മധുരം നിറച്ച് കുവൈത്തിൽ ഇന്ത്യൻ മാമ്പഴോത്സവം

കുവൈത്ത് സിററി: കുവൈത്തിൽ സംഘടിപ്പിച്ച ഇന്ത്യൻ മാമ്പഴോത്സവം സമാപിച്ചു. ഇന്ത്യൻ എംബസിയും കേന്ദ്ര കാർഷിക സംസ്കരിത ഭക്ഷ്യ ഉൽപ്പന്ന കയറ്റുമതി വികസന അതോറിറ്റിയും ചേർന്ന് ജൂൺ ഒന്ന് മുതൽ പതിനൊന്ന് വരെയാണ് മാമ്പഴോത്സവം സംഘടിപ്പിച്ചത്. അൽഫോൻസോ, കേസർ, ബംഗനപ്പള്ളി തുടങ്ങിയ ഇന്ത്യൻ മാമ്പഴ ഇനങ്ങൾ പ്രദർശനത്തിൽ ഒരുക്കിയിരുന്നു.

പരിപാടിയുടെ ഭാഗമായി മൈസ് അൽഗാനിം, ആശാസ് ഹോട്ടൽ, സെന്റ് റെജിസ്, മുഗൾ മഹൽ എന്നിവിടങ്ങളിൽ പ്രത്യേക ഭക്ഷണോത്സവവും നടന്നു. വന്യൂസ് മാളിൽ സമാപന ചടങ്ങ് ഇന്ത്യൻ അംബാസഡർ പരമിത ത്രിപതി ഉദ്ഘാടനം ചെയ്തു. ഇന്ത്യ-കുവൈത്ത് കാർഷിക വ്യാപാര ബന്ധം ശക്തിപ്പെടുത്തുന്നതിൽ മാമ്പഴോത്സവം പ്രധാന പങ്കുവഹിച്ചതായി ഇന്ത്യൻ എംബസി അറിയിച്ചു. ഇന്ത്യൻ മാമ്പഴോത്സവം