അ​​ണ്ട​​ർ 19 ക്രി​​ക്ക​​റ്റ്​ ലോ​​ക​​ക​​പ്പ്; യോ​​ഗ്യ​​ത പ്ര​തീ​ക്ഷ​യോ​ടെ കു​വൈ​ത്ത്, അ​ഭി​മാ​ന​മാ​യി മ​ല​യാ​ളി​ക​ൾ

കു​വൈ​ത്ത് സി​റ്റി: ഐ.​​സി.​​സി അ​​ണ്ട​​ർ 19 ക്രി​​ക്ക​​റ്റ്​ ലോ​​ക​​ക​​പ്പ് യോ​​ഗ്യ​​ത മ​​ത്സ​​ര​​ങ്ങ​​ളി​ൽ രാ​ജ്യം ക​ള​ത്തി​ലി​റ​ങ്ങു​മ്പോ​ൾ മ​ല​യാ​ളി​ക​ൾ​ക്കും അ​ഭി​മാ​നം. ദേ​ശീ​യ ടീ​മി​ലെ മൂ​ന്നു പേ​ർ മ​ല​യാ​ളി​ക​ളാ​ണ്. കോ​ട്ട​യം സ്വ​ദേ​ശി ഹെ​ൻ​ട്രി തോ​മ​സ്, എ​റ​ണാ​കു​ളം സ്വ​ദേ​ശി ഏ​ഥ​ൻ സ​ഞ്ജ​യ് ചെ​റി​യാ​ൻ, പാ​ല​ക്കാ​ട് സ്വ​ദേ​ശി ഗൗ​തം മോ​ഹ​ൻ​ദാ​സ് എ​ന്നി​വ​രാ​ണ് ടീ​മി​ലു​ള്ള മ​ല​യാ​ളി​ക​ൾ. ഹെ​ൻ​ട്രി തോ​മ​സും, ഏ​ഥ​ൻ സ​ഞ്ജ​യ് ചെ​റി​യാ​നും ഇ​ത് ര​ണ്ടാം ത​വ​ണ​യാ​ണ് ദേ​ശീ​യ ടീ​മി​ലെ​ത്തു​ന്ന​ത്. നേ​ര​ത്തെ ഏ​ഷ്യ​ക​പ്പ് യോ​ഗ്യ​ത മ​ത്സ​ര​ത്തി​ലും ഇ​രു​വ​രും ഉ​ണ്ടാ​യി​രു​ന്നു.

വ​ർ​ഷ​ങ്ങ​ളാ​യി കു​വൈ​ത്തി​ൽ ര​ക്ഷി​താ​ക്ക​ൾ​ക്കൊ​പ്പം ക​ഴി​യു​ന്ന​വ​രാ​ണ് മൂ​ന്നു​പേ​രും. മി​ക​ച്ച ഓ​ൾ റൗ​ണ്ട​റാ​യ ഹെ​ൻ​ട്രി ര​ക്ഷി​താ​ക്ക​ൾ​കൊ​പ്പം അ​ടു​ത്തി​ടെ യു.​കെ​യി​ലേ​ക്ക് മാ​റി​യി​രു​ന്നു. എ​ങ്കി​ലും ടൂ​ർ​ണ​മെ​ന്റി​ലേ​ക്ക് കു​വൈ​ത്ത് അ​ധി​കൃ​ത​ർ ഹെ​ൻ​ട്രി​യെ പ്ര​ത്യേ​കം ക്ഷ​ണി​ച്ചു​വ​രു​ത്തി. ഗൗ​തം മോ​ഹ​ൻ​ദാ​സും ഓ​ൾ​റൗ​ണ്ട​റാ​ണ്. യു​നൈ​റ്റ​ഡ് ഇ​ന്ത്യ​ൻ സ്കൂ​ൾ അ​ബ്ബാ​സി​യ 11ാം ക്ലാ​സ് വി​ദ്യാ​ർ​ഥി​യാ​ണ്. ബാ​റ്റ​റാ​യ ഏ​ഥ​ൻ ഐ.​സി.​എ​സ്.​കെ സാ​ൽ​മി​യ വി​ദ്യാ​ർ​ഥി​യാ​ണ്.

