സഹായവിതരണവുമായി ഇന്തോ–അറബ് കോൺഫെഡറേഷൻ കൗൺസിൽ

കുവൈത്ത്​ സിറ്റി: കോവിഡ് സഹായവിതരണവുമായി ഇന്തോ–അറബ്​ കോൺഫെഡറേഷൻ കൗൺസിൽ കുവൈത്ത്​ ചാപ്​റ്റർ അംഗങ്ങൾ. ശൈഖ് ​ ദുവൈജ്‌ ഖലീഫ അസ്സബാഹി​​െൻറ പിന്തുണയോടെ ഫർവാനിയയിലും അബ്ബാസിയയിലുമായി 1500ഒാളം പേർക്ക്​ ഭക്ഷണവും വസ്ത്രങ്ങളും അടങ്ങിയ കിറ്റുകൾ വിതരണം ചെയ്​തു.

കുവൈത്തി പൗരനും ജീവകാരുണ്യ പ്രവർത്തകനുമായ ഖാലിദ് അൽ മുതൈരിയുടെ നേതൃത്വത്തിലാണ് വിതരണം ചെയ്തത്. ഇന്തോ–അറബ് കോൺഫഡറേഷൻ കൗൺസിൽ കുവൈത്ത്​ ചാപ്റ്റർ പ്രസിഡൻറ്​ ബാബു ഫ്രാൻസിസ്​, കൺവീനർ ഷൈനി ഫ്രാങ്ക്​, മറ്റ്​ അംഗങ്ങൾ, കുവൈത്തി സന്നദ്ധ സംഘടനകളായ ബനാത്ത് അൽ കുവൈത്ത്​, അമീർ അൽ ഇൻസാനിയ എന്നിവയിലെ വളൻറിയർമാരും സഹായ വിതരണത്തിൽ പങ്കെടുത്തു.
ഖറായഫ് റസ്​റ്റാറൻറ്​, അൽ ബയാറക്, അൽ അസീൽ എന്നീ കമ്പനികൾ സ്​പോൺസർമാരായി.