ഇ​ന്ത്യ​യെ​ന്ന വി​കാ​രം ഉ​യ​ർ​ത്തി​പ്പി​ടി​ക്കു​ക -അം​ബാ​സ​ഡ​ർ

കു​വൈ​ത്ത് സി​റ്റി: ജാ​തി, മ​ത, ഭാ​ഷ ഭേ​ദ​ങ്ങ​ൾ​ക്ക​പ്പു​റ​ത്ത്​ ഇ​ന്ത്യ​യെ​ന്ന വി​കാ​രം ഉ​യ​ർ​ത്തി​പ്പി​ടി​ക്ക​ണ​മെ​ന്ന്​ കു​വൈ​ത്തി​ലെ ഇ​ന്ത്യ​ൻ അം​ബാ​സ​ഡ​ർ ആ​ദ​ർ​ശ് സ്വൈ​ക പ​റ​ഞ്ഞു. റി​പ്പ​ബ്ലി​ക്​ ദി​​നാ​ഘോ​ഷ​ത്തോ​ട​നു​ബ​ന്ധി​ച്ച്​ ഇ​ന്ത്യ​ൻ എം​ബ​സി​യി​ൽ ന​ട​ത്തി​യ പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. സ്വാ​ത​ന്ത്ര്യ സ​മ​ര​ത്തി​ൽ ജീ​വ​ൻ പൊ​ലി​ഞ്ഞ​വ​ർ​ക്ക് അ​ദ്ദേ​ഹം സ്മ​ര​ണാ​ഞ്ജ​ലി അ​ർ​പ്പി​ച്ചു.

രാ​ഷ്ട്ര​പി​താ​വി​ന്‍റെ പ്ര​തി​മ​യി​ല്‍ പു​ഷ്പാ​ര്‍ച്ച​ന ന​ട​ത്തി. തു​ട​ർ​ന്ന് രാ​ഷ്ട്ര​പ​തി ദ്രൗ​പ​ദി മു​ർ​മു​വി​ന്റെ റി​പ്പ​ബ്ലി​ക് ദി​ന​സ​ന്ദേ​ശം അ​ദ്ദേ​ഹം വാ​യി​ച്ചു. വ്യാ​പാ​ര​വും വി​ദേ​ശ​കാ​ര്യ​വു​മ​ട​ക്കം എ​ല്ലാ മേ​ഖ​ല​ക​ളി​ലും ഇ​രു​രാ​ജ്യ​ങ്ങ​ൾ​ക്കി​ട​യി​ലു​ള്ള സ​ഹ​ക​ര​ണ​ത്തി​ന് കു​വൈ​ത്ത് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​നും കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​സ്സ​ബാ​ഹി​നും പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ്മ​ദ് അ​സ്സ​ബാ​ഹി​നും അ​ദ്ദേ​ഹം ന​ന്ദി അ​റി​യി​ച്ചു.

കു​വൈ​ത്തി​ലു​ള്ള എ​ല്ലാ ഇ​ന്ത്യ​ക്കാ​ർ​ക്കും സ്വ​ദേ​ശി​ക​ൾ​ക്കും ആ​ശം​സ നേ​ർ​ന്ന അം​ബാ​സ​ഡ​ർ ഇ​രു​രാ​ജ്യ​ങ്ങ​ളും ത​മ്മി​ലു​ള്ള ബ​ന്ധം ശ​ക്ത​മാ​യി മു​ന്നോ​ട്ടു​പോ​വു​ക​യാ​ണെ​ന്ന് കൂ​ട്ടി​ച്ചേ​ർ​ത്തു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ കു​വൈ​ത്ത് സ​ന്ദ​ർ​ശ​നം ഇ​രു​രാ​ജ്യ​ങ്ങ​ളും ത​മ്മി​ലു​ള്ള ബ​ന്ധം പു​തി​യ ഉ​യ​ര​ങ്ങ​ളി​ലെ​ത്തി​ക്കാ​ൻ സ​ഹാ​യി​ച്ച​താ​യി അം​ബാ​സ​ഡ​ർ പ​റ​ഞ്ഞു.

ദേ​ശ​സ്നേ​ഹം അ​ല​യ​ടി​ച്ച ച​ട​ങ്ങി​ൽ സം​ബ​ന്ധി​ക്കാ​ൻ സ​മൂ​ഹ​ത്തി​ന്റെ വി​വി​ധ​തു​റ​ക​ളി​ൽ​പെ​ട്ട നി​ര​വ​ധി പേ​ർ എം​ബ​സി അ​ങ്ക​ണ​ത്തി​ൽ ത​ടി​ച്ചു​കൂ​ടി​യി​രു​ന്നു. ദേ​ശീ​യ പ​താ​ക​യു​ടെ നി​റ​ങ്ങ​ൾ അ​ണി​ഞ്ഞും ചെ​റു​കൊ​ടി​ക​ൾ കൈ​യി​ലേ​ന്തി​യും എ​ത്തി​യ​വ​രാ​ൽ എം​ബ​സി മു​റ്റം നി​റ​ഞ്ഞു. കു​വൈ​ത്തി​ലെ സ്കൂ​ൾ വി​ദ്യാ​ർ​ഥി​ക​ളു​ടെ​യും വി​വി​ധ സം​ഘ​ട​ന​ക​ളു​ടെ​യും ദേ​ശ​ഭ​ക്തി മു​റ്റി​നി​ന്ന സം​ഗീ​ത, നൃ​ത്ത പ​രി​പാ​ടി​ക​ൾ ആ​ഘോ​ഷ​ങ്ങ​ൾ​ക്ക് നി​റ​പ്പ​കി​ട്ടേ​കി.

ഇ​ന്ത്യ​ൻ അ​സോ​സി​യേ​ഷ​ൻ പ്ര​തി​നി​ധി​ക​ൾ, വ്യ​വ​സാ​യി​ക​ൾ, ഡോ​ക്ട​ർ​മാ​ർ, എ​ൻ​ജി​നീ​യ​ർ​മാ​ർ, മ​റ്റ് പ്ര​ഫ​ഷ​ന​ലു​ക​ൾ, ഗാ​ർ​ഹി​ക ജോ​ലി​ക്കാ​ർ തു​ട​ങ്ങി വി​വി​ധ തു​റ​ക​ളി​ലു​ള്ള ആ​യി​ര​ക്ക​ണ​ക്കി​ന് ഇ​ന്ത്യ​ൻ പൗ​ര​ന്മാ​രാ​ണ് ച​ട​ങ്ങി​നെ​ത്തി​യ​ത്.