കോ​ഴി​ക്കോ​ട് എ​യ​ർ ഇ​ന്ത്യ എ​ക്സ്പ്ര​സ് തി​ങ്ക​ളാ​ഴ്ച​യും വൈ​കി

കു​വൈ​ത്ത് സി​റ്റി: കു​വൈ​ത്തി​ൽ​നി​ന്നു കേ​ര​ള​ത്തി​ലേ​ക്കു​ള്ള വി​മാ​നം വൈ​ക​ൽ തു​ട​രു​ന്നു. തി​ങ്ക​ളാ​ഴ്ച രാ​വി​ലെ 11.50ന് ​കോ​ഴി​ക്കോ​ട്ടേ​ക്കു​ള്ള വി​മാ​നം ഒ​ന്ന​ര​മ​ണി​ക്കൂ​റി​ലേ​റെ വൈ​കി. ഉ​ച്ച​ക​ഴി​ഞ്ഞ് 1.30നാ​ണ് കു​വൈ​ത്തി​ൽ​നി​ന്ന് വി​മാ​നം പു​റ​പ്പെ​ട്ട​ത്.

വി​മാ​നം വൈ​കു​ന്ന കാ​ര്യം നേ​ര​ത്തേ അ​റി​യി​ക്കാ​ത്ത​ത് യാ​ത്ര​ക്കാ​ർ​ക്ക് പ്ര​യാ​സം തീ​ർ​ത്തു. യാ​ത്ര​ക്കാ​യി വി​മാ​ന​ത്താ​വ​ള​ത്തി​ൽ എ​ത്തി​യ ശേ​ഷ​മാ​ണ് വി​മാ​നം വൈ​കു​ന്ന അ​റി​യി​പ്പ് യാ​ത്ര​ക്കാ​ർ​ക്ക് ല​ഭി​ച്ച​ത്. ഇ​ത് വി​മാ​ന​ത്താ​വ​ള​ത്തി​ൽ ദീ​ർ​ഘ​നേ​രം കാ​ത്തി​രി​ക്കേ​ണ്ട അ​വ​സ്ഥ സൃ​ഷ്ടി​ച്ചു.

വി​മാ​നം കോ​ഴി​ക്കോ​ടു​നി​ന്ന് പു​റ​പ്പെ​ടാ​ൻ വൈ​കി​യ​താ​ണ് കു​വൈ​ത്തി​ലെ യാ​ത്ര​ക്കാ​രെ ബാ​ധി​ച്ച​ത്. രാ​വി​ലെ ഇ​ന്ത്യ​ൻ സ​മ​യം 8.10ന് ​കോ​ഴി​ക്കോ​ട്ടു​നി​ന്ന് പു​റ​പ്പെ​ടേ​ണ്ട വി​മാ​നം 10.30ഓ​ടെ​യാ​ണ് പു​റ​പ്പെ​ട്ട​തെ​ന്ന് യാ​ത്ര​ക്കാ​ര​ൻ അ​റി​യി​ച്ചു. ഇ​തോ​ടെ കു​വൈ​ത്ത് സ​മ​യം 10.40ന് ​എ​ത്തേ​ണ്ട വി​മാ​നം 12.42നാ​ണ് എ​ത്തി​യ​ത്. വി​മാ​നം വൈ​കു​ന്ന കാ​ര്യം നേ​ര​ത്തേ അ​റി​യി​ച്ചി​ല്ലെ​ന്നും യാ​ത്ര​ക്കാ​ര​ൻ പ​റ​ഞ്ഞു. കു​വൈ​ത്തി​ൽ വൈ​കി എ​ത്തി​യ​തോ​ടെ, തി​ങ്ക​ളാ​ഴ്ച ജോ​ലി​ക്ക് ക​യ​റാ​മെ​ന്ന പ​ല​രു​ടെ​യും പ്ര​തീ​ക്ഷ​യും തെ​റ്റി.

