ഫലസ്തീൻ ജനതക്ക് അന്താരാഷ്ട്ര സംരക്ഷണം നൽകണം- കിരീടാവകാശി

കു​വൈ​ത്ത് സി​റ്റി: എ​ല്ലാ അ​ന്താ​രാ​ഷ്ട്ര, മാ​നു​ഷി​ക പ്ര​മേ​യ​ങ്ങ​ൾ​ക്കും വി​രു​ദ്ധ​മാ​യി ഇ​ര​ട്ട മാ​ന​ദ​ണ്ഡ​ങ്ങ​ളാ​ൽ പൊ​തി​ഞ്ഞ അ​ന്യാ​യ​മാ​യ കൂ​ട്ടാ​യ ശി​ക്ഷ​യാ​ണ് ഫ​ല​സ്തീ​നെ​തി​രെ ഇ​സ്രാ​യേ​ൽ ന​ട​ത്തു​ന്ന​തെ​ന്ന് കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്. ര​ക്ത​ച്ചൊ​രി​ച്ചി​ൽ ഉ​ട​ൻ ത​ട​യു​ന്ന​തി​നും ഫ​ല​സ്തീ​ൻ ജ​ന​ത​ക്ക് അ​ന്താ​രാ​ഷ്ട്ര സം​ര​ക്ഷ​ണം ന​ൽ​കു​ന്ന​തി​നും ഇ​ട​പെ​ടാ​ൻ അ​ന്താ​രാ​ഷ്ട്ര സ​മൂ​ഹ​ത്തി​ന്റെ ശ്ര​ദ്ധ കി​രീ​ടാ​വ​കാ​ശി ക്ഷ​ണി​ച്ചു.

യു.​എ​ൻ സു​ര​ക്ഷാ കൗ​ൺ​സി​ൽ അ​തി​ന്റെ പ​ങ്ക് നി​ർ​വ​ഹി​ക്ക​ണ​മെ​ന്നും അ​ഭ്യ​ർ​ഥി​ച്ചു. ശ​നി​യാ​ഴ്ച റി​യാ​ദി​ൽ ന​ട​ന്ന അ​സാ​ധാ​ര​ണ ഇ​സ്‍ലാ​മി​ക-​അ​റ​ബ് ഉ​ച്ച​കോ​ടി​യെ അ​ഭി​സം​ബോ​ധ​ന ചെ​യ്യു​ക​യാ​യി​രു​ന്നു കി​രീ​ടാ​വ​കാ​ശി. അ​തേ​സ​മ​യം, മാ​നു​ഷി​ക​മാ​യ സ​ന്ധി​ക്ക് ആ​ഹ്വാ​നം ചെ​യ്യാ​നു​ള്ള യു.​എ​ൻ ജ​ന​റ​ൽ അ​സം​ബ്ലി തീ​രു​മാ​നം അ​ദ്ദേ​ഹം സ്വാ​ഗ​തം ചെ​യ്തു.

ഈ ​യോ​ഗം ചേ​രു​ന്ന​തി​നി​ട​യി​ലും ഗ​സ്സ​യി​ലെ ഫ​ല​സ്തീ​ൻ സ​ഹോ​ദ​ര​ങ്ങ​ൾ​ക്കെ​തി​രെ വി​വ​ര​ണാ​തീ​ത​മാ​യ കു​റ്റ​കൃ​ത്യ​ങ്ങ​ൾ ന​ട​ക്കു​ന്നു​ണ്ടെ​ന്ന് കി​രീ​ടാ​വ​കാ​ശി ചൂ​ണ്ടി​ക്കാ​ട്ടി. അ​റ​ബ് സ​മാ​ധാ​ന സം​രം​ഭ​വും പ്ര​സ​ക്ത​മാ​യ അ​ന്താ​രാ​ഷ്ട്ര റ​ഫ​റ​ൻ​സു​ക​ളും അ​നു​സ​രി​ച്ച് ഫ​ല​സ്തീ​ൻ പ്ര​ശ്‌​ന​ത്തി​ന് അ​ന്തി​മ​വും നീ​തി​യു​ക്ത​വു​മാ​യ പ​രി​ഹാ​രം, മേ​ഖ​ല​യി​ലെ സു​സ്ഥി​ര​മാ​യ സ​മാ​ധാ​നം എ​ന്നി​വ​ക്കാ​ണ് കു​വൈ​ത്ത് ഊ​ന്ന​ൽ ന​ൽ​കു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.