ജംഇയ്യകളിലെ ഷോപ്പിങ്​ അപ്പോയിൻറ്​മെൻറുകൾ റദ്ദാക്കി

കുവൈത്ത്​ സിറ്റി: സഹകരണ സംഘങ്ങളിൽ വെബ്​സൈറ്റുകളിലൂടെ നൽകിയ എല്ലാ ഷോപ്പിങ്​ അപ്പോയിൻറ്​മ​െൻറുകളും വാണിജ് യ മന്ത്രാലയം റദ്ദാക്കി. പരീക്ഷണാടിസ്ഥാനത്തിൽ തുറന്ന വെബ്​സൈറ്റിൽ ലഭിച്ച പ്രതികരണങ്ങളുടെ അടിസ്ഥാനത്തിൽ കൂടു തൽ മെച്ചപ്പെടുത്തുന്നതിനായാണ്​ തൽക്കാലത്തേക്ക്​ റദ്ദാക്കിയത്​. സഹകരണ സംഘങ്ങൾ അടക്കമുള്ള സ്ഥലങ്ങളിലെ തിരക്ക്​ കുറക്കാൻ ലക്ഷ്യമിട്ടാണ്​ ഷോപ്പിങ്​ ആപ്​ ആരംഭിച്ചത്​.

സിവിൽ ​െഎഡിയും മറ്റുവിവരങ്ങളും ഒാൺലൈനിൽ പൂരിപ്പിച്ചാൽ സഹകരണ സംഘങ്ങളിലെ ഷോപ്പിങ്ങിന്​ അപ്പോയിൻറ്​മ​െൻറ്​ ലഭിക്കുന്ന രീതിയിലായിരുന്നു ക്രമീകരണം. ലഭ്യമായ സമയങ്ങളിൽ ഇഷ്​ടമുള്ളത്​ തെരഞ്ഞെടുക്കാം. തുടർന്ന്​ മൊബൈൽ ഫോണിലേക്ക്​ ബാർകോഡ്​ അയക്കും.

ഇതുമായി ചെന്നാൽ സഹകരണ സംഘങ്ങളിൽ വരിയിൽനിൽക്കാതെ സാധനങ്ങൾ വാങ്ങാൻ കഴിയും. സ്വദേശികൾക്കും വിദേശികൾക്കും സേവനം ലഭ്യമാണ്​. തൽക്കാലത്തേക്ക്​ നിർത്തിവെച്ച സംവിധാനം മെച്ചപ്പെടുത്തി വൈകാതെ വീണ്ടും സജീവമാകും.