കെ.എം.സി.സി മലപ്പുറം ജില്ല കമ്മിറ്റി തെരഞ്ഞെടുപ്പ് കലാശക്കൊട്ട്
text_fieldsകുവൈത്ത് സിറ്റി: കുവൈത്ത് കെ.എം.സി.സി മലപ്പുറം ജില്ല കമ്മിറ്റി ലോക്സഭാ തെരഞ്ഞെടുപ്പ് പ്രചരണ കലാശക്കൊട്ട് നടത്തി. അബ്ബാസിയ കെ.എം.സി.സി ഓഫിസിൽ നടന്ന ചടങ്ങിൽ അജ്മൽ വേങ്ങര അധ്യക്ഷത വഹിച്ചു. കുവൈത്ത് ഒ.ഐ.സി.സി ആക്ടിങ് പ്രസിഡന്റ് സാമുവൽ ചാക്കോ ഉദ്ഘാടനം ചെയ്തു. കെ.എം.സി.സി സംസ്ഥാന ആക്ടിങ് ജനറൽ സെക്രട്ടറി ഫാസിൽ കൊല്ലം, ഖാലിദ് ഹാജി, ശാഫി കൊല്ലം, ഇല്ല്യാസ് വെന്നിയൂർ, പി.വി. ഇബ്രാഹീം, സുബൈർ കൊടുവള്ളി, ഷുഹൈബ് കണ്ണൂർ, ഒ.ഐ.സി.സി മലപ്പുറം ജില്ല വൈസ് പ്രസിഡന്റ് ലിബിൻ, ഫഹദ് പൂങ്ങാടൻ, ശറഫു കുഴിപ്പുറം, കെ.എസ്. തൽഹത്, റഷീദ് പയന്തോങ് എന്നിവർ സംസാരിച്ചു.
യു.ഡി.ഫ് സ്ഥാനാർഥികളുടെ പോസ്റ്ററുകളും മുദ്രാവാക്യം വിളികളും ഇശൽ ബാൻഡ് കുവൈത്ത് ടീമിന്റെ കൊട്ടിപ്പാട്ടിന്റെ മേളവും പരിപാടിക്ക് മാറ്റേകി. മലപ്പുറം ജില്ല ജനറൽ സെക്രട്ടറി റസീൻ പടിക്കൽ സ്വാഗതവും ഹസ്സൻ കൊണ്ടോട്ടി നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.