അമീറിന്​ ആദരമായി കെ.കെ.എം.എ രക്തദാനക്യാമ്പ്

കുവൈത്ത്‌ സിറ്റി: കഴിഞ്ഞ ദിവസം അന്തരിച്ച കുവൈത്ത്‌ അമീർ ശൈഖ്​ സബാഹ് അൽ അഹ്​മദ് അൽ ജാബിർ അസ്സബാഹിനുള്ള ആദര സൂചകമായും സ്നേഹാർപ്പണമായും കെ.കെ.എം.എ മാഗ്നെറ് മെഗാ രക്ത ദാന ക്യാമ്പ്​ സംഘടിപ്പിച്ചു. കോവിഡ് നിയന്ത്രണങ്ങൾ പാലിച്ച്​ ജാബിരിയ ബ്ലഡ് ബാങ്കിൽ 328 ആളുകൾ രക്തം ദാനം നൽകി.

കെ.കെ.എം.എയുടെ 15 ബ്രാഞ്ചുകളിൽനിന്നും രജിസ്ട്രേഷൻ നടത്തിയാണ് സന്നദ്ധ ‌സേവന വിഭാഗമായ മാഗ്നെറ്റി​െൻറ നേതൃത്വത്തിൽ ഗാന്ധി ജയന്തി ദിനത്തിൽ ക്യാമ്പ്​ ഒരുക്കിയത്‌.

ബ്ലഡ് ബാങ്ക് അധികൃതരായ ഡോ. അഹമ്മദ് അബ്​ദുൽ ഗാഫർ, ഡോ. ഷയിമ താഹ, ഡോ. അസ്മ അൽ സാവി, ഇന്ത്യൻ മെഡിക്കൽ അസോസിയേഷൻ പ്രസിഡൻറ്​ ഡോ. അമീർ അഹ്​മദ്, കെ.കെ.എം.എ നേതാക്കളായ സഗീർ തൃക്കരിപ്പൂർ, പി.കെ. അക്‌ബർ സിദ്ദീഖ്, അബ്​ദുൽ ഫത്താഹ്‌ തയ്യിൽ, ഹംസ പയ്യന്നൂർ, എ.പി. അബ്​ദുൽ സലാം, കെ.സി. റഫീഖ്, സി. ഫിറോസ്, ബി.എം. ഇഖ്‌ബാൽ, സംസം റഷീദ് എന്നിവർ ക്യാമ്പിന്​ നേതൃത്വം നൽകി. ക്രമീകരണങ്ങൾക്ക്​ വി.കെ. ഗഫൂർ, ഷാഹിദ് ലബ്ബ, മുനീർ കുനിയ, കെ.ഒ. മൊയ്‌ദു, വി.കെ. നാസർ എന്നിവർ നേതൃത്വം നൽകി.