സുരക്ഷക്കായി ഒരുമീറ്റർ അകലം

കുവൈത്ത്​ സിറ്റി: മനുഷ്യനിൽനിന്ന്​ മനുഷ്യനിലേക്ക്​ കൊറോണ വൈറസ്​ പടരു​േമ്പാൾ ശ്രദ്ധിക്കേണ്ടത്​ സമ്പർക്കം ഒഴിവാക്കാൻ. ഒരുമീറ്റർ അകലം പാലിക്കണമെന്നാണ്​ ആരോഗ്യ മന്ത്രാലയം മുന്നറിയിപ്പ്​ നൽകുന്നത്​. വായുവിലൂടെ തനിയെ വൈറസ്​ പകരില്ല.

എന്നാൽ, തെറിച്ചുവീഴുന്ന ഉമിനീരിലൂടെയും വൈറസ്​ ഉള്ള സ്ഥലം സ്​പർശിച്ച കൈ മുഖത്ത്​ തടവുന്നതിലൂടെയുമാണ്​ പ്രധാനമായും പകർച്ച. ഇതുകൊണ്ടാണ്​ റെസ്​റ്റാറൻറുകളിൽ ഒരേ സമയം അഞ്ച്​ ഉപഭോക്​താക്കളെ മാത്രം ​പ്രവേശിപ്പിക്കണമെന്ന്​ സർക്കാർ നിർദേശിച്ചത്​.

കൂടുതൽ ആൾ ഉണ്ടെങ്കിൽ വരി നിർത്തണമെന്നും വരിയിൽ ഒാരോരുത്തരുടെയും ഇടയിൽ ഒരുമീറ്റർ അകലം പാലിക്കണമെന്നും നിർദേശമുണ്ട്​. റെസ്​റ്റാറൻറുകളിൽ ഇരുന്ന്​ ഭക്ഷണം കഴിക്കാൻ അനുമതിയില്ല.

കസേരകളെല്ലാം കമിഴ്​ത്തി വെച്ചിരിക്കുകയാണ്​. വാങ്ങിക്കൊണ്ടുപോവാൻ എത്തിയവർ തിരക്ക്​ കൂട്ടാതെ നിശ്ചിത അകലം പാലിക്കണമെന്ന്​ നിർദേശിച്ചത്​ സമ്പർക്കത്തിലൂടെ വൈറസ്​ പടരാതിരിക്കാനാണ്​.

ബാർബർ ഷോപ്പുകൾ, ലേഡീസ്​ സലൂണുകൾ, കുട്ടികളുടെ വിനോദ കേന്ദ്രങ്ങൾ തുടങ്ങിയവയെല്ലാം അടച്ചിടണമെന്ന്​ സർക്കാർ നിർദേശമുണ്ട്​. സൂപ്പർ മാർക്കറ്റുകൾക്കും ഭക്ഷണ വസ്​തുക്കൾ വിൽക്കുന്ന സ്ഥാപനങ്ങൾക്കും തുറക്കാൻ അനുമതി നൽകിയത്​ ദൈനംദിന ജീവിതം മിനിമം തോതിൽ മുന്നോട്ടു​കൊണ്ടാവാൻ അനിവാര്യമായത്​ കൊണ്ടാണ്​. ഇവിടെയും ‘ജീവ​​െൻറ’ ഒരുമീറ്റർ അകലം പാലിക്കുന്നതിലാണ്​ സുരക്ഷ.