അറുപതാണ്ടിന്റെ അനുഭവങ്ങളുമായി ജോൺ മാത്യു മടങ്ങുന്നു

ജോൺ മാത്യു

പ്ര​വാ​സം എ​ന്നും അ​നു​ഭ​വ​ങ്ങ​ളു​ടെ​യും ഓ​ർ​മ​ക​ളു​ടെ​യും ക​ല​വ​റ​യാ​ണ്. മ​രു​ഭൂ​മി​യു​ടെ വി​ശാ​ല അ​ന്ത​രീ​ക്ഷ​ത്തി​ലാ​ണ് അ​തെ​ങ്കി​ൽ എ​ല്ലാ​റ്റി​നും മൂ​ർ​ച്ച​കൂ​ടും. ദൂ​രെ ഒ​രി​ട​ത്ത് പ​ച്ച​പ്പും പാ​ട​വും പു​ഴ​യും മ​ക​ര​മ​ഞ്ഞും മ​ഴ​യും എ​ല്ലാം ക​ണ്ടു​വ​ള​ർ​ന്ന​വ​ർ​ക്ക് മ​രു​ഭൂ​മി സ​മ്മാ​നി​ക്കു​ന്ന​ത് വേ​റി​ട്ട അ​നു​ഭ​വ​വും കാ​ഴ്ച​യും ത​ന്നെ​യാ​കും. നാ​ടും വീ​ടും എ​ന്ന വി​കാ​രം പു​റം ചൂ​ടി​നെ​പോ​ലെ ഓ​രോ പ്ര​വാ​സി​യു​ടെ ഉ​ള്ളി​ലും തി​ള​ച്ചു​മ​റി​യു​ന്നു​ണ്ടാ​കാം. തി​രി​കെ വി​ളി​ക്കു​ന്നു​ണ്ടാ​കാം. മ​ട​ങ്ങാ​ൻ പ്രേ​രി​പ്പി​ക്കു​ന്നു​ണ്ടാ​കാം. അ​തി​നെ​യെ​ല്ലാം മ​റി​ക​ട​ന്ന് 'പി​ടി​ച്ചു​നി​ന്നാ​ണ്' ചി​ല​രെ​ങ്കി​ലും വി​ജ​യ​തീ​രം തൊ​ടു​ന്ന​ത്. അ​റു​പ​താ​ണ്ട് മു​മ്പ്, ഗ​ൾ​ഫ് നാ​ടു​ക​ൾ അ​തി​ന്റെ പ്ര​താ​പ​ത്തി​ലേ​ക്ക് പി​ച്ച​വെ​ച്ചു തു​ട​ങ്ങു​ന്ന കാ​ല​ത്ത് കു​വൈ​ത്തി​ലെ​ത്തി​യ ആ​ളാ​ണ് കോ​ട്ട​യം സ്വ​ദേ​ശി ജോ​ൺ​മാ​ത്യു. കു​റ​ഞ്ഞ ജ​ന​സം​ഖ്യ​യും അ​തി​ലേ​റെ മ​ണ​ൽ​പ​ര​പ്പു​മാ​യി ചു​ട്ടു​പൊ​ള്ളി കി​ട​ന്നി​രു​ന്ന ഒ​രു രാ​ജ്യം, ഇ​ന്ന് സ​മ്പ​ന്ന​ത​യു​ടെ​യും സൗ​ക​ര്യ​ങ്ങ​ളു​ടെ​യും പ​ട്ടി​ക​യി​ലേ​ക്ക് ഉ​യ​ർ​ന്ന​തി​ന് നേ​ർ സാ​ക്ഷി​യാ​ണ് ഇ​ദ്ദേ​ഹം. ജോ​ൺ മാ​ത്യു​വി​ന്റെ പ്ര​വാ​സ ജീ​വി​തം കു​വൈ​ത്തി​ന്റെ ത​ന്നെ ച​രി​ത്ര​മാ​യി വാ​യി​ക്കാം. അ​തി​ൽ മ​രു​ഭൂ​മി​യു​ണ്ട്, മ​നു​ഷ്യ​രു​ണ്ട്, ക​ട​ലും ആ​കാ​ശ​വു​മു​ണ്ട്, ക​ല​യും സാ​ഹി​ത്യ​വു​മു​ണ്ട്, യു​ദ്ധ​വും സ​മാ​ധാ​ന​വു​മു​ണ്ട്. കു​വൈ​ത്തി​ലെ​ത്തി​യി​ട്ട് അ​റു​പ​താ​ണ്ട് പൂ​ർ​ത്തി​യാ​കു​ന്ന ഘ​ട്ട​ത്തി​ൽ ജോ​ൺ​മാ​ത്യു ആ ​ക​ഥ​ക​ൾ പ​റ​യു​ന്നു.

