ക​ല കു​വൈ​ത്ത് ലി​റ്റ​റേ​ച്ച​ർ ഫെ​സ്റ്റി​വ​ൽ വ്യാ​ഴം, വെ​ള്ളി ദി​വ​സ​ങ്ങ​ളി​ൽ

കു​വൈ​റ്റ് സി​റ്റി: കേ​ര​ള ആ​ര്‍ട്ട് ല​വേ​ഴ്സ് അ​സോ​സി​യേ​ഷ​ന്‍ ക​ല കു​വൈ​ത്ത് ലി​റ്റ​റേ​ച്ച​ർ ഫെ​സ്റ്റി​വ​ൽ വ്യാ​ഴം, വെ​ള്ളി ദി​വ​സ​ങ്ങ​ളി​ൽ അ​ബ്ബാ​സി​യ ആ​സ്പ​യ​ർ ഇ​ന്ത്യ​ൻ ഇ​ന്റ​ർ​നാ​ഷ​ന​ൽ സ്‌​കൂ​ളി​ൽ.

ഫെ​സ്റ്റി​വ​ലി​ൽ എ​ഴു​ത്തു​കാ​രാ​യ അ​ശോ​ക​ൻ ച​രു​വി​ൽ, ബെ​ന്യാ​മി​ൻ, ഹ​രി​ത സാ​വി​ത്രി, പ്രി​യ വി​ജ​യ​ൻ ശി​വ​ദാ​സ്, മാ​ധ്യ​മ പ്ര​വ​ർ​ത്ത​ക​ൻ ശ​ര​ത് ച​ന്ദ്ര​ൻ എ​ന്നി​വ​ർ വി​വി​ധ സെ​ഷ​നു​ക​ളി​ലാ​യി പ​ങ്കെ​ടു​ക്കും.

വ്യാ​ഴാ​ഴ്ച വൈ​കീ​ട്ട് 6.30നാ​ണ് ഉ​ദ്‌​ഘാ​ട​നം. വെ​ള്ളി​യാ​ഴ്ച രാ​വി​ലെ ഒ​മ്പ​തു മു​ത​ൽ ആ​രം​ഭി​ക്കു​ന്ന സെ​ഷ​നു​ക​ളി​ൽ നാ​ട്ടി​ൽ​നി​ന്നും, ജി.​സി.​സി രാ​ജ്യ​ങ്ങ​ളി​ൽ നി​ന്നും കു​വൈ​ത്തി​ൽ നി​ന്നു​മു​ള്ള സാ​ഹി​ത്യ സാം​സ്‌​കാ​രി​ക രം​ഗ​ത്തു​നി​ന്നു​ള്ള​വ​ർ പ​ങ്കെ​ടു​ക്കും. എ​ട്ട് സെ​ഷ​നു​ക​ളാ​യാ​ണ് പ​രി​പാ​ടി​ക​ൾ ന​ട​ക്കു​ക. ക​ല​യു​ടെ ക​ലാ​കാ​ര​ൻ​മാ​ർ അ​വ​ത​രി​പ്പി​ക്കു​ന്ന മ​ല​യാ​ളം ക​വി​ത​ക​ളു​ടെ രം​ഗാ​വി​ഷ്ക്കാ​രം ‘കാ​വ്യ​വൈ​ഖ​രി’​യും ഒ​രു​ക്കി​യി​ട്ടു​ണ്ട്.

കു​വൈ​ത്ത് പ്ര​വാ​സി​ക​ളു​ടെ പു​സ്ത​ക​ങ്ങ​ളു​ടെ പ്ര​ദ​ർ​ശ​ന​വും പ്ര​ത്യേ​ക പ​വി​ലി​യ​നി​ൽ ഒ​രു​ക്കി​യി​ട്ടു​ണ്ട്. ലൈ​വ് ചി​ത്ര ര​ച​ന, ചി​ത്ര പ്ര​ദ​ർ​ശ​നം എ​ന്നി​വ​യും മേ​ള​യു​ടെ ഭാ​ഗ​മാ​ണ്. വെ​ള്ളി​യാ​ഴ്ച്ച വൈ​കീ​ട്ട് സ​മാ​പ​ന സ​മ്മേ​ള​ന​ത്തി​ൽ എം.​ടി പു​ര​സ്കാ​ര​വും സാ​ഹി​ത്യ​മ​ത്സ​ര വി​ജ​യി​ക​ൾ​ക്കു​ള്ള സ​മ്മാ​ന​വും വി​ത​ര​ണം ചെ​യ്യും.

അ​ബ്ബാ​സി​യ കാ​ലി​ക്ക​റ്റ് ഷെ​ഫ് റ​സ്റ്റാ​റ​ന്റി​ൽ ന​ട​ന്ന വാ​ർ​ത്ത സ​മ്മേ​ള​ന​ത്തി​ല്‍ ക​ല കു​വൈ​ത്ത് പ്ര​സി​ഡ​ന്റ് മാ​ത്യു ജോ​സ​ഫ്, ജ​ന​റ​ൽ സെ​ക്ര​ട്ട​റി ടി.​വി. ഹി​ക്മ​ത്ത്, ലി​റ്റ​റേ​ച്ച​ർ ഫെ​സ്റ്റി​വ​ൽ ചെ​യ​ർ​മാ​ൻ പ്രേ​മ​ൻ ഇ​ല്ല​ത്ത്, ജ​ന​റ​ൽ ക​ൺ​വീ​ന​ർ മ​ണി​ക​ണ്ഠ​ൻ വ​ട്ടം​കു​ളം, ക​ല കു​വൈ​ത്ത് ട്ര​ഷ​റ​ർ പി.​ബി. സു​രേ​ഷ്, ആ​ക്ടി​ങ് മീ​ഡി​യ സെ​ക്ര​ട്ട​റി പ്ര​സീ​ത ജി​തി​ൻ എ​ന്നി​വ​ർ പ​ങ്കെ​ടു​ത്തു.