കെ.എം.സി.സിയുടെ പ്രവര്‍ത്തനം മാതൃകാപരം –വി.എം. സുധീരന്‍

കുവൈത്ത് സിറ്റി: പ്രവാസി സമൂഹത്തില്‍ മാതൃകാപരമായ കാരുണ്യ പ്രവര്‍ത്തനങ്ങളാണ് കെ.എം.സി.സി നടത്തുന്നതെന്ന് കെ.പി.സി.സി പ്രസിഡന്‍റ് വി.എം. സുധീരന്‍ പറഞ്ഞു.  കെ.എം.സി.സി നാഷനല്‍ കമ്മിറ്റി ഓഫിസില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം. കുവൈത്ത് കെ.എം.സി.സി പ്രസിഡന്‍റ് കെ.ടി.പി. അബ്ദുറഹ്മാന്‍ അധ്യക്ഷത വഹിച്ചു. കെ.പി.സി.സി ഭാരവാഹികളായ മാന്നാര്‍ അബ്ദുല്ലത്തീഫ്, അഡ്വ. ജോണ്‍സണ്‍ എബ്രഹാം, ഒ.ഐ.സി.സി പ്രസിഡന്‍റ് വര്‍ഗീസ് പുതുക്കുളങ്ങര, കെ.എം.സി.സി ഭാരവാഹികളായ ഫാറൂഖ് ഹമദാനി, മുഹമ്മദ് അസ്ലം കുറ്റിക്കാട്ടൂര്‍, ഇഖ്ബാല്‍ മാവിലാടം, അതീഖ് കൊല്ലം, സിറാജ് എരഞ്ഞിക്കല്‍, സുബൈര്‍ കൊടുവള്ളി, എം.ആര്‍. നാസര്‍, സലാം ചെട്ടിപ്പടി, മുന്‍ ഭാരവാഹികളായ ഷറഫുദ്ദീന്‍ കണ്ണേത്ത്, ബഷീര്‍ ബാത്ത, എച്ച്. ഇബ്രാഹിംകുട്ടി എന്നിവര്‍ സംസാരിച്ചു. ജനറല്‍ സെക്രട്ടറി പി.എ. അബ്ദുല്‍ ഗഫൂര്‍ വയനാട് സ്വാഗതവും ട്രഷറര്‍ എം.കെ. അബ്ദുറസാഖ് നന്ദിയും പറഞ്ഞു