ഇ​സ്‍ലാ​മി​ക് സോ​ളി​ഡാ​രി​റ്റി ഗെ​യിം​സ്: കു​വൈ​ത്തി​ന് മൂ​ന്ന് സ്വ​ർ​ണം

കു​വൈ​ത്ത് സി​റ്റി: തു​ർ​ക്കി ന​ഗ​ര​മാ​യ കോ​ന്യ​യി​ൽ ന​ട​ക്കു​ന്ന അ​ഞ്ചാ​മ​ത് ഇ​സ്‍ലാ​മി​ക് സോ​ളി​ഡാ​രി​റ്റി ഗെ​യിം​സി​ൽ കു​വൈ​ത്തി​ന് മൂ​ന്ന് സ്വ​ർ​ണം. ഒ​രു വെ​ള്ളി​യും ഒ​രു വെ​ങ്ക​ല​വും ക​ഴി​ഞ്ഞ ദി​വ​സം ല​ഭി​ച്ചു.

വ​നി​ത സിം​ഗി​ൾ ട്രാ​പ് ഷൂ​ട്ടി​ങ് മ​ത്സ​ര​ത്തി​ൽ ഷൂ​ട്ട​ർ സാ​റ അ​ൽ ഹു​വ​ലാ​ണ് സ്വ​ർ​ണം നേ​ടി​യ​ത്. ത​നി​ക്ക് പൂ​ർ​ണ പി​ന്തു​ണ ന​ൽ​കു​ന്ന ജ​ന​ങ്ങ​ൾ​ക്കും രാ​ഷ്ട്രീ​യ നേ​തൃ​ത്വ​ത്തി​നും നേ​ട്ടം സ​മ​ർ​പ്പി​ക്കു​ന്ന​താ​യി അ​വ​ർ പ​റ​ഞ്ഞു.

ഷൂ​ട്ട​ർ​മാ​രാ​യ അ​ബ്ദു​റ​ഹ്മാ​ൻ അ​ൽ ഫൈ​ഹാ​ൻ, ഈ​സാ അ​ൽ സ​ങ്ക​വി എ​ന്നി​വ​ർ ഷൂ​ട്ടി​ങ്ങി​ലും ഡി​സ്ക​സ് ത്രോ ​മ​ത്സ​ര​ത്തി​ലും ര​ണ്ട് സ്വ​ർ​ണം നേ​ടി. സൈ​ക്ലി​ങ്ങി​ൽ കു​വൈ​ത്തി​ന്റെ സെ​യ്ത് ജാ​ഫ​ർ അ​ൽ അ​ലി വെ​ള്ളി നേ​ടി. ഇ​തു​വ​രെ​യു​ള്ള​തി​ൽ മി​ക​ച്ച പ്ര​ക​ട​നം പു​റ​ത്തെ​ടു​ത്താ​ണ് സെ​യ്ത് ജാ​ഫ​ർ അ​ൽ അ​ലി ര​ണ്ടാം​സ്ഥാ​ന​ത്തേ​ക്ക് എ​ത്തി​യ​ത്.

ആ​ദ്യ​ദി​വ​സം 110 മീ​റ്റ​ർ ഓ​ട്ട​ത്തി​ൽ കു​വൈ​ത്തി​ന്റെ യാ​ക്കൂ​ബ് അ​ൽ-​യോ​ഹ വെ​ങ്ക​ല മെ​ഡ​ൽ നേ​ടി​യി​രു​ന്നു. 13.30 സെ​ക്ക​ൻ​ഡി​ലാ​ണ് യാ​ക്കൂ​ബ് അ​ൽ​യോ​ഹ 110 മീ​റ്റ​ർ ഓ​ടി​യെ​ത്തി​യ​ത്. സം​ഘാ​ട​ക​ർ​ക്കും പ്ര​തി​നി​ധി സം​ഘ​ത്തി​നും കു​വൈ​ത്ത് ജ​ന​ത​ക്കും യാ​ക്കൂ​ബ് അ​ൽ​യോ​ഹ ന​ന്ദി അ​റി​യി​ച്ചു.

ഓ​ട്ടം, ക​രാ​ട്ടെ, നീ​ന്ത​ൽ, ജൂ​ഡോ, ഷൂ​ട്ടി​ങ് തു​ട​ങ്ങി പ​ത്ത് ഇ​ന​ങ്ങ​ളി​ലാ​യി കു​വൈ​ത്തി​ന്റെ 60 കാ​യി​ക​താ​ര​ങ്ങ​ൾ മ​ത്സ​ര​രം​ഗ​ത്തു​ണ്ട്. 50ല​ധി​കം ഇ​സ്‍ലാ​മി​ക രാ​ജ്യ​ങ്ങ​ളി​ലെ 6000ത്തോ​ളം കാ​യി​ക​താ​ര​ങ്ങ​ൾ പ​ങ്കെ​ടു​ക്കു​ന്ന സോ​ളി​ഡാ​രി​റ്റി ഗെ​യിം​സ് ആ​ഗ​സ്റ്റ് 18 വ​രെ നീ​ളും.