ഓ​ർ​മ​യി​ലെ ആ​ഘോ​ഷ മ​ധു​ര​ങ്ങ​ൾ...

സ്വാ​ത​ന്ത്ര്യ​ദി​ന സു​പ്ര​ഭാ​തം എ​ന്നും പു​തു​മ നി​റ​ഞ്ഞ​താ​ണ്. വ​ള​രെ നേ​ര​​േത്ത എ​ഴു​ന്നേ​റ്റ് കു​ളി​ച്ച് യൂ​നി​ഫോം ധ​രി​ച്ച് അ​ത്യു​ത്സ​ാഹ​ത്തോ​ടെ സ്കൂ​ളി​ൽ പോ​കു​ന്ന ഉ​ള്ളു​നി​റ​ക്കു​ന്ന ഓ​ർ​മ​ക​ളി​ൽ നി​ന്നു തു​ട​ങ്ങു​ന്നു ആ ​ദി​വ​സം ത​രു​ന്ന സ​ന്തോ​ഷം.

ദേ​ശീ​യ പ​താ​ക​യു​ടെ ചെ​റി​യ പ​തി​പ്പു​ള്ള ബാ​ഡ്ജ് യൂ​നി​ഫോ​മി​ൽ കു​ത്തി അ​ഭി​മാ​ന​ത്തോ​ടെ​യാ​കും ന​ട​ത്തം. സ്കൂ​ളി​ലേ​ക്കു​ള്ള ന​ട​പ്പി​ൽ ചു​റ്റും കൗ​തു​ക കാ​ഴ്ച​ക​ൾ ക​ണ്ടു തു​ട​ങ്ങും. പു​തു​വ​സ്ത്ര​വും കേ​ര​ള സാ​രി​യു​മൊ​ക്കെ അ​ണി​ഞ്ഞു ഓ​ഫി​സു​ക​ളി​ലേ​ക്കും മാ​റ്റും പോ​കു​ന്ന യു​വ​തി​ക​ൾ, വെ​ളു​ത്ത കു​പ്പാ​യ​ങ്ങ​ളി​ൽ ധിറു​തി​യി​ൽ ന​ട​ന്നു​പോ​കു​ന്ന പു​രു​ഷ​ന്മാ​ർ. ചെ​റി​യ പ​താ​ക​ക​ളു​മാ​യി കു​ട്ടി​ക​ൾ.

വ​ഴി​ക​ളി​ൽ പ​ല​യി​ട​ത്തും മൂ​വ​ർ​ണ​ത്തി​ലു​ള്ള തോ​ര​ണ​ങ്ങ​ൾ കൊ​ണ്ട് അ​ല​ങ്ക​രി​ച്ചി​ട്ടു​ണ്ടാ​കും. വൈ​ദ്യു​തി കാ​ലു​ക​ളി​ൽ ദേ​ശീ​യ പ​താ​ക​ക​ൾ പാ​റി​ക്ക​ളി​ക്കു​ന്നു​ണ്ടാ​കും. നാ​ൽ​ക്ക​വ​ല​യി​ൽ പ്രാ​ദേ​ശി​ക ക്ല​ബു​ക​ളു​ടെ വ​ക ആ​ഘോ​ഷ​ങ്ങ​ൾ ന​ട​ക്കു​ന്നു​ണ്ടാ​കും. പാ​ർ​ട്ടി ഓ​ഫി​സു​ക​ൾ​ക്കും ക്ല​ബു​ക​ൾ​ക്കും മു​ന്നി​ൽ പ​താ​ക ഉ​യ​ർ​ത്താ​നാ​യി സ്ഥാ​പി​ച്ച കൊ​ടി​മ​രം ത​ല​ ഉ​യ​ർ​ത്തി നി​ൽ​പ്പു​ണ്ടാ​കും. എ​ല്ലാ​റ്റി​നും അ​ക​മ്പ​ടി​യാ​യി ദേ​ശ​ഭ​ക്തി​ഗാ​ന​ങ്ങ​ൾ സ്പീ​ക്ക​റി​ലൂ​ടെ ഒ​ഴു​കു​ന്നു​മു​ണ്ടാ​കും.