കേ​ട്ട​റി​വ് പോ​ലു​മി​ല്ലാ​ത്ത നാ​ട്ടി​ലേ​ക്ക്

കാ​ലം 1962, കെ​മി​ക്ക​ൽ എ​ൻ​ജി​നീ​യ​റി​ങ് റാ​ങ്കോ​ടെ വി​ജ​യി​ച്ച ജോ​ൺ മാ​ത്യു എ​ന്ന 23 കാ​ര​ൻ അ​ന്ന് ആ​ലു​വ എ​ഫ്.​എ.​സി.​ടി​യി​ൽ ജോ​ലി​ചെ​യ്യു​ക​യാ​ണ്. പ​ത്ര​ങ്ങ​ൾ സ്ഥി​ര​മാ​യി വാ​യി​ക്കു​ന്ന ജോ​ൺ​മാ​ത്യു​വി​ന്റെ ശ്ര​ദ്ധ​യി​ൽ ഒ​രു പ​ര​സ്യം ഉ​ട​ക്കി നി​ന്നു. കെ​മി​ക്ക​ൽ എ​ൻ​ജി​നീ​യ​റെ ആ​വ​ശ്യ​മു​ണ്ടെ​ന്ന കു​വൈ​ത്ത് ജ​ല​വൈ​ദ്യു​തി മ​ന്ത്രാ​ല​യ​ത്തി​ന്റേ​താ​യി​രു​ന്നു ആ ​പ​ര​സ്യം. ഒ​രു കൗ​തു​ക​ത്തി​ന് ജോ​ൺ​മാ​ത്യു അ​പേ​ക്ഷ അ​യ​ച്ചു. പെ​ട്ടെ​ന്ന് ത​ന്നെ മ​റു​പ​ടി വ​ന്നു. ഇ​ന്റ​ർ​വ്യൂ​വി​ന് മ​ദി​രാ​ശി​യി​ൽ എ​ത്ത​ണം. ഫ​സ്റ്റ് ക്ലാ​സ് ട്രെ​യി​ൻ ടി​ക്ക​റ്റും ഹോ​ട്ട​ൽ ചെ​ല​വും അ​വ​ർ വ​ഹി​ക്കും. കൗ​തു​കം വീ​ണ്ടും കൂ​ടി. മ​ദി​രാ​ശി വ​രെ പോ​യേ​ക്കാം, ചെ​ല​വൊ​ന്നു​മി​ല്ല​ല്ലോ! ഇ​ന്റ​ർ​വ്യൂ ക​ഴി​ഞ്ഞ​പ്പോ​ൾ നി​യ​മ​ന ഉ​ത്ത​ര​വ് ല​ഭി​ച്ചു. ശ​മ്പ​ളം കേ​ട്ട​പ്പോ​ൾ വീ​ണ്ടും ഞെ​ട്ടി, നാ​ട്ടി​ൽ കി​ട്ടു​ന്ന​തി​ന്റെ പ​ത്തി​ര​ട്ടി​യോ​ളം. പി​ന്നീ​ട് ഒ​ന്നും ചി​ന്തി​ച്ചി​ല്ല. നേ​രെ കു​വൈ​ത്തി​ലേ​ക്ക് തി​രി​ച്ചു.

