കു​വൈ​ത്തി​ലെ പ്ര​വാ​സി​ക​ൾ​ക്കാ​യി ഇന്ത്യൻ എംബസി ഓപൺ ഹൗസ് ഇന്ന്

കു​വൈ​ത്ത് സി​റ്റി: കു​വൈ​ത്തി​ലെ ഇ​ന്ത്യ​ൻ പ്ര​വാ​സി​ക​ൾ​ക്കാ​യി ഇ​ന്ത്യ​ൻ എം​ബ​സി സം​ഘ​ടി​പ്പി​ക്കു​ന്ന ഓ​പ​ൺ ഹൗ​സ് വ്യാ​ഴാ​ഴ്ച ന​ട​ക്കും. അ​റേ​ബ്യ​ൻ ഗ​ൾ​ഫ് സ്ട്രീ​റ്റി​ലെ ഇ​ന്ത്യ​ൻ എം​ബ​സി ആ​സ്ഥാ​ന​ത്താ​ണ് ഓ​പ​ൺ ഹൗ​സ്. ഉ​ച്ച​ക്ക് 12ന് ​ആ​രം​ഭി​ക്കും. 11 മു​ത​ൽ ര​ജി​സ്റ്റ​ർ ചെ​യ്യാം. അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക, എം​ബ​സി ഉ​​ന്ന​ത ഉ​ദ്യോ​ഗ​സ​ഥ​ർ എ​ന്നി​വ​ർ പ​​ങ്കെ​ടു​ക്കും. പ്ര​വാ​സി​ക​ൾ​ക്ക് ഓ​പ​ൺ ഹൗ​സി​ൽ വി​വി​ധ വി​ഷ​യ​ങ്ങ​ൾ ഇ​വ​രു​ടെ ശ്ര​ദ്ധ​യി​ൽ​പ്പെ​ടു​ത്താം.

ട്രാ​ക്ക് ഓ​ണം-​ഈ​ദ് സം​ഗ​മം നാ​ളെ

കു​വൈ​ത്ത് സി​റ്റി: തി​രു​വ​ന​ന്ത​പു​രം നോ​ൺ റെ​സി​ഡ​ൻ​സ് അ​സോ​സി​യേ​ഷ​ൻ ഓ​ഫ് കു​വൈ​ത്ത് (ട്രാ​ക്ക്) കേ​ന്ദ്ര ക​മ്മി​റ്റി​യു​ടെ ആ​ഭി​മു​ഖ്യ​ത്തി​ൽ വെ​ള്ളി​യാ​ഴ്ച രാ​വി​ലെ ഒ​മ്പ​ത് മു​ത​ൽ അ​ബ്ബാ​സി​യ പോ​പ്പി​ൻ​സ് ഓ​ഡി​റ്റോ​റി​യ​ത്തി​ൽ ഓ​ണം-​ഈ​ദ് സം​ഗ​മം ന​ട​ക്കും. താ​ല​പ്പൊ​ലി​യും ചെ​ണ്ട​മേ​ള​ത്തോ​ടു​കൂ​ടി മ​ഹാ​ബ​ലി എ​ഴു​ന്ന​ള്ള​ത്ത്, സാം​സ്കാ​രി​ക സ​മ്മേ​ള​നം, ഓ​ണ​പ്പാ​ട്ടു​ക​ൾ, തി​രു​വാ​തി​ര​ക്ക​ളി, ഒ​പ്പ​ന, മാ​പ്പി​ള​പ്പാ​ട്ടു​ക​ൾ, വി​വി​ധ​യി​നം നൃ​ത്ത​നൃ​ത്യ​ങ്ങ​ൾ, കു​വൈ​ത്തി​ലെ പ്ര​സി​ദ്ധ ഗാ​യ​ക​ർ അ​വ​ത​രി​പ്പി​ക്കു​ന്ന ഗാ​ന​മേ​ള തു​ട​ങ്ങി​യ ക​ലാ​പ​രി​പാ​ടി​ക​ൾ അ​ര​ങ്ങേ​റും. ഓ​ണ​സ​ദ്യ​യും ഒ​രു​ക്കി​യ​താ​യി ഭാ​ര​വാ​ഹി​ക​ൾ അ​റി​യി​ച്ചു.

ഗാന്ധിസ്മൃതി വാർഷികാഘോഷം മാറ്റി

കു​വൈ​ത്ത് സി​റ്റി: ഗാ​ന്ധി​സ്മൃ​തി കു​വൈ​ത്ത് വെ​ള്ളി​യാ​ഴ്ച അ​ബ്ബാ​സി​യ ആ​സ്പ​യ​ർ ഇ​ന്ത്യ​ൻ ഇ​ൻ​റ​ർ​നാ​ഷ​ന​ൽ സ്കൂ​ൾ ഓ​ഡി​റ്റോ​റി​യ​ത്തി​ൽ ന​ട​ത്താ​ൻ തീ​രു​മാ​നി​ച്ചി​രു​ന്ന ‘സ്നേ​ഹ സം​ഗ​മം- 2023’ പ​രി​പാ​ടി മാ​റ്റി​വെ​ച്ചു. വി​ശി​ഷ്ടാ​തി​ഥി എം.​പി. അ​ബ്ദു​സ്സ​മ​ദ് സ​മ​ദാ​നി എം.​പി പ​ങ്കെ​ടു​ക്കാ​ൻ സാ​ധി​ക്കി​ല്ല എ​ന്ന് അ​റി​യി​ച്ച​തി​നാ​ലാ​ണ് പ​രി​പാ​ടി മാ​റ്റി​യ​തെ​ന്ന് സം​ഘാ​ട​ക​ർ അ​റി​യി​ച്ചു. പു​തു​ക്കി​യ സ്ഥ​ല​വും തീ​യ​തി​യും വി​ശി​ഷ്ടാ​തി​ഥി​യെ​യും പി​ന്നീ​ട് അ​റി​യി​ക്കും.

ആ​ദ​ർ​ശ​രാ​ഷ്ട്രീ​യ​ത്തി​ന്റെ പ്ര​തീ​ക​മാ​യ അ​ബ്ദു​സ്സ​മ​ദ് സ​മ​ദാ​നി എം.​പി പ​രി​പാ​ടി​യി​ൽ​നി​ന്ന് പി​ന്മാ​റി​യ​ത് യോ​ജി​ക്കാ​നാ​വാ​ത്ത ന​ട​പ​ടി​യാ​യി ക​മ്മി​റ്റി ഭാ​ര​വാ​ഹി​ക​ൾ ആ​രോ​പി​ച്ചു.

ന​ട​പ​ടി​യി​ൽ ശ​ക്ത​മാ​യ പ്ര​തി​ഷേ​ധം രേ​ഖ​പ്പെ​ടു​ത്തി. ഗാ​ന്ധി​സ്മൃ​തി കു​വൈ​ത്തി​ന്റെ പ്ര​വ​ർ​ത്ത​ന​ങ്ങ​ൾ യ​ഥാ​വി​ധി മു​ന്നോ​ട്ടു​പോ​കു​മെ​ന്നും ഭാ​ര​വാ​ഹി​ക​ൾ അ​റി​യി​ച്ചു.