കോഴിക്കോട് സ്വദേശി നിര്യാതനായി

കുവൈത്ത് സിറ്റി: കോഴിക്കോട് ജില്ല എൻ.ആർ.ഐ അസോസിയേഷൻ (കെ.ഡി.എൻ.എ) സാൽമിയ ഏരിയ ട്രഷററും സെൻട്രൽ എക്സിക്യൂട്ടീവ് കമ്മിറ്റി മെംബറുമായിരുന്ന പി.ജയപ്രകാശ് (70) കുവൈത്തിൽ നിര്യാതനായി. അസുഖത്തെ തുടർന്ന് ചികിത്സയിലായിരുന്നു. മുബാറക് ഹോസ്പിറ്റലിൽ വെച്ചാണ് അന്ത്യം.

കോഴിക്കോട് എലത്തൂർ സ്വദേശിയാണ്. ഭാര്യ: ലസിത ജയപ്രകാശ് (ദാറുൽ ഷിഫാ ഹവല്ലി). മക്കൾ: ദിവ്യ ജയപ്രകാശ്(കുവൈത്ത്), ദീപ്തി ജയപ്രകാശ് (മെഡിസിൻ പി.ജി.വിദ്യാർത്ഥിനി, ഇന്ത്യ), കാവ്യ ജയപ്രകാശ് (വിദ്യാർത്ഥിനി യു.എസ്). സംസ്കാരം കുവൈത്തിൽ നടക്കും. ജയപ്രകാശിന്റെ വേർപാടിൽ കോഴിക്കോട് ജില്ല എൻ.ആർ.ഐ അസോസിയേഷൻ ദുഃഖം രേഖപെടുത്തി.