1962 ആ​ഗ​സ്റ്റ് 14 ജോ​ൺ​മാ​ത്യു കു​വൈ​ത്തി​ന്റെ മ​ണ്ണി​ൽ കാ​ലു​കു​ത്തി. ഈ ​നാ​ടി​നെ കു​റി​ച്ച് ഒ​ര​റി​വും അ​തി​ന് മു​മ്പ് ഉ​ണ്ടാ​യി​രു​ന്നി​ല്ല. എ​ത്തി​യ​പ്പോ​ൾ താ​ൻ മ​രു​കോ​ട്ട​യു​ടെ ന​ടു​വി​ലാ​ണെ​ന്ന് തോ​ന്നി. സാ​ൽ​മി​യ, ശ​ർ​ക് എ​ന്നീ ഭാ​ഗ​ങ്ങ​ളി​ൽ മാ​ത്രം കു​റ​ച്ച് ജ​ന​ങ്ങ​ളു​ണ്ട്. അ​ഹ്മ​ദി ഭാ​ഗ​ത്ത് കെ.​ഒ.​സി​യു​ടെ ഉ​ദ്യോ​ഗ​സ്ഥ​രും-​തീ​ർ​ന്നു. ബാ​ക്കി​യെ​ല്ലാം പ​ര​ന്നു​കി​ട​ക്കു​ന്ന മ​ണ​ൽ​കാ​ടു​ക​ൾ. റോ​ഡു​ക​ൾ പോ​ലും കു​റ​ച്ചേ​യു​ള്ളൂ. എ​യ​ർ ക​ണ്ടീ​ഷ​ൻ ചു​രു​ക്കം ഇ​ട​ങ്ങ​ളി​ൽ മാ​ത്രം. വ​ലി​യ ജ​നാ​ല​ക​ൾ ചൂ​ടി​​നെ അ​ക​ത്തേ​ക്ക് കൊ​ണ്ടു​വ​രും എ​ന്ന​തി​നാ​ൽ എ​പ്പ​ഴും അ​ട​ഞ്ഞു​കി​ട​ക്കും. വീ​ശി​യ​ടി​ക്കു​ന്ന കാ​റ്റ് മ​ണ​ൽ​പ്പ​ര​പ്പി​നെ ഉ​യ​ർ​ത്തു​ന്ന​ത് നോ​ക്കി​യും, ഉ​ട​േ​ലാ​ടെ ചൂ​ടു​നി​റ​ഞ്ഞും അ​ന്നാ പ​യ്യ​ൻ മ​രു​ഭൂ​മി​യി​ൽ ത​നി​ച്ചു​നി​ന്നു.

കു​ളി​ർ​കാ​റ്റാ​യി​രു​ന്ന ക​ത്തു​ക​ൾ

അ​റു​പ​തു​ക​ളു​ടെ തു​ട​ക്ക​കാ​ലം കു​വൈ​ത്ത് അ​തി​ന്റെ വി​ക​സ​ന​ത്തി​ലേ​ക്ക് മാ​സ്റ്റ​ർ പ്ലാ​ൻ ത​യാ​റാ​ക്കു​ന്ന സ​മ​യ​മാ​യി​രു​ന്നു. വൈ​ദ്യു​തി മ​ന്ത്രാ​ല​യ​ത്തി​ൽ ജോ​ൺ മാ​ത്യു​വി​ന് പി​ടി​പ്പ​ത് പ​ണി​യു​ണ്ടാ​യി​രു​ന്നു. എ​ഫ്.​എ.​സി.​ടി​യി​ലെ പ്ര​വൃ​ത്തി​പ​രി​ച​യം കു​വൈ​ത്തി​ൽ ഗു​ണം ചെ​യ്തു. മ​ന്ത്രാ​ല​യ​ത്തി​നും ജോ​ൺ​മാ​ത്യു​വി​നും വ​ള​രെ വേ​ഗ​ത്തി​ൽ അ​തി​ന്റെ ഗു​ണം ല​ഭി​ച്ചു. ജോ​ലി ഇ​നി ഇ​വി​ടെ​ത​ന്നെ എ​ന്ന് ഉ​റ​പ്പി​ച്ച ജോ​ൺ​മാ​ത്യു അ​ങ്ങ​നെ കു​വൈ​ത്തി​ന്റെ ഭാ​ഗ​മാ​യി.

