സി​റി​യ​യു​ടെ ഐ​ക്യം നി​ല​നി​ർ​ത്തേ​ണ്ട​ത് അ​നി​വാ​ര്യം -കു​വൈ​ത്ത്

കു​വൈ​ത്ത് സി​റ്റി: സി​റി​യ​യി​ൽ ന​ട​ന്നു​കൊ​ണ്ടി​രി​ക്കു​ന്ന സം​ഭ​വ​വി​കാ​സ​ങ്ങ​ൾ നി​രീ​ക്ഷി​ച്ച് കു​വൈ​ത്ത്. വ​ള​രെ ശ്ര​ദ്ധ​യോ​ടെ സി​റി​യ​യി​ലെ നി​ല​വി​ലെ സം​ഭ​വ​വി​കാ​സ​ങ്ങ​ൾ നി​രീ​ക്ഷി​ച്ചു​വ​രി​ക​യാ​ണെ​ന്ന് വ്യ​ക്ത​മാ​ക്കി​യ കു​വൈ​ത്ത്, വി​ദേ​ശ​കാ​ര്യ മ​ന്ത്രാ​ല​യം രാ​ജ്യ​ത്തി​ന്റെ ഐ​ക്യം നി​ല​നി​ർ​ത്തേ​ണ്ട​തി​ന്റെ ആ​വ​ശ്യ​ക​ത​യും ചൂ​ണ്ടി​ക്കാ​ട്ടി.

സി​റി​യ​യു​ടെ സ്വാ​ത​ന്ത്ര്യ​ത്തെ​യും അ​തി​ന്റെ പ്ര​ദേ​ശ​ങ്ങ​ളി​ലെ പ​ര​മാ​ധി​കാ​ര​ത്തെ​യും മാ​നി​ക്കു​ക​യും സി​റി​യ​ക്കാ​രെ സം​ര​ക്ഷി​ക്കു​ക​യും ര​ക്ത​ച്ചൊ​രി​ച്ചി​ൽ ത​ട​യു​ക​യും ചെ​യ്യേ​ണ്ട​തി​ന്റെ ആ​വ​ശ്യ​ക​ത​യും മ​ന്ത്രാ​ല​യം ഉ​ണ​ർ​ത്തി.

സി​റി​യ​യു​ടെ ദേ​ശീ​യ സ്ഥാ​പ​ന​ങ്ങ​ൾ സം​ര​ക്ഷി​ക്കു​ക​യും, സി​റി​യ​ൻ ജ​ന​ത​യു​ടെ അ​ഭി​ലാ​ഷ​ങ്ങ​ൾ നി​റ​വേ​റ്റു​ന്ന​തി​ന് സം​ഭാ​ഷ​ണ​ത്തി​ലൂ​ടെ സു​സ്ഥി​ര​ത കൈ​വ​രി​ക്കു​ന്ന​തി​നു​ള്ള കു​വൈ​ത്തി​ന്റെ പി​ന്തു​ണ​യും വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു. സി​റി​യ​യി​ൽ അ​ധി​കാ​ര​ത്തി​ലി​രു​ന്ന ബ​ശ്ശാ​ർ അ​ൽ അ​സ​ദി​നെ അ​ട്ടി​മ​റി​ച്ച് ക​ഴി​ഞ്ഞ ദി​വ​സം വി​മ​ത പ​ക്ഷം അ​ധി​കാ​രം പി​ടി​ച്ചി​രു​ന്നു.