കു​വൈ​ത്ത്-​മോ​സ്കോ സ​ർ​വി​സു​മാ​യി ജ​സീ​റ എ​യ​ർ​വേ​സ്

കു​വൈ​ത്ത് സി​റ്റി: മി​ഡി​ൽ ഈ​സ്റ്റി​ലും മ​റ്റു രാ​ജ്യ​ങ്ങ​ളി​ലേ​ക്കു​മു​ള്ള വി​മാ​ന​യാ​ത്ര​ക്കാ​രു​ടെ എ​ണ്ണം വ​ർ​ധി​ച്ച​തി​നാ​ൽ കൂ​ടു​ത​ൽ സ​ർ​വി​സു​ക​ളു​മാ​യി ജ​സീ​റ എ​യ​ർ​വേ​സ്. ഇ​തി​ന്റെ ഭാ​ഗ​മാ​യി റ​ഷ്യ​യി​ലെ മോ​സ്കോ​യി​ലേ​ക്ക് പു​തി​യ റൂ​ട്ട് ആ​രം​ഭി​ക്കു​ന്ന​താ​യി ജ​സീ​റ എ​യ​ർ​വേ​സ് അ​റി​യി​ച്ചു. ഇ​രു ന​ഗ​ര​ങ്ങ​ൾ​ക്കു​മി​ട​യി​ൽ ആ​ദ്യ​മാ​യാ​ണ് ജ​സീ​റ വി​മാ​ന​ങ്ങ​ൾ സ​ർ​വി​സ് ന​ട​ത്തു​ന്ന​ത്.

റ​ഷ്യ​ൻ യാ​ത്ര​ക്കാ​ർ​ക്കി​ട​യി​ൽ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ​ക്കാ​യി വ​ലി​യ ഡി​മാ​ൻ​ഡു​ണ്ടെ​ന്നും ഇ​വ​ർ വ്യ​ക്ത​മാ​ക്കി. ദു​ബൈ, ഈ​ജി​പ്ത്, തു​ർ​ക്കി​യി​ലെ ജ​ന​പ്രി​യ ന​ഗ​ര​ങ്ങ​ൾ എ​ന്നി​വ​യു​മാ​യി കു​വൈ​ത്ത് അ​വ​രെ ബ​ന്ധി​പ്പി​ക്കു​മെ​ന്നും ജ​സീ​റ എ​യ​ർ​വേ​സ് അ​ധി​കൃ​ത​ർ പ​റ​ഞ്ഞു. റ​ഷ്യ​യി​ൽ​നി​ന്നു​ള്ള വി​നോ​ദ സ​ഞ്ചാ​രി​ക​ളെ​യും തീ​ർ​ഥാ​ട​ക​രെ​യും സൗ​ദി അ​റേ​ബ്യ​യി​ലേ​ക്ക് എ​ത്തി​ക്കാ​ൻ കു​വൈ​ത്തി​ന് ക​ഴി​യും.

ഈ ​വ​ർ​ഷം വി​മാ​ന​ങ്ങ​ളു​ടെ എ​ണ്ണം വ​ർ​ധി​പ്പി​ക്കു​മെ​ന്നും ബ​ന്ധ​പ്പെ​ട്ട​വ​ർ അ​റി​യി​ച്ചു. തി​ങ്ക​ൾ, വ്യാ​ഴം, വെ​ള്ളി, ശ​നി ദി​വ​സ​ങ്ങ​ളി​ലാ​കും കു​വൈ​ത്തി​ൽ​നി​ന്ന് മോ​സ്കോ​യി​ലേ​ക്കു​ള്ള സ​ർ​വി​സു​ക​ൾ. ചൊ​വ്വ, വെ​ള്ളി, ശ​നി, ഞാ​യ​ർ ദി​വ​സ​ങ്ങ​ളി​ൽ മോ​സ്കോ​യി​ൽ​നി​ന്ന് തി​രി​ച്ചു​പ​റ​ക്കും.

സന്നിധാനത്ത് കൂടുതൽ സൗകര്യമൊരുക്കും

ശബരിമല: മകരവിളക്ക് മഹോത്സവത്തിനുള്ള ഭക്തജന പ്രവാഹം മുന്നിൽക്കണ്ട് സന്നിധാനത്ത് കൂടുതല്‍ സൗകര്യം ഒരുക്കും. എ.ഡി.എം പി. വിഷ്ണുരാജിന്റെ അധ്യക്ഷതയില്‍ സന്നിധാനത്ത് ചേര്‍ന്ന ഉന്നതതല യോഗത്തിലാണ് തീരുമാനം. ഈമാസം 11 മുതല്‍ ദര്‍ശനത്തിന് എത്തുന്നതില്‍ ഒരുവിഭാഗം തീർഥാടകര്‍ മകരവിളക്കിന് ശേഷം മലയിറങ്ങാനാണ് സാധ്യത.

അതിനാല്‍ കൂടുതല്‍ പേരെ ഉൾക്കൊള്ളാൻ സൗകര്യം ഒരുക്കും. പാചകം ചെയ്യാന്‍ ഉപയോഗിക്കുന്ന വലിയ പാത്രങ്ങള്‍ പമ്പയില്‍നിന്ന് സന്നിധാനത്തേക്ക് കൊണ്ടുവരാന്‍ അനുവദിക്കില്ല. ഇതിന്റെ ഭാഗമായി സന്നിധാനത്തേക്കുള്ള ട്രാക്ടറുകൾ ഉൾപ്പെടെ പരിശോധിക്കും. പാചകം ചെയ്യാന്‍ ആവശ്യമായ പാത്രങ്ങൾ സന്നിധാനത്തെ കടകളിൽ വിൽപന നടത്തിയാൽ കര്‍ശന നടപടി സ്വീകരിക്കും.

വിവിധയിടങ്ങളിൽ ഫയര്‍ഫോഴ്‌സ്, ദേവസ്വം, സന്നിധാനത്ത് കൂടുതൽ ആംബുലന്‍സ് സൗകര്യം ഒരുക്കും. താൽക്കാലിക ആശുപത്രിയാക്കാൻ സാധിക്കുന്ന സ്ഥലങ്ങൾ കണ്ടെത്തും. മകരജ്യോതി കണ്ട് ഭക്തർ കൂട്ടത്തോടെ മടങ്ങുമ്പോൾ അപകടങ്ങളുണ്ടാകുന്നത് ഒഴിവാക്കാൻ അന്നേദിവസം പൊലീസ് ഉച്ചഭാഷിണിയിലൂടെ വിവിധയിടങ്ങളിൽ നിർദേശങ്ങൾ നൽകും.

ദേവസ്വം കോൺഫറൻസ് ഹാളിൽ നടന്ന യോഗത്തിൽ സ്‌പെഷൽ ഓഫിസർ വി.എസ്. അജി, അസി. സ്‌പെഷൽ ഓഫിസർ തപോഷ് ബസ്മതരി, ദേവസ്വം എക്‌സിക്യൂട്ടിവ് ഓഫിസർ കൃഷ്ണകുമാർ, ആർ.എഫ് ഡെപ്യൂട്ടി കമാൻഡന്റ് ജി. വിജയൻ എന്നിവർ പങ്കെടുത്തു.