അ​ന്താ​രാ​ഷ്ട്ര സ​ഖ്യം മ​ന്ത്രി​ത​ല യോ​ഗം: വി​ദേ​ശ​കാ​ര്യ മ​ന്ത്രി പ​​ങ്കെ​ടു​ത്തു

കു​വൈ​ത്ത് സി​റ്റി: ഐ.​എ​സി​നെ പ​രാ​ജ​യ​പ്പെ​ടു​ത്താ​നു​ള്ള അ​ന്താ​രാ​ഷ്ട്ര സ​ഖ്യ​ത്തി​ന്റെ മ​ന്ത്രി​ത​ല യോ​ഗ​ത്തി​ൽ വി​ദേ​ശ​കാ​ര്യ മ​ന്ത്രി ശൈ​ഖ് സ​ലിം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ് കു​വൈ​ത്ത് പ്ര​തി​നി​ധി സം​ഘ​ത്തെ ന​യി​ച്ചു. സൗ​ദി ത​ല​സ്ഥാ​ന​മാ​യ റി​യാ​ദി​ലാ​ണ് യോ​ഗം ന​ട​ന്ന​ത്. സി​റി​യ​ൻ ക്യാ​മ്പു​ക​ളി​ൽ ക​ഴി​യു​ന്ന വി​ദേ​ശ കു​ടും​ബ​ങ്ങ​ളെ മാ​റ്റു​ന്ന​തി​ൽ കു​വൈ​ത്ത് വ​ഹി​ച്ച നി​ർ​ണാ​യ​ക പ​ങ്കി​നെ​ക്കു​റി​ച്ച് ശൈ​ഖ് സ​ലിം യോ​ഗ​ത്തി​ൽ ഉ​ണ​ർ​ത്തി.

മ​ഹ​ത്താ​യ മാ​നു​ഷി​ക അ​ർ​ഥ​ങ്ങ​ളെ​യും സൗ​ഹൃ​ദ രാ​ജ്യ​ങ്ങ​ളു​മാ​യു​ള്ള അ​ന്താ​രാ​ഷ്ട്ര സ​ഹ​ക​ര​ണ​ത്തെ​യും അ​ത് പ്ര​തി​ഫ​ലി​പ്പി​ക്കു​ന്ന​താ​യും ചൂ​ണ്ടി​ക്കാ​ട്ടി. യൂ​റോ​പ്, ഏ​ഷ്യ, അ​മേ​രി​ക്ക, ക​രീ​ബി​യ​ൻ എ​ന്നി​വി​ട​ങ്ങ​ളി​ലെ 13 രാ​ജ്യ​ങ്ങ​ളി​ൽ​നി​ന്നു​ള്ള 667 പോ​രാ​ളി​ക​ളെ​യും അ​വ​രു​ടെ കു​ടും​ബ​ങ്ങ​ളെ​യും കൈ​മാ​റു​ന്ന​തി​ന് യു.​എ​സി​നൊ​പ്പം കു​വൈ​ത്ത് സം​ഭാ​വ​ന ന​ൽ​കി​യി​ട്ടു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

യോ​ഗ​ത്തി​നാ​യി അ​ന്താ​രാ​ഷ്ട്ര സ​ഖ്യ സെ​ക്ര​ട്ടേ​റി​യ​റ്റും വ​ർ​ക്ക് ടീ​മും ന​ട​ത്തി​യ ശ്ര​മ​ങ്ങ​ളെ ശൈ​ഖ് സ​ലിം അ​ഭി​ന​ന്ദി​ച്ചു. യോ​ഗ​ത്തി​ന് ആ​തി​ഥേ​യ​ത്വം വ​ഹി​ച്ച​തി​ന് സൗ​ദി അ​റേ​ബ്യ​യെ​യും അ​ഭി​ന​ന്ദി​ച്ചു. ബു​ധ​നാ​ഴ്ച റി​യാ​ദി​ലെ ജി.​സി.​സി സെ​ക്ര​ട്ടേ​റി​യ​റ്റി​ൽ ന​ട​ന്ന ജി.​സി.​സി-​യു.​എ​സ് സ്ട്രാ​റ്റ​ജി​ക് പാ​ർ​ട്ണ​ർ​ഷി​പ്പി​ന്റെ മ​ന്ത്രി​ത​ല യോ​ഗ​ത്തി​ലും ശൈ​ഖ് സ​ലിം രാ​ജ്യ​ത്തെ പ്ര​തി​നി​ധാ​നം​ചെ​യ്ത് പ​ങ്കെ​ടു​ത്തു. യു.​എ​സ് സ്റ്റേ​റ്റ് സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ, സൗ​ദി അ​റേ​ബ്യ, യു.​എ.​ഇ, ഖ​ത്ത​ർ, ബ​ഹ്‌​റൈ​ൻ, ഒ​മാ​ൻ എ​ന്നീ രാ​ജ്യ​ങ്ങ​ളു​ടെ വി​ദേ​ശ​കാ​ര്യ മ​ന്ത്രി​മാ​രും പ​ങ്കെ​ടു​ത്ത യോ​ഗം രാ​ഷ്ട്രീ​യ, സു​ര​ക്ഷാ ബ​ന്ധ​ങ്ങ​ൾ​ക്ക് ഊ​ന്ന​ൽ ന​ൽ​കി സ​ഹ​ക​ര​ണ​ത്തി​ന്റെ വി​വി​ധ വ​ശ​ങ്ങ​ൾ അ​വ​ലോ​ക​നം ചെ​യ്തു.