കു​വൈ​ത്തി​ന്‍റെ മാ​നു​ഷി​ക പ്ര​വ​ർ​ത്ത​ന​ങ്ങ​ൾ​ക്ക് ഐ.​ഒ.​എം പ്ര​ശം​സ

കു​വൈ​ത്ത് സി​റ്റി: ലോ​ക​മെ​മ്പാ​ടു​മു​ള്ള മാ​നു​ഷി​ക പ്ര​വ​ർ​ത്ത​ന​ങ്ങ​ളെ പി​ന്തു​ണ​ക്കു​ന്ന​തി​ൽ കു​വൈ​ത്തി​ന്‍റെ പ​ങ്കി​നെ പ്ര​ശം​സി​ച്ച് ഇ​ന്‍റ​ർ​നാ​ഷ​ന​ൽ ഓ​ർ​ഗ​നൈ​സേ​ഷ​ൻ ഫോ​ർ മൈ​ഗ്രേ​ഷ​ൻ (ഐ.​ഒ.​എം) മി​ഷ​ൻ മേ​ധാ​വി മാ​സ​ൻ അ​ബൗ​ൾ ഹോ​സ്ൻ.

ക​ഴി​ഞ്ഞ മൂ​ന്നു വ​ർ​ഷ​ത്തി​നി​ടെ കു​വൈ​ത്ത് ലോ​ക​മെ​മ്പാ​ടു​മു​ള്ള സം​ഘ​ട​ന​യു​ടെ മാ​നു​ഷി​ക പ്ര​വ​ർ​ത്ത​ന​ങ്ങ​ൾ​ക്ക് 14 മി​ല്യ​ൺ ഡോ​ള​റി​ല​ധി​കം സ​ഹാ​യം ന​ൽ​കി​യി​ട്ടു​ണ്ടെ​ന്ന് അ​ബൗ​ൾ ഹോ​സ്ൻ പ​റ​ഞ്ഞു. ലോ​ക മാ​നു​ഷി​ക ദി​ന​ത്തി​ൽ ന​ൽ​കി​യ പ്ര​സ്താ​വ​ന​യി​ലാ​ണ് അ​ദ്ദേ​ഹ​ത്തി​ന്റെ പ്ര​ശം​സ.

സം​ഘ​ട്ട​ന​ങ്ങ​ൾ, പ്ര​കൃ​തി​ദു​ര​ന്ത​ങ്ങ​ൾ എ​ന്നി​വ​യു​ടെ ഇ​ര​ക​ളാ​യ ദ​ശ​ല​ക്ഷ​ക്ക​ണ​ക്കി​ന് കു​ടി​യൊ​ഴി​പ്പി​ക്ക​പ്പെ​ട്ട വ്യ​ക്തി​ക​ൾ​ക്കും സ​മൂ​ഹ​ങ്ങ​ൾ​ക്കും സ​ഹാ​യ​വും അ​ഭ​യ​വും ന​ൽ​കു​ന്ന​തി​ൽ ഈ ​പി​ന്തു​ണ ഫ​ല​പ്ര​ദ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

സം​ഘ​ട്ട​ന​ങ്ങ​ൾ, പ​രി​മി​ത​മാ​യ പ്ര​വേ​ശ​നം, എ​ത്തി​ച്ചേ​രാ​നാ​കാ​ത്ത ക​ഠി​ന​മാ​യ സാ​ഹ​ച​ര്യ​ങ്ങ​ൾ എ​ന്നി​വ ഉ​യ​ർ​ത്തു​ന്ന വ​ലി​യ വെ​ല്ലു​വി​ളി​ക​ൾ​ക്കി​ട​യി​ലും ലോ​ക​മെ​മ്പാ​ടു​മു​ള്ള കു​ടി​യേ​റ്റ​ക്കാ​രു​ടെ​യും കു​ടി​യി​റ​ക്ക​പ്പെ​ട്ട​വ​രു​ടെ​യും ആ​വ​ശ്യ​ങ്ങ​ൾ ഫ​ല​പ്ര​ദ​മാ​യി പ​രി​ഹ​രി​ക്കു​ന്ന​തി​നാ​യി സം​ഘ​ട​ന ഇ​ട​പെ​ട്ടു​വ​രു​ന്നു. ഈ ​രം​ഗ​ത്ത് പ്ര​വ​ർ​ത്തി​ക്കു​ന്ന 27,000ല​ധി​കം ജീ​വ​ന​ക്കാ​ർ സം​ഘ​ട​ന​യി​ലു​ണ്ടെ​ന്ന് അ​ദ്ദേ​ഹം അ​ഭി​പ്രാ​യ​പ്പെ​ട്ടു.