വാ​ണി​ജ്യ സ​ഹ​ക​ര​ണം:ഇ​റാ​ഖ്​ -കു​വൈ​ത്ത്​ ക​രാ​ർ

കു​വൈ​ത്ത് സി​റ്റി: വാ​ണി​ജ്യ സ​ഹ​ക​ര​ണം വി​പു​ല​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ട ക​രാ​റി​ൽ കു​വ ൈ​ത്തും ഇ​റാ​ഖും ഒ​പ്പു​വെ​ച്ചു. സ​ന്ദ​ർ​ശ​ന​ത്തി​നാ​യി ബ​ഗ്ദാ​ദി​ലെ​ത്തി​യ കു​വൈ​ത്ത് വാ​ണി​ജ്യ​മ​ന്ത്ര ി ഖാ​ലി​ദ് അ​ൽ റൗ​ദാ​നും ഇ​റാ​ഖ് വാ​ണി​ജ്യ​മ​ന്ത്രി മു​ഹ​മ്മ​ദ് അ​ൽ ആ​നി​യു​മാ​ണ് ക​രാ​റി​ൽ ഒ​പ്പു​വെ​ച്ച​ത്. ര​ണ്ടു​ദി​വ​സ​ത്തെ സ​ന്ദ​ർ​ശ​ന​ത്തി​നി​ടെ ഇ​രു രാ​ജ്യ​ങ്ങ​ൾ​ക്കി​ട​യി​ൽ സ്വ​ത​ന്ത്ര വ്യാ​പാ​ര മേ​ഖ​ല സാ​ധ്യ​മാ​ക്കു​ന്ന​തു​ൾ​പ്പെ​ടെ​യു​ള്ള കാ​ര്യ​ങ്ങ​ളി​ൽ ര​ണ്ടു​മ​ന്ത്രി​മാ​രും വി​ശ​ദ​മാ​യ ച​ർ​ച്ച​ക​ൾ ന​ട​ത്തി​യി​രു​ന്നു.

ഇ​റാ​ഖി​ലെ അ​തി​ർ​ത്തി ക​വാ​ട​മാ​യ സ​ഫ്​​വാ​നും കു​വൈ​ത്ത് അ​തി​ർ​ത്തി ക​വാ​ട​മാ​യ അ​ബ്​​ദ​ലി​ക്കും സ​മീ​പ​മാ​ണ് നി​ർ​ദി​ഷ്​​ട സ്വ​ത​ന്ത്ര വ്യാ​പാ​ര മേ​ഖ​ല നി​ർ​മി​ക്കു​ക. ഇ​ത് ഉ​പ​യോ​ഗ​പ്പെ​ടു​ത്തി ഇ​രു​രാ​ജ്യ​ങ്ങ​ൾ​ക്കു​മി​ട​യി​ലെ വ്യാ​പാ​ര കൈ​മാ​റ്റ​വും ച​ര​ക്കു​നീ​ക്ക​വും എ​ളു​പ്പ​മാ​ക്കു​ക​യാ​ണ് ല​ക്ഷ്യം. മേ​ഖ​ല​യു​മാ​യി ബ​ന്ധ​പ്പെ​ട്ട കൂ​ടു​ത​ൽ പ​ഠ​ന​വും അ​ന്തി​മ റി​പ്പോ​ർ​ട്ടും ത​യാ​റാ​ക്കാ​ൻ ഇ​രു വി​ഭാ​ഗ​ങ്ങ​ളി​ലെ​യും സാ​ങ്കേ​തി​ക വി​ദ​ഗ്ധ​ര​ട​ങ്ങു​ന്ന പ്ര​ത്യേ​ക സ​മി​തി രൂ​പ​വ​ത്​​ക​രി​ക്കും. ഇ​രു രാ​ജ്യ​ങ്ങ​ളി​ലെ​യും ബി​സി​ന​സ്​ പ്ര​മു​ഖ​ർ​ക്കു​ള്ള വി​സ ന​ട​പ​ടി​ക​ൾ കൂ​ടു​ത​ൽ ഉ​ദാ​ര​മാ​ക്കാ​നും ധാ​ര​ണ​യി​ലെ​ത്തി​യി​ട്ടു​ണ്ട്.