ഇ​ന്ത്യൻ ഡോക്​ടേഴ്​സ്​ ഫോറം അമീർ അനുസ്​മരണം

കുവൈത്ത്​ സിറ്റി: ഇന്ത്യൻ ഡോക്​ടേഴ്​സ്​ ഫോറം കുവൈത്ത്​ അന്തരിച്ച അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹി​െൻറ അനുസ്​മരണം സംഘടിപ്പിച്ചു.ഒാൺലൈനായി നടത്തിയ പരിപാടിയിൽ ഇന്ത്യൻ അംബാസഡർ സിബി ജോർജ്​ സംബന്ധിച്ചു. ​െഎ.ഡി.എഫ്​ പ്രസിഡൻറ്​ ഡോ. അമീർ അഹ്​മദ്​ അധ്യക്ഷത വഹിച്ചു.

അമീർ എന്ന നിലയിൽ അദ്ദേഹ​ത്തി​െൻറ സംഭാവനകളും സംഘടനയുടെ വാർഷിക പരിപാടിയുടെ രക്ഷാധികാരിയായതും അദ്ദേഹം അനുസ്​മരിച്ചു. ഇ​ന്ത്യയും കുവൈത്തും തമ്മിൽ ഉൗഷ്​മള ബന്ധം നിലനിർത്തുന്നതിൽ ശൈഖ്​ സബാഹ്​ പ്രത്യേക താൽപര്യമെടുത്തത്​ അംബാസഡർ ചൂണ്ടിക്കാട്ടി.ഇന്ത്യൻ സർക്കാർ ഒക്​ടോബർ നാലിന്​ പ്രഖ്യാപിച്ച ദുഃഖാചരണത്തിൽ എംബസിയും പങ്കുചേരുമെന്ന്​ ​അദ്ദേഹം ചൂണ്ടിക്കാട്ടി. പുതിയ അമീറിന്​ ​കീഴിലും ഇന്ത്യയുമായി ഉൗഷ്​മള ബന്ധം നിലനിർത്താൻ കഴിയ​െട്ടയെന്ന്​ അദ്ദേഹം ആശംസിച്ചു.

ശൈഖ്​ സബാഹി​െൻറ ജീവിതത്തിലൂടെ കടന്നുപോവുന്ന പവർപോയൻറ്​ പ്രസ​േൻറഷൻ ഡോ. അനില ആൽബർട്ട്​ അവതരിപ്പിച്ചു.​ ഡോ. ജഗന്നാഥ്​ ​അനുശോചന സന്ദേശം വായിച്ചു. ഡോ. രമേശ്​ പണ്ഡിത, ഡോ. റിയാസ്​ ഖാൻ, ഡോ. വിനോദ്​ ഗ്രോവർ എന്നിവർ സംസാരിച്ചു.