ഡി​സം​ബ​ർ 26ന് ​കു​വൈ​ത്ത്-​ക​ണ്ണൂ​ർ എ​യ​ർ ഇ​ന്ത്യ എ​ക്സ്പ്ര​സ് റ​ദ്ദാ​ക്കി​യ​ത് 24 മ​ണി​ക്കൂ​റി​ന് മു​ക​ളി​ൽ യാ​ത്ര​ക്കാ​രെ വി​മാ​ന​ത്താ​വ​ള​ത്തി​ൽ കു​ടു​ക്കി​യി​രു​ന്നു. പി​റ്റേ​ദി​വ​സം ഉ​ച്ച​ക്ക് 12.30ന് ​പു​റ​പ്പെ​ട്ട കോ​ഴി​ക്കോ​ട് എ​യ​ർ ഇ​ന്ത്യ എ​ക്സ്പ്ര​സി​ലാ​ണ് തു​ട​ർ​ന്ന് ക​ണ്ണൂ​ർ യാ​ത്ര​ക്കാ​രെ നാ​ട്ടി​ലെ​ത്തി​ച്ച​ത്.

കോ​ഴി​ക്കോ​ട് വി​മാ​നം മം​ഗ​ലാ​പു​രം, ക​ണ്ണൂ​ർ എ​ന്നി​വി​ട​ങ്ങ​ളി​ലൂ​ടെ വ​ഴി തി​രി​ച്ചു​വി​ടു​ക​യാ​യി​രു​ന്നു.

കോ​ഴി​ക്കോ​ട് വി​മാ​ന​ത്തി​ൽ ക​ണ്ണൂ​ർ യാ​ത്ര​ക്കാ​രെ ഉ​ൾ​ക്കൊ​ള്ളി​ച്ച​തോ​ടെ ഇ​തേ വി​മാ​ന​ത്തി​ൽ കോ​ഴി​ക്കോ​ട്ടേ​ക്ക് ടി​ക്ക​റ്റെ​ടു​ത്ത​വ​ർ പു​റ​ത്താ​കു​ക​യും ഉ​ണ്ടാ​യി. ഇ​വ​രെ രാ​ത്രി ദു​ബൈ-​കോ​ഴി​ക്കോ​ട് എ​യ​ർ ഇ​ന്ത്യ വി​മാ​നം കു​വൈ​ത്തി​ലെ​ത്തി​ച്ച് അ​തി​ൽ ക​യ​റ്റി​വി​ടു​ക​യാ​യി​രു​ന്നു.

ക​ഴി​ഞ്ഞ ചൊ​വ്വാ​ഴ്ച​യും ക​ണ്ണൂ​രി​ലേ​ക്കു​ള്ള എ​യ​ർ​ഇ​ന്ത്യ എ​ക്സ്പ്ര​സ് സ​ർ​വി​സ് താ​ളം​തെ​റ്റി. ചൊ​വ്വാ​ഴ്ച രാ​വി​ലെ 9.55ന് ​കു​വൈ​ത്തി​ൽ​നി​ന്ന് പു​റ​പ്പെ​ടേ​ണ്ട വി​മാ​നം പോ​യ​ത് അ​ഞ്ചു മ​ണി​ക്കൂ​റോ​ളം വൈ​കി ഉ​ച്ച​ക​ഴി​ഞ്ഞ് മൂ​ന്നി​നു​ശേ​ഷ​മാ​ണ്.

കോ​ഴി​ക്കോ​ട് വി​മാ​നം മം​ഗ​ലാ​പു​രം വ​ഴി തി​രി​ച്ചു​വി​ടു​ന്ന​തും പ്ര​യാ​സം സൃ​ഷ്ടി​ക്കു​ന്നു​ണ്ട്. വി​മാ​ന​ങ്ങ​ൾ തു​ട​ർ​ച്ച​യാ​യി വൈ​കു​ന്ന​തി​ലും റ​ദ്ദാ​ക്കു​ന്ന​തി​ലും യാ​ത്ര​ക്കാ​ർ പ്ര​തി​ഷേ​ധം അ​റി​യി​ച്ചു.

മ​ല​യാ​ളി സം​ഘ​ട​ന​ക​ളും പ്ര​തി​ഷേ​ധ​വു​മാ​യി രം​ഗ​ത്തെ​ത്തി.