ഇന്ത്യൻ എംബസി ഒാൺലൈൻ ഒാപൺ ഹൗസ്​ 25ന്​

കുവൈത്ത്​ സിറ്റി: കുവൈത്തിലെ ഇന്ത്യൻ എംബസി ഒാപൺ ഹൗസ്​ ഒാൺലൈനായി നവംബർ 25ന്​ ബുധനാഴ്​ച നടക്കും. എംബസി ഒാഡിറ്റോറിയത്തിൽ പ്രതിവാരം നടത്തിയിരുന്ന ഒാപൺ ഹൗസ്​ കോവിഡ്​ പശ്ചാത്തലത്തിൽ സെപ്​റ്റംബർ ആദ്യം നിർത്തിവെച്ചിരുന്നു. കോവിഡ്​ പ്രതിസന്ധി നീളുന്ന സാഹചര്യത്തിൽ ഒാൺലൈനായി പുനരാരംഭിക്കാൻ തീരുമാനിക്കുകയായിരുന്നു. കുവൈത്തിലെ പുതിയ ഇന്ത്യൻ അംബാസഡറായി മലയാളിയായ സിബി ജോർജ്​ ചുമതലയേറ്റ ശേഷം ആരംഭിച്ച നിരവധി ജനോപകാരപ്രദമായ നടപടികളിലൊന്നായിരുന്നു ബുധനാഴ്​ച തോറും നടത്തിയിരുന്ന ഒാപൺ ഹൗസ്​. എല്ലാ ബുധനാഴ്​ചയും വൈകീട്ട്​ 3.30ന്​ നടത്തിവന്ന യോഗത്തിൽ അംബാസഡർ/ ഡെപ്യൂട്ടി ചീഫ്​ ഒാഫ്​ മിഷൻ/ കമ്യൂണിറ്റി വെൽഫെയർ മേധാവി, കോൺസുലർ, ലേബർ വിങ്​ പ്രതിനിധികൾ തുടങ്ങി ഉദ്യോഗസ്ഥർ സംബന്ധിച്ചിരുന്നു. കോൺസുലർ ഒാഫിസർ പ്രതിദിനം ദിവസവും നടത്തുന്ന​ യോഗത്തിന്​ പുറമെയാണ്​ ആഴ്​ചയിൽ നടത്തിയിരുന്ന ഒാപൺ ഹൗസ്​. കുവൈത്തിലെ ഇന്ത്യൻ സമൂഹത്തിന്​ പരാതികളും നിർദേശങ്ങളും സമർപ്പിക്കാൻ അവസരമൊരുക്കുന്നതിനാണ്​ ഒാപൺ ഹൗസ്​ ആരംഭിച്ചത്​.

25ന്​ നടക്കുന്ന ഒാപൺ ഹൗസി​െൻറ ചർച്ചാവിഷയം 'പൊതുമാപ്പും എംബസിയുടെ രജിസ്​ട്രേഷൻ ഡ്രൈവും' എന്നതാണ്​. എല്ലാ ഇന്ത്യക്കാർക്കും പ​െങ്കടുക്കാം. താൽപര്യമുള്ളവർ പേര്​, പാസ്​പോർട്ട്​ നമ്പർ, സിവിൽ ​െഎഡി നമ്പർ, ഫോൺ നമ്പർ, കുവൈത്തിലെ വിലാസം എന്നിവ സഹിതം community.kuwait@mea.gov.in എന്ന ​ഇ മെയിൽ വഴി രജിസ്​ട്രേഷൻ നടത്തേണ്ടതാണ്​. രജിസ്​റ്റർ ചെയ്യുന്നവർക്ക്​ മീറ്റിങ്​ ​െഎഡിയും മറ്റു വിവരങ്ങളും മെയിൽ വഴി അറിയിക്കും.