ക​ത്തെ​ഴു​ത്താ​യി​രു​ന്നു അ​ന്ന് ജോ​ലി​ക​ഴി​ഞ്ഞ​തി​നു​ശേ​ഷ​മു​ള്ള പ്ര​ധാ​ന കാ​ര്യം. ടെ​ലി​ഫോ​ണൊ​ക്കെ കു​റ​ഞ്ഞ ഇ​ട​ങ്ങ​ളി​ലേ ഉ​ള്ളൂ. സ​ഫാ​ത്തി​ലെ പ്ര​ധാ​ന പോ​സ്റ്റ് ഓ​ഫി​സി​ൽ ജോ​ൺ​മാ​ത്യു​വി​നും സ്വ​ന്ത​മാ​യി ഒ​രു പോ​സ്റ്റ് ബോ​ക്സ് ഉ​ണ്ടാ​യി​രു​ന്നു. കി​ളി​ക്കൂ​ടു​പോ​ലെ തോ​ന്നി​ക്കു​ന്ന അ​ത് എ​ന്നും വ​ന്ന് തു​റ​ന്നു​നോ​ക്കും. എ​ഴു​ത്തു​ക​ൾ വ​ല്ല​തും ഉ​ണ്ടോ! വ​ന്ന ക​ത്തു​ക​ൾ ആ​വേ​ശ​ത്തോ​ടെ തു​റ​ന്നു വാ​യി​ക്കും. നാ​ട്ടി​ലെ വി​ശേ​ഷ​ങ്ങ​ളും വ​ലു​തും ചെ​റു​തു​മാ​യ കാ​ര്യ​ങ്ങ​ളും അ​ക്ഷ​ര​ങ്ങ​ളി​ലൂ​ടെ മി​ണ്ടും. മ​രു​ഭൂ​മി​യി​ലെ ക​ന​ത്ത ചൂ​ടി​ലേ​ക്ക് വീ​ശു​ന്ന കു​ളി​ർ​ക്കാ​റ്റാ​യി​രു​ന്നു ഓ​രോ ക​ത്തും. പി​ന്നെ ഫോ​ണി​ലൂ​ടെ കേ​ൾ​ക്ക​ലാ​യി, ഇ​പ്പോ​ൾ കാ​ണ​ലും ആ​യി. ലോ​കം എ​ത്ര​മാ​റി എ​ന്ന് പ​ഴ​യ​കാ​ലം ഓ​ർ​ക്കു​മ്പോ​ൾ തി​രി​ച്ച​റി​യു​ന്നു.

അ​ധി​നി​വേ​ശ അ​നു​ഭ​വ​ങ്ങ​ൾ

1990 ൽ ​ഇ​റാ​ഖി സൈ​ന്യം കു​വൈ​ത്തി​ലേ​ക്ക് ഇ​ര​ച്ചു​ക​യ​റി​യ​തും പി​ന്നീ​ട് ന​ട​ന്ന സം​ഭ​വ​ങ്ങ​ളും പേ​ടി​പ്പെ​ടു​ത്തു​ന്ന ചി​ത്ര​ങ്ങ​ളാ​യി ജോ​ൺ​മാ​ത്യു​വി​ന്റെ മ​ന​സ്സി​ൽ ഇ​പ്പോ​ഴു​മു​ണ്ട്. കു​വൈ​ത്തി ജ​ന​ത​യും പ്ര​വാ​സി​ക​ളും സ്തം​ഭി​ച്ചു​നി​ന്ന സ​മ​യം. എ​ങ്ങും അ​നി​ശ്ചി​താ​വ​സ്ഥ. ആ​ഗ​സ്റ്റ് ര​ണ്ട്, പു​റ​ത്തേ​ക്കു പോ​കാ​ൻ കാ​റി​ൽ ഇ​രി​ക്കു​മ്പോ​ൾ അ​തി​ന​ക​ത്തേ​ക്ക് ഒ​രു തോ​ക്കി​ൻ കു​ഴ​ൽ നീ​ണ്ടു​വ​ന്നു. പി​ന്നെ ചോ​ദ്യ​ങ്ങ​ളാ​യി. കു​വൈ​ത്തി​ലെ ഇ​റാ​ഖി ഇ​ട​പെ​ട​ലും അ​ധി​നി​വേ​ശ​വും അ​പ്പോ​ഴാ​ണ് അ​റി​യു​ന്ന​ത്. എ​ങ്ങ​നെ​യൊ​ക്കെ​യോ അ​വി​ടെ​നി​ന്ന് ര​ക്ഷ​പ്പെ​ട്ടു. കു​വൈ​ത്തി​ക​ൾ മ​രു​ഭൂ​മി താ​ണ്ടി സൗ​ദി​യി​ലേ​ക്ക് യാ​ത്ര ആ​രം​ഭി​ച്ചു ക​ഴി​ഞ്ഞി​രു​ന്നു അ​പ്പോ​ൾ.

