽ ര​ണ്ടു സ​ർ​വി​സു​മാ​ണു​ള്ള​ത്