ജാ​ബി​ർ ബ്രി​ഡ്ജ് വാ​ക്സി​നേ​ഷ​ൻ കേ​ന്ദ്രം പ്ര​വ​ർ​ത്ത​നം അ​വ​സാ​നി​പ്പി​ച്ചു

കു​വൈ​ത്ത്സി​റ്റി: രാ​ജ്യ​ത്തെ കോ​വി​ഡ് കേ​സു​ക​ൾ കു​റ​ഞ്ഞ സാ​ഹ​ച​ര്യ​ത്തി​ൽ ജാ​ബി​ർ ബ്രി​ഡ്ജി​നോ​ടു​ചേ​ർ​ന്നു​ള്ള വാ​ക്സി​നേ​ഷ​ൻ കേ​ന്ദ്രം പ്ര​വ​ർ​ത്ത​നം വ്യാ​ഴാ​ഴ്ച അ​വ​സാ​നി​പ്പി​ച്ചു. കോ​വി​ഡ് നി​യ​ന്ത്ര​ണ​ത്തി​ലാ​യ പ​ശ്ചാ​ത്ത​ല​ത്തി​ലാ​ണ് കു​ത്തി​വെ​പ്പ് കേ​ന്ദ്രം അ​ട​ക്കു​ന്ന​തെ​ന്നു ആ​രോ​ഗ്യ​മ​ന്ത്രാ​ല​യം അ​റി​യി​ച്ചു. ക​ഴി​ഞ്ഞ ആ​ഴ്ച മി​ശ്രി​ഫ് ഫെ​യ​ർ ഗ്രൗ​ണ്ടി​ലെ പ്ര​ധാ​ന കു​ത്തി​വെ​പ്പ് കേ​ന്ദ്ര​വും പ്ര​വ​ർ​ത്ത​നം അ​വ​സാ​നി​പ്പി​ച്ചി​രു​ന്നു.

ദേ​ശീ​യ കോ​വി​ഡ് പ്ര​തി​രോ​ധ കു​ത്തി​വെ​പ്പ് യ​ജ്ഞ​ത്തി​ന്റെ ഭാ​ഗ​മാ​യി കു​വൈ​ത്ത് ആ​രോ​ഗ്യ​മ​ന്ത്രാ​ല​യം വി​വി​ധ സ​ർ​ക്കാ​ർ ഏ​ജ​ൻ​സി​ക​ളു​ടെ സ​ഹാ​യ​ത്തോ​ടെ സ്ഥാ​പി​ച്ച​താ​ണ് ജാ​ബി​ർ ബ്രി​ഡ്ജി​നോ​ടു​ചേ​ർ​ന്നു​ള്ള ഡ്രൈ​വ് ത്രൂ ​സെ​ന്റ​ർ. മി​ഷ്‌​രി​ഫ് ഫെ​യ​ർ ഗ്രൗ​ണ്ടി​ലെ ജ​ന​ത്തി​ര​ക്ക് കു​റ​ക്കാ​നും വാ​ക്സി​നേ​ഷ​ൻ ഡ്രൈ​വി​ൽ ജ​ന​ങ്ങ​ളു​ടെ പ​ങ്കാ​ളി​ത്തം വ​ർ​ധി​ക്കാ​നും ജാ​ബി​ർ പാ​ല​ത്തി​ലെ സം​വി​ധാ​നം ഗു​ണം ചെ​യ്തി​രു​ന്നു. മി​ഷ്‌​രി​ഫ് വാ​ക്സി​നേ​ഷ​ൻ സെ​ന്റ​ർ ക​ഴി​ഞ്ഞ ആ​ഴ്ച പ്ര​വ​ർ​ത്ത​നം അ​വ​സാ​നി​ച്ച​തി​ന്റെ തു​ട​ർ​ച്ച​യാ​യാ​ണ് ജാ​ബി​ർ ബ്രി​ഡ്ജി​ലെ കേ​ന്ദ്ര​വും അ​ട​ച്ച​ത്.

ജാ​ബി​ർ ബ്രി​ഡ്ജ് ഡ്രൈ​വ് ത്രൂ ​വാ​ക്സി​നേ​ഷ​ൻ സെ​ന്റ​റി​ൽ സേ​വ​ന​ത്തി​നു​ണ്ടാ​യി​രു​ന്ന ആ​രോ​ഗ്യ​പ്ര​വ​ർ​ത്ത​ക​ർ​ക്കും വ​ള​ന്റി​യ​ർ​മാ​ർ​ക്കും അ​ധി​കൃ​ത​ർ ന​ന്ദി അ​റി​യി​ച്ചു. പ്ര​ധാ​ന വാ​ക്സി​നേ​ഷ​ൻ കേ​ന്ദ്ര​ങ്ങ​ൾ അ​ട​ച്ചു​പൂ​ട്ടി​യെ​ങ്കി​ലും രാ​ജ്യ​ത്തെ 16 മേ​ഖ​ല ക്ലി​നി​ക്കു​ക​ൾ വ​ഴി വാ​ക്സി​ൻ വി​ത​ര​ണം ന​ട​ക്കു​ന്നു​ണ്ട്. ഇ​തി​നു പു​റ​മെ ജ​ലീ​ബ് അ​ൽ ശു​യൂ​ഖ് സെ​ന്റ​റി​ലും നേ​ര​ത്തേ​തു​പോ​ലെ വാ​ക്സി​ൻ വി​ത​ര​ണം തു​ട​രു​ന്നു​ണ്ട്.

അ​ഞ്ചു മു​ത​ൽ 12 വ​രെ പ്രാ​യ​ക്കാ​ർ​ക്ക് ആ​ദ്യ ര​ണ്ടു ഡോ​സു​ക​ളും 12 മു​ത​ൽ 18 വ​രെ പ്രാ​യ​ക്കാ​ർ​ക്ക് ആ​ദ്യ ബൂ​സ്റ്റ​ർ ഉ​ൾ​പ്പെ​ടെ മൂ​ന്നു മാ​ത്ര​ക​ളും 18 നും 49 ​നും ഇ​ട​യി​ലു​ള്ള​വ​ർ​ക്ക് ആ​ദ്യ ബൂ​സ്റ്റ​ർ ഡോ​സും 50ന് ​മു​ക​ളി​ൽ പ്രാ​യ​മു​ള്ള​വ​ർ​ക്ക് ര​ണ്ടാ​മ​ത്തെ ബൂ​സ്റ്റ​ർ ഡോ​സു​മാ​ണ് ന​ൽ​കു​ന്ന​ത്. മു​ൻ‌​കൂ​ട്ടി ബു​ക്ക്ചെ​യ്താ​ണ് ക്ലി​നി​ക്കു​ക​ളി​ൽ എ​ത്തേ​ണ്ട​ത്. 50 ക​ഴി​ഞ്ഞ​വ​ർ​ക്ക് നേ​രി​ട്ട് എ​ത്താം. ഞാ​യ​റാ​ഴ്ച മു​ത​ൽ വ്യാ​ഴാ​ഴ്ച വ​രെ വൈ​കീ​ട്ട് മൂ​ന്നു മു​ത​ൽ രാ​ത്രി എ​ട്ടു വ​രെ​യാ​ണ് ക്ലി​നി​ക്കു​ക​ളി​ലെ വാ​ക്സി​ൻ വി​ത​ര​ണം.