കു​വൈ​ത്തി​ലെ ഇ​ന്ത്യ​ക്കാ​രെ​യും മ​ല​യാ​ളി​ക​ളെ​യും നാ​ട്ടി​ലെ​ത്തി​ക്കാ​ൻ അ​ന്ന് പ്ര​യ​ത്നി​ച്ച​വ​രി​ൽ പ്ര​ധാ​നി​യാ​യി​രു​ന്നു ജോ​ൺ മാ​ത്യു. യാ​ത്രാ​രേ​ഖ​ക​ളും പാ​സ്​​പോ​ർ​ട്ടും ഇ​ല്ലാ​ത്ത​വ​ർ​ക്ക് പ്ര​​ത്യേ​ക ഇ​ട​പെ​ട​ലി​ലൂ​ടെ അ​വ സം​ഘ​ടി​പ്പി​ച്ചു ന​ൽ​കി. ഇ​ന്ത്യ​ക്കാ​രെ​യെ​ല്ലാം അ​തി​ർ​ത്തി​ക​ട​ത്തു​ന്ന ട്രാ​ൻ​സ്​​പോ​ർ​ട്ടേ​ഷ​ൻ ചു​മ​ത​ല​യാ​യി​രു​ന്നു ജോ​ൺ മാ​ത്യു​വി​ന്. ബ​സു​ക​ൾ വാ​ട​ക​ക്കെ​ടു​ത്ത്, റോ​ഡു​മാ​ർ​ഗം ഇ​​ത്ര​യും പേ​രെ അ​തി​ർ​ത്തി​യി​ൽ എ​ത്തി​ക്ക​ൽ വെ​ല്ലു​വി​ളി​യാ​യി​രു​ന്നു. ഒ​രു ബ​സി​ൽ 40 പേ​ർ എ​ന്ന നി​ല​യി​ലാ​ണ് ക​യ​റ്റി​യ​ത്. എ​ല്ലാ​യി​ട​ത്തും ചെ​ക്പോ​സ്റ്റു​ക​ളും പ​രി​ശോ​ധ​ന​ക​ളു​മാ​ണ്. ഇ​ഷ്ട​മി​ല്ലാ​ത്ത​കാ​ര്യ​ങ്ങ​ൾ ക​ണ്ടാ​ൽ ഇ​റാ​ഖി സൈ​ന്യം പ്ര​തി​ക​രി​ക്കും. എ​ങ്കി​ലും ദൗ​ത്യം വി​ജ​യ​ക​ര​മാ​യി പൂ​ർ​ത്തി​യാ​ക്കാ​ൻ ക​ഴി​ഞ്ഞു. നാ​ട്ടി​ലേ​ക്ക് മ​ട​ങ്ങാ​ൻ ആ​ഗ്ര​ഹി​ച്ച മു​ഴു​വ​ൻ ഇ​ന്ത്യ​ക്കാ​രെ​യും ക​യ​റ്റി​വി​ട്ട് അ​വ​സാ​ന ബ​സി​ലാ​ണ് അ​ന്ന് ജോ​ൺ​മാ​ത്യു കു​വൈ​ത്ത് വി​ട്ട​ത്. ഒ​രു ല​ക്ഷ​ത്തി​ലേ​റെ ഇ​ന്ത്യ​ക്കാ​ർ അ​ന്ന് മ​ട​ങ്ങി​യെ​ന്നാ​ണ് ക​ണ​ക്ക്.

