ബാ​ങ്ക് എ.​ടി.​എ​മ്മി​ൽ മോ​ഷ​ണ​ശ്ര​മം അ​ന്വേ​ഷ​ണം ആ​രം​ഭി​ച്ചു

കു​വൈ​ത്ത് സി​റ്റി: ഇ​ഷ്ബി​ലി​യ​യി​ൽ പ്രാ​ദേ​ശി​ക ബാ​ങ്കി​ന്റെ എ.​ടി.​എ​മ്മി​ൽ മോ​ഷ​ണ​ശ്ര​മം. മോ​ഷ്ടി​ക്കാ​ൻ ശ്ര​മി​ച്ച ര​ണ്ട് അ​ജ്ഞാ​ത​ർ​ക്കാ​യി ഫ​ർ​വാ​നി​യ ഡി​റ്റ​ക്ടീ​വു​ക​ൾ തി​ര​ച്ചി​ൽ ആ​രം​ഭി​ച്ചു. പ്ര​തി​ക​ളെ​യും അ​വ​ർ ഉ​പ​യോ​ഗി​ച്ച വാ​ഹ​ന​ത്തെ​യും തി​രി​ച്ച​റി​യാ​ൻ സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ചു​വ​രുക​യാ​ണ്.

എ.​ടി.​എ​മ്മി​ൽ മോ​ഷ​ണ​ശ്ര​മം ന​ട​ന്ന​താ​യി ആ​ഭ്യ​ന്ത​ര മ​ന്ത്രാ​ല​യ​ത്തി​ന്റെ ഓ​പ​റേ​ഷ​ൻ​സ് റൂ​മി​ന് റി​പ്പോ​ർ​ട്ട് ല​ഭി​ക്കു​ക​യാ​യി​രു​ന്നു. തു​ട​ർ​ന്ന് സം​ഭ​വ​സ്ഥ​ല​ത്തെ​ത്തി​യ സു​ര​ക്ഷ ഉ​ദ്യോ​ഗ​സ്ഥ​ർ ര​ണ്ടു​പേ​ർ മെ​ഷീ​ൻ തു​റ​ക്കാ​ൻ ശ്ര​മി​ച്ച​താ​യി ക​ണ്ടെ​ത്തി. പ്ര​തി​ക​ൾ ത​ങ്ങ​ളു​ടെ വാ​ഹ​നം എ.​ടി.​എ​മ്മി​ലേ​ക്ക് ഇ​ടി​ച്ചു​ക​യ​റ്റി​യ​താ​യും ക​ണ്ടെ​ത്തി. എ​ന്നാ​ൽ മോ​ഷ്ടാ​ക്ക​ൾ​ക്ക് കൃ​ത്യം ന​ട​ത്താ​നാ​യി​ല്ല. ഇ​തോ​ടെ പ്ര​തി​ക​ൾ ര​ക്ഷ​പ്പെ​ട്ടു. പ്ര​തി​ക​ളെ തി​രി​ച്ച​റി​യു​ന്ന​തി​നും കു​റ്റ​കൃ​ത്യ​ത്തി​ന് ഉ​പ​യോ​ഗി​ച്ച വാ​ഹ​നം ക​ണ്ടെ​ത്തു​ന്ന​തി​നു​മാ​യി സു​ര​ക്ഷ ഉ​ദ്യോ​ഗ​സ്ഥ​ർ പ്ര​ദേ​ശ​ത്തു നി​ന്നു​ള്ള സി.​സി.​ടി.​വി ദൃ​ശ്യ​ങ്ങ​ൾ വി​ശ​ക​ല​നം ചെ​യ്തു​വ​രുക​യാ​ണ്.

ക​വ​ർ​ച്ച ശ്ര​മം മു​ൻ​കൂ​ട്ടി ആ​സൂ​ത്ര​ണം ചെ​യ്ത​താ​യി​രി​ക്കാ​മെ​ന്നാ​ണ് സൂ​ച​ന. പ്ര​തി​ക​ളെ ഉ​ട​ൻ പി​ടി​കൂ​ടാ​നാ​കു​മെ​ന്നാ​ണ് പ്ര​തീ​ക്ഷ. പൊ​തു​ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്നും എ.​ടി.​എ​മ്മു​ക​ൾ​ക്കോ ​​ബാ​ങ്ക് പ​രി​സ​ര​ങ്ങ​ൾ​ക്കോ ​​സ​മീ​പം അ​സാ​ധാ​ര​ണ പെ​രു​മാ​റ്റം ശ്ര​ദ്ധ​യി​ൽ​പ്പെ​ട്ടാ​ൽ 112 ഹോ​ട്ട്‌​ലൈ​നി​ൽ റി​പ്പോ​ർ​ട്ട് ചെ​യ്യ​ണ​മെ​ന്നും അ​ധി​കൃ​ത​ർ ഉ​ണ​ർ​ത്തി.