നേ​ര​ത്തേ ടീ​മി​ൽ ഉ​ണ്ടാ​യി​രു​ന്ന​തും പ്രാ​​ദേ​​ശി​​ക ലീ​​ഗു​​ക​​ളി​​ലെ മ​​ത്സ​​ര​​ങ്ങ​​ളി​​ലെ പ്ര​​ക​​ട​​ന​​വും അ​​ടി​​സ്ഥാ​​ന​​മാ​​ക്കി​​യാ​​ണ്​ ഇ​വ​രെ ടീ​മി​ൽ ഉ​ൾ​പ്പെ​ടു​ത്തി​യ​ത്. ഹെ​ൻ​ട്രി​യും, ഗൗ​ത​മും കു​വൈ​ത്തി​ലെ എം.​സി.​എ ക്രി​ക്ക​റ്റ് അ​ക്കാ​ദ​മി​യി​ൽ പ​രി​ശീ​ല​ന​ത്തി​നും ഒ​രു​മി​ച്ചു​ണ്ടാ​യി​രു​ന്നു. ര​ണ്ടു​പേ​രും പ്ര​തീ​ക്ഷ​യു​ള്ള ക​ളി​ക്കാ​രാ​ണെ​ന്ന് എം.​സി.​എ ക്രി​ക്ക​റ്റ് അ​ക്കാ​ദ​മി പ​രി​ശീ​ല​ക​ർ പ​റ​ഞ്ഞു. അ​​ജ്​​​മാ​​നി​​ൽ തു​​ട​​ക്ക​മാ​യ യോ​ഗ്യ​ത റൗ​ണ്ടി​ൽ യു.​​എ.​​ഇ, ഹോ​​ങ്കോ​​ങ്, കു​​വൈ​​ത്ത്, മ​​ലേ​​ഷ്യ, നേ​​പ്പാ​​ൾ, സിം​​ഗ​​പ്പൂ​​ർ എ​​ന്നീ ടീ​​മു​​ക​​ളാ​​ണ്​ ഏ​​റ്റു​​മു​​ട്ടു​​ന്ന​​ത്. മാ​​ർ​​ച്ച്​ ര​​ണ്ടി​​ന്​ സ​​മാ​​പി​​ക്കും.

2014ൽ ​​ശ്രീ​​ല​​ങ്ക​​യി​​ൽ ന​​ട​​ക്കു​​ന്ന ലോ​​ക​​ക​​പ്പി​​ന്‍റെ യോ​​ഗ്യ​​ത മ​​ത്സ​​ര​​മാ​ണി​ത്. അ​തേ​സ​മ​യം വെ​ള്ളി, ശ​നി ദി​വ​സ​ങ്ങ​ളി​ൽ ന​ട​ന്ന ആ​ദ്യ ര​ണ്ടു മ​ത്സ​ര​ങ്ങ​ളി​ൽ ഹോ​ങ്കോ​ങ്, നേ​പ്പാ​ൾ ടീ​മു​ക​ളോ​ട് കു​വൈ​ത്ത് തോ​റ്റു. തി​ങ്ക​ളാ​ഴ്ച മ​ലേ​ഷ്യ, ചൊ​വ്വാ​ഴ്ച യു.​എ.​ഇ, വ്യാ​ഴാ​ഴ്ച സിം​​ഗ​​പ്പൂ​​ർ എ​ന്നി​വ​രു​മാ​യാ​ണ് കു​വൈ​ത്തി​ന്റെ അ​ടു​ത്ത മ​ത്സ​ര​ങ്ങ​ൾ. വ​രു​ന്ന ക​ളി​ക​ളി​ൽ ശ്ര​ദ്ധേ​യ പ്ര​ക​ട​ന​ങ്ങ​ളോ​ടെ ടീ​മി​നെ വി​ജ​യ​ത്തി​ലെ​ത്തി​ക്കാ​മെ​ന്നാ​ണ് മ​ല​യാ​ളി താ​ര​ങ്ങ​ളു​ടെ പ്ര​തീ​ക്ഷ. ആ​ദ്യ ക​ളി​യി​ൽ ഗൗ​തം നാ​ലു​വി​ക്ക​റ്റും, ര​ണ്ടാം മ​ത്സ​ര​ത്തി​ൽ ഹെ​ൻ​ട്രി ര​ണ്ടു വി​ക്ക​റ്റും വീ​ഴ്ത്തി ശ്ര​ദ്ധ നേ​ടി​യി​രു​ന്നു.