ക​റു​ത്ത ആ​കാ​ശ​വും ഭൂ​മി​യും

1991 ഫെ​ബ്രു​വ​രി 27 അ​ന്താ​രാ​ഷ്ട്ര ത​ല​ത്തി​ൽ ന​ട​ന്ന ക​ന​ത്ത ഇ​ട​പെ​ട​ലി​നെ തു​ട​ർ​ന്ന് ഇ​റാ​ഖ് കു​വൈ​ത്തി​ൽ​നി​ന്ന് പി​ന്മാ​റി. ഇ​തി​ന് പി​റ​കെ ഏ​പ്രി​ലി​ൽ ജോ​ൺ​മാ​ത്യു വീ​ണ്ടും കു​വൈ​ത്തി​ലെ​ത്തി. എ​ണ്ണ​നി​ർ​മാ​ണ കേ​ന്ദ്ര​ങ്ങ​ളി​ലെ തീ ​അ​പ്പോ​ഴും അ​ണ​ഞ്ഞി​രു​ന്നി​ല്ല. ആ​കാ​ശ​ത്ത് നി​റ​ഞ്ഞി​രു​ന്ന പു​ക എ​ങ്ങും ഇ​രു​ട്ടു​പ​ര​ത്തി. പ​ക​ൽ സൂ​ര്യ​ൻ അ​വ​ക്ക് പി​റ​കി​ൽ ഒ​ളി​ച്ചു​നി​ന്നു. എ​ണ്ണ​ത്തു​ള്ളി​ക​ൾ ക​രി​യും പു​ക​യും നി​റ​ഞ്ഞ് ആ​കാ​ശ​ത്തു​നി​ന്നും വീ​ണു​കൊ​ണ്ടേ​യി​രി​ക്കു​ന്നു. കാ​റു​ക​ൾ​ക്ക് മു​ക​ളി​ൽ എ​ണ്ണ വീ​ണ് ഒ​ന്നും കാ​ണാ​ൻ ക​ഴി​യാ​തെ​യാ​കും. അ​ത് വൃ​ത്തി​യാ​ക്ക​ൽ വ​ലി​യൊ​രു ജോ​ലി​യാ​യി​രു​ന്നു. വ​സ്ത്ര​ങ്ങ​ൾ ഒ​റ്റ ദി​വ​സം​കൊ​ണ്ട് കേ​ടു​വ​രും. അ​മ്പ​തി​ലേ​റെ പ്ര​ത്യേ​ക കു​പ്പാ​യ​ങ്ങ​ൾ വാ​ങ്ങി​യാ​ണ് അ​ന്ന് കു​വൈ​ത്തി​ലെ​ത്തി​യ​ത്. എ​ട്ടു​മാ​സ​ത്തോ​ളം അ​ന്ത​രീ​ക്ഷം അ​തേ​പ​ടി നി​ല​നി​ന്നു എ​ന്ന് ജോ​ൺ​മാ​ത്യു ഓ​ർ​ക്കു​ന്നു. ഇ​റാ​ഖി പ​ട്ടാ​ള​ക്കാ​രു​ടെ പ്ര​വൃ​ത്തി​ക​ൾ എ​ങ്ങും തെ​ളി​ഞ്ഞു​കാ​ണാ​മാ​യി​രു​ന്നു. ജോ​ൺ മാ​ത്യു​വി​ന്റെ ഓ​ഫി​സ് ഇ​റാ​ഖി പ​ട്ടാ​ള​ക്കാ​ർ ശു​ചി​മു​റി​യാ​യാ​ണ് ഉ​പ​യോ​ഗി​ച്ചി​രു​ന്ന​ത്. മാ​സ​ങ്ങ​ൾ ക​ഴി​ഞ്ഞാ​ണ് അ​തെ​ല്ലാം ശ​രി​യാ​യ​ത്.

