കുവൈത്തിൽ ഒരുമാസത്തെ പൊതുമാപ്പ്​ ഇന്നുമുതൽ

കുവൈത്ത്​ സിറ്റി: കുവൈത്തിൽ താമസ നിയമലംഘകർക്ക്​ ഏർപ്പെടുത്തിയ പൊതുമാപ്പ്​ കാലാവധി ബുധനാഴ്​ച ആരംഭിക്കും. ഏപ്രിൽ 30 വരെയാണ്​ അനധികൃതമായി താമസിച്ചതി​​െൻറ പിഴയിൽനിന്ന്​ പൂർണമായി ഒഴിവായി തിരിച്ചുപോവാൻ കഴിയുക. താമസ നിയമലംഘകരായ ഇന്ത്യക്കാർ ഏപ്രിൽ 11 മുതൽ ഏപ്രിൽ 15 വരെ തീയതികളിലാണ് തിരിച്ചുപോക്കിനുള്ള നടപടികൾ പൂർത്തിയാക്കേണ്ടത്. നടപടികൾ പൂർത്തിയാക്കിയതു മുതൽ യാത്രാദിവസം വരെ താമസിപ്പിക്കാൻ അധികൃതർ സംവിധാനം ഒരുക്കുന്നുണ്ട്​. യാത്രാവിമാനങ്ങൾ സർവിസ്​ നിർത്തിവെച്ചതിനാൽ ഇതിന്​ ദിവസമെടുക്കുമെന്നത്​ സംബന്ധിച്ച്​ അനിശ്ചിതത്വമുണ്ട്​.

ഏപ്രിൽ ഒന്നുമുതൽ അഞ്ചുവരെ ഫിലിപ്പീൻസുകാർ, ഏപ്രിൽ ആറു മുതൽ 10 വരെ ഇൗജിപ്​തുകാർ, 11 മുതൽ 15 വരെ ഇന്ത്യക്കാർ, 16 മുതൽ 20 വരെ ബംഗ്ലാദേശികൾ, 21 മുതൽ 25 വരെ ശ്രീലങ്കക്കാർ, 26 മുതൽ 30 വരെ മറ്റു രാജ്യക്കാർ എന്നരീതിയിലാണ്​ നടപടിക്രമങ്ങൾക്ക്​ തീയതി നിശ്ചയിച്ചത്​.
വിവിധ രാജ്യങ്ങളുടെ എംബസികൾക്കും താൽക്കാലിക ഒാഫിസിനുകൂടി സ്​കൂളിൽ​ സ്ഥലമൊരുക്കി മുഴുവൻ നടപടികളും ഏകജാലക സംവിധാനം ആക്കാനാണ്​ നീക്കം. അതുകൊണ്ടുതന്നെ ഒൗട്ട്​പാസിനും മറ്റുമായി എംബസിയിൽ പോകേണ്ട. യാത്രാവിലക്കോ കോടതി വ്യവഹാരങ്ങളോ ഉള്ളവർക്ക് താമസകാര്യ ജനറൽ അഡ്​മിനിസ്​ട്രേഷനെ സമീപിച്ച്​ കേസിൽ പുനഃപരിശോധന ആവശ്യപ്പെട്ട്​ പരിഹാരം കണ്ടതിന്​ ശേഷമേ പൊതുമാപ്പ്​ പ്രയോജനപ്പെടുത്താനാവൂ.