ബ​സു​ക​ളി​ലും മ​റ്റു​ വാ​ഹ​ങ്ങ​ളി​ലും ദേ​ശീ​യ പ​താ​ക പാ​റി​ക്ക​ളി​ക്ക​ളി​ക്കു​ന്ന​ത് കാ​ണാ​ൻ ന​ല്ല ര​സ​മാ​ണ്. എ​വി​ടെ നോ​ക്കി​യാ​ലും പു​തു​മ​യും വ​ർ​ണാ​ഭ​മാ​യുമുള്ള അ​നു​ഭൂ​തി. സ്കൂ​ളി​ലെ അ​സം​ബ്ലി​യും ദേ​ശീ​യ ഗാ​ന​വും അ​തി​നു ശേ​ഷ​മു​ള്ള ത്രി​വ​ർ​ണ പ​താ​ക​യി​ൽ​നി​ന്ന് ചി​ത​റി വീ​ഴു​ന്ന പു​ഷ്പ​ങ്ങ​ളും ഒ​ടു​വി​ലെ മി​ഠാ​യി വി​ത​ര​ണ​വും ഓ​ർ​മ​ക​ൾ​ക്കും ത്രി​വ​ർ​ണ നി​റം ചാ​ർ​ത്തു​ന്നു.

തി​രി​ച്ചു​പോ​കു​ന്ന വ​ഴി ക്ല​ബു​ക​ൾ​ക്കും പാ​ർ​ട്ടി ഓ​ഫി​സു​ക​ൾ​ക്കും മു​ന്നി​ലെ​ത്തി​യാ​ൽ ന​ട​ത്തം മെ​ല്ലെ​യാ​ക്കും. ഒ​ന്ന് പ​മ്മി നി​ൽ​ക്കും. മി​ഠാ​യി​യോ ല​ഡു​വോ കി​ട്ടു​മോ എ​ന്നാ​യി​രി​ക്കും ചി​ന്ത. കി​ട്ടാ​വു​ന്ന മി​ഠാ​യി ഒ​ക്കെ ശേ​ഖ​രി​ച്ചാ​കും വീ​ട്ടി​ലെ​ത്തു​ക. ഇ​പ്പോ​ഴും ആ ​കു​ട്ടി​ക്കാ​ലം ഹൃ​ദ​യം നി​റ​ക്കു​ന്ന ഒ​ന്നാ​ണ്.

സ്വ​ത​ന്ത്ര ഇ​ന്ത്യ​യു​ടെ ച​രി​ത്രം എ​ട്ടു പ​തി​റ്റാ​ണ്ടി​ലേ​ക്ക് അ​ടു​ക്ക​വേ സ്വാ​ത​ന്ത്ര്യ​ത്തി​ന്റെ യ​ഥാ​ർ​ഥ സാ​ക്ഷാ​ത്കാ​രം സാ​ധ്യ​മാ​യോ എ​ന്ന ചി​ന്ത​യും അ​നി​വാ​ര്യ​മാ​ണ്. ഭ​യ​മി​ല്ലാ​തെ ജീ​വി​ക്കാ​നു​ള്ള സാ​ഹ​ച​ര്യ​വും വി​ഭ​വ​ങ്ങ​ളു​ടെ​യും അ​വ​സ​ര​ങ്ങ​ളു​ടെ​യും തു​ല്യ വി​ത​ര​ണ​വും ജ​നാ​ധി​പ​ത്യ​ത്തി​ന്റെ ആ​ണി​ക്ക​ല്ലാ​ണ്. അ​സ​മ​ത്വ​ങ്ങ​ൾ പ​രി​ഹ​രി​ക്കു​ന്ന​തി​നും ജ​നാ​ധി​പ​ത്യ അ​വ​കാ​ശ​ങ്ങ​ളും അ​വ​സ​ര​ങ്ങ​ളും എ​ല്ലാ പൗ​ര​ന്മാ​ർ​ക്കും ആ​സ്വ​ദി​ക്കാ​ൻ ക​ഴി​യു​മെ​ന്ന് ഉ​റ​പ്പാ​ക്കാ​നും നി​ര​ന്ത​ര ശ്ര​മ​ങ്ങ​ൾ ആ​വ​ശ്യ​മാ​ണ്.