എ​ഴു​ത്തു​കാ​ര​നും ആ​ർ​ട്ടി​സ്റ്റും

സ​ർ​ക്കാ​ർ ജോ​ലി​യി​ൽ​നി​ന്ന് ഒ​രു​ഘ​ട്ടം ക​ഴി​ഞ്ഞ​പ്പോ​ൾ സ്വ​യം വി​ര​മി​ച്ച ജോ​ൺ മാ​ത്യു​ ബി​സി​ന​സി​ലേ​ക്ക് തി​രി​ഞ്ഞു. ഇ​തി​നി​ട​യി​ൽ എ​ഴു​താ​നും വാ​യി​ക്കാ​നും സ​മ​യം ക​ണ്ടെ​ത്തു​ന്ന ജോ​ൺ​മാ​ത്യു നി​ര​വ​ധി പു​സ്ത​ക​ങ്ങ​ളു​ടെ ര​ച​യി​താ​വാ​ണ്. തൂ​ലി​കാ നാ​മ​ത്തി​ലും നി​ര​വ​ധി ​എ​ഴു​ത്തു​ക​ൾ വെ​ളി​ച്ചം ക​ണ്ടു. ഇ​റാ​ഖ് അ​ധി​നി​വേ​ശ​ത്തി​ന്റെ പ​ശ്ചാ​ത്ത​ല​ത്തി​ൽ ഏ​ഴു​തി​യ 'എ ​സാ​ഗ ഓ​ഫ് ആ​ൻ എ​ക്സ് പാ​ട്രി​യേ​ഴ്സ്' എ​ന്ന ഇം​ഗ്ലീ​ഷ് കൃ​തി ശ്ര​ദ്ധേ​യ​മാ​ണ്. എ​ഴു​ത്തി​നോ​ടു​ള്ള ഇ​ഷ്ടം എ​ഴു​ത്തു​കാ​രോ​ടു​മു​ണ്ട്. കു​വൈ​ത്തി​ലെ​ത്തു​ന്ന മ​ല​യാ​ളി എ​ഴു​ത്തു​കാ​ർ ത​ങ്ങു​ന്ന സ്ഥി​രം ഇ​ട​മാ​ണ് ഇ​ദ്ദേ​ഹ​ത്തി​ന്റെ വീ​ട്. ഒ.​എ​ൻ.​വി, മു​കു​ന്ദ​ൻ, സ​ക്ക​റി​യ എ​ന്നി​വ​രൊ​ക്കെ ജോ​ൺ മാ​ത്യു​വി​ന്റെ ആ​തി​ഥ്യം സ്വീ​ക​രി​ച്ച​വ​രാ​ണ്. ജോ​ൺ​മാ​ത്യു​വി​ന്റെ ഇ​ഷ്ട​ങ്ങ​ൾ​ക്കൊ​പ്പം നി​ൽ​ക്കു​ന്ന പ​ത്നി എ​ലി​സ​ബ​ത്ത് ചി​ത്ര​കാ​രി​യും പാ​ച​ക വി​ദ​ഗ്ധ​യു​മാ​ണ്. പാ​ച​ക​ത്തെ കു​റി​ച്ച് ഏ​ഴു പു​സ്ത​ക​ങ്ങ​ൾ ഇ​വ​രു​ടേ​താ​യു​ണ്ട്. കു​വൈ​ത്തി​ലെ വീ​ടി​ന്റെ മു​ക​ൾ​ഭാ​ഗ​ത്ത് നി​റ​യെ ഇ​വ​ർ വ​ര​ച്ച ചി​ത്ര​ങ്ങ​ൾ കാ​ണാം.

മ​ല​യാ​ളി സം​ഘ​ട​ന​ക​ൾ

ജേ​ൺ​മാ​ത്യു കു​വൈ​ത്തി​ൽ എ​ത്തു​മ്പോ​ൾ 3.35 ല​ക്ഷം പേ​രെ രാ​ജ്യ​ത്തു​ണ്ടാ​യി​രു​ന്നു​ള്ളൂ. അ​ന്നും മ​ല​യാ​ളി​ക​ൾ ഇ​വി​ടെ​യു​ണ്ട്. പ്ര​വാ​സി​ക​ളി​ൽ ഭൂ​രി​പ​ക്ഷ​വും ഇ​ന്ത്യ​ക്കാ​രാ​യി​രു​ന്നു. അ​തി​ൽ മ​ല​യാ​ളി​ക​ൾ​ക്കാ​യി​രു​ന്നു ഭൂ​രി​പ​ക്ഷം. കു​വൈ​ത്ത് ഓ​യി​ൽ കോ​ർ​പ​റേ​ഷ​നി​ൽ ചെ​റു​ജോ​ലി​ക​ളി​ലെ​ല്ലാം മ​ല​യാ​ളി സാ​ന്നി​ധ്യ​മു​ണ്ടാ​യി​രു​ന്നു. ആ​ദ്യ​കാ​ല​ത്ത് ക​ട​ൽ വ​ഴി​യാ​ണ് ഭൂ​രി​പ​ക്ഷ​വും കു​വൈ​ത്തി​ലെ​ത്തി​യി​രു​ന്ന​ത്. പി​ന്നെ വി​മാ​ന മാ​ർ​ഗ​മാ​യി. ബോം​ബെ വ​ഴി​മാ​ത്ര​മാ​ണ് വി​മാ​ന സൗ​ക​ര്യം. ആ​ളു​ക​ൾ കൂ​ടി വ​ന്ന​തോ​ടു​കൂ​ടി കു​വൈ​ത്തി​ൽ വി​വി​ധ സം​ഘ​ട​ന​ക​ളും രൂ​പ​പ്പെ​ട്ടു​വ​ന്നു. അ​വ​രെ​ല്ലാം ജോ​ൺ​മാ​ത്യു​വി​നെ മാ​തൃ​ക​യാ​യി​ക​ണ്ടു. എ​ല്ലാ മ​ല​യാ​ളി സം​ഘ​ട​ന​ക​ളു​മാ​യും ന​ല്ല ബ​ന്ധം പു​ല​ർ​ത്തി​യ ജോ​ൺ​മാ​ത്യു കെ.​ഐ.​ജി​യു​ടെ പൂ​ർ​വ​കാ​ല പ്ര​വ​ർ​ത്ത​ക​രെ ഇ​പ്പോ​ഴും ഓ​ർ​ത്തെ​ടു​ക്കു​ന്നു.

