ജോയ് ആലുക്കാസ് ജ്വല്ലറി രക്തദാന ക്യാമ്പ് സംഘടിപ്പിച്ചു

കുവൈത്ത് സിറ്റി: ജോയ് ആലുക്കാസ് ജ്വല്ലറി കുവൈത്തിലെ മുബാറക് അൽ കബീർ ഹോസ്പിറ്റലിൽ രക്തദാന ക്യാമ്പ് സംഘടിപ്പിച്ചു. 'രക്തം ദാനം ചെയ്യുക, ഹീറോ ആകുക' എന്ന മുദ്രാവാക്യമുയർത്തി നടത്തിയ ക്യാമ്പിൽ ജോയ് ആലുക്കാസ് ജ്വല്ലറിയിലെ ജീവനക്കാർ രക്തം ദാനം ചെയ്തു. ജോയ് ആലുക്കാസ് സി.എസ്.ആർ ടീം രക്തദാന പ്രചാരണവും സംഘടിപ്പിച്ചു. എല്ലാ വ്യാപാര സ്ഥാപനങ്ങളോടും ആരോഗ്യമുള്ള വ്യക്തികളോടും രക്തം ദാനം ചെയ്യാൻ മുന്നോട്ടുവരാൻ അഭ്യർഥിക്കുന്നതായി ജോൺ പോൾ ആലുക്കാസ് മാനേജിങ് ഡയറക്ടർ ജോയ് ആലുക്കാസ് ഇന്റർനാഷണൽ ഓപ്പറേഷൻസ് പറഞ്ഞു.