ഭക്ഷ്യസുരക്ഷാ സഹകരണം ശക്തിപ്പെടുത്തൽ; കുവൈത്ത് വാണിജ്യ-വ്യവസായ മന്ത്രിയുമായി ഇന്ത്യൻ അംബാസഡർ ചർച്ച നടത്തി

കുവൈത്ത് സിറ്റി: ഭക്ഷ്യസുരക്ഷാ സഹകരണം, തന്ത്രപ്രധാനമായ കരുതൽ ശേഖരം ശക്തിപ്പെടുത്തൽ എന്നിവ വിപുലപ്പെടുത്താൻ ഇന്ത്യയും കുവൈത്തും. ഇതിന്റെ ഭാഗമായി കുവൈത്ത് വാണിജ്യ-വ്യവസായ മന്ത്രി ഉസാമ ബൂദായി ഇന്ത്യൻ അംബാസഡർ പരമിത ത്രിപതിയുമായി ചർച്ച നടത്തി.

ഇരു രാജ്യങ്ങളും തമ്മിലുള്ള സഹകരണം ശക്തിപ്പെടുത്തൽ, വ്യാപാരം, സാമ്പത്തികം, വ്യവസായം, നിക്ഷേപം എന്നീ മേഖലകളിൽ ഉഭയകക്ഷി ബന്ധങ്ങൾ വികസിപ്പിക്കുന്നതിനെക്കുറിച്ചും കൂടികാഴ്ചയിൽ ചർച്ച ചെയ്തതായി വാണിജ്യ-വ്യവസായ മന്ത്രാലയം അറിയിച്ചു. മറ്റു വിവിധ വിഷയങ്ങളും ഇരുവരും ചർച്ചചെയ്യുകയും ആശയങ്ങൾ കൈമാറുകയും ചെയ്തു. ഉഭയകക്ഷി സഹകരണം വിപുലീകരിക്കുന്നതിനുള്ള സാധ്യതകളും വിലയിരുത്തി.