ഇ​നി മ​ട​ക്കം

പ്ര​വാ​സ​ത്തി​ന്റെ 60 വ​ർ​ഷ​ങ്ങ​ൾ പൂ​ർ​ത്തി​യാ​യ ഘ​ട്ട​ത്തി​ൽ നാ​ട്ടി​ലേ​ക്ക് മ​ട​ങ്ങാ​നാ​ണ് ജോ​ൺ മാ​ത്യു​വി​ന്റെ തീ​രു​മാ​നം. ഈ ​മാ​സം അ​വ​സാ​നം കു​വൈ​ത്ത് വി​ടും. വ​യ​സ്സി​പ്പോ​ൾ 83 ആ​യി. നാ​ട്ടി​ൽ ഇ​നി വി​ശ്ര​മ​കാ​ല​മാ​ക്കാ​മെ​ന്നാ​ണ് ചി​ന്ത. സ​ഹോ​ദ​ര​നും സ​ഹോ​ദ​രി​യും അ​വി​ടെ​യു​ണ്ട്. ചു​രു​ക്കം ചി​ല കൂ​ട്ടു​കാ​രും ബ​ന്ധു​ക്ക​ളും ഉ​ണ്ട്. അ​വ​ർ​ക്കൊ​പ്പം ശി​ഷ്ട​കാ​ലം ക​ഴി​യാ​നാ​ണ് ആ​ഗ്ര​ഹം. ഭാ​ര്യ​ക്കും ബ​ന്ധു​ക്ക​ളു​ടെ അ​ടു​ത്തേ​ക്ക് മ​ട​ങ്ങി​പ്പോ​കു​ന്ന​തി​ന് താ​ൽ​പ​ര്യം കൂ​ടി​യി​രി​ക്കു​ന്നു. മൂ​ന്നു മ​ക്ക​ളും വി​ദേ​ശ​ത്താ​ണ്. അ​വ​രു​ടെ അ​ടു​ത്തേ​ക്കും തി​രി​ച്ചും, അ​വ​രെ നാ​ട്ടി​ൽ ക​ണ്ടു​മു​ട്ടി​യും ക​ഴി​ഞ്ഞു​കൂ​ടാം എ​ന്നാ​ണ് തീ​രു​മാ​നം. എ​ങ്കി​ലും കു​വൈ​ത്ത് പൂ​ർ​ണ​മാ​യി ഉ​പേ​ക്ഷി​ക്കി​ല്ല. ഇ​ട​ക്കു​വ​രും, ജീ​വി​ത​ത്തി​ന് പു​തി​യ മാ​ന​ങ്ങ​ൾ ന​ൽ​കി​യ നാ​ടി​നെ അ​ങ്ങ​നെ കൈ​യൊ​ഴി​യാ​നാ​കി​ല്ല​ല്ലോ. ഈ ​നാ​ട് ന​ല്ല അ​നു​ഭ​വ​ങ്ങ​ളേ ന​ൽ​കി​യി​ട്ടു​ള്ളൂ എ​ന്ന് അ​വ​സാ​ന വേ​ള​യി​ലും ജോ​ൺ മാ​ത്യു പ​റ​ഞ്ഞു​വെ​ക്കു​ന്നു. കു​വൈ​ത്തി​ലേ​ക്ക് സ​ദ്ദാം എ​ത്തി​യ ദി​വ​സം മോ​ശം ദി​ന​മാ​യും കു​വൈ​ത്തി​ന് മോ​ച​നം കി​ട്ടി​യ ദി​വ​സം ജീ​വ​ത​ത്തി​ലെ ന​ല്ല ദി​വ​സ​മാ​യും ജോ​ൺ മാ​ത്യു എ​ണ്ണു​ന്നു. ഇ​നി എ​റ​ണാ​കു​ളം തേ​വ​ര​യി​ലെ വീ​ട്ടി​ൽ ഈ ​നാ​ടി​ന്റെ ഓ​ർ​മ​ക​ളു​മാ​യി ജോ​ൺ മാ​ത്യു​വി​നെ കാ​ണാം.