കെ.​െഎ.ജി കുവൈത്ത്​ ഹദീസ് സെമിനാർ വെള്ളിയാഴ്​ച

കുവൈത്ത് സിറ്റി: ഇസ്‌ലാമിലെ രണ്ടാമത്തെ ആധികാരിക പ്രമാണമായ ഹദീസി​െൻറ വിവിധ തലങ്ങൾ സമൂഹത്തിന് പരിചയപ്പെടുത്തി കേരള ഇസ്‍ലാമിക് ഗ്രൂപ്പ്​ കേന്ദ്ര കമ്മിറ്റി സംഘടിപ്പിക്കുന്ന ഹദീസ് സെമിനാർ ഇന്ന്​ നടക്കും. വെള്ളിയാഴ്‌ച 5.30ന് കെ.ഐ.ജി ഫേസ്ബുക് പേജിൽ നടക്കുന്ന സെമിനാർ ജമാഅത്തെ ഇസ്‌ലാമി സംസ്ഥാന അധ്യക്ഷൻ എം.ഐ. അബ്‌ദുൽ അസീസ് ഉദ്ഘാടനം നിർവഹിക്കും.

പ്രമുഖ പണ്ഡിതന്മാരായ ഡോ. ബഹാവുദ്ദീൻ നദ്‌വി കൂരിയാട്, വി.ടി. അബ്​ദുല്ല കോയ തങ്ങൾ, വി.എച്ച്. അലിയാർ ഖാസിമി, ഇൽയാസ് മൗലവി, പി.എൻ. അബ്‌ദുൽ ലത്തീഫ് മദനി എന്നിവർ യഥാക്രമം ഹദീസുകളുടെ ആഴവും അഴകും, സുന്നത്തി​െൻറ പ്രാധാന്യം ഇസ്‌ലാമിൽ, ഹദീസുകളുടെ ആധുനികത, ഹദീസുകളുടെ ആധികാരികത, ഹദീസുകളോടുള്ള സമീപനം തെറ്റും ശരിയും തുടങ്ങിയ വിഷയങ്ങളിൽ പ്രഭാഷണങ്ങൾ നടത്തും. കെ.ഐ.ജി പ്രസിഡൻറ്​ ഫൈസൽ മഞ്ചേരി അധ്യക്ഷത വഹിക്കും. https://www.facebook.com/kigkuwait എന്ന ഫേസ് ബുക് പേജിൽ സന്ദർശിച്ച് തൽസമയം കാണാം. കൂടുതൽ വിവരങ്ങൾക്ക് 99057829 എന്ന നമ്പറിൽ ബന്ധപ്പെടാം.