മ​നു​ഷ്യ​ക്ക​ട​ത്ത്, വ്യാ​ജ​രേ​ഖ: മൂ​ന്ന് വി​ദേ​ശി​ക​ൾ അ​റ​സ്റ്റി​ൽ

കു​വൈ​ത്ത് സി​റ്റി: മ​നു​ഷ്യ​ക്ക​ട​ത്തും വ്യാ​ജ സ്റ്റാ​മ്പ് നി​ർ​മാ​ണ​വു​മാ​യി ബ​ന്ധ​പ്പെ​ട്ട് കു​വൈ​ത്തി​ൽ മൂ​ന്ന് പ്ര​വാ​സി​ക​ളെ അ​റ​സ്റ്റ് ചെ​യ്തു. ര​ഹ​സ്യ വി​വ​രം ല​ഭി​ച്ച​തി​നെ തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് മൂ​ന്ന് ബം​ഗ്ലാ​ദേ​ശ് പൗ​ര​ന്മാ​ർ പി​ടി​യി​ലാ​യ​ത്. മ​നു​ഷ്യ​ക്ക​ട​ത്ത് കേ​സി​ലു​ൾ​പ്പെ​ട്ട ര​ണ്ട് പ്ര​തി​ക​ൾ ഓ​രോ തൊ​ഴി​ലാ​ളി​ക​ളി​ൽ​നി​ന്നും 1700 - 1900 കു​വൈ​ത്ത് ദീനാ​ർ വീ​തം ഈ​ടാ​ക്കി ക​ട​ത്തി​ക്കൊ​ണ്ടു​വ​ന്ന​താ​യാ​ണ് ക​ണ്ടെ​ത്തി​യ​ത്.

സ​ർ​ക്കാ​ർ ഇ-​പേ​യ്മെന്റ് സി​സ്റ്റ​ത്തി​ന്റെ സ്റ്റാ​മ്പ് വ്യാ​ജ​മാ​യി നി​ർ​മി​ക്കു​ന്നു എ​ന്ന് ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന് ല​ഭി​ച്ച വി​വ​ര​ത്തെ തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് മൂ​ന്നാ​മ​ത്തെ പ്ര​തി​യെ പി​ടി​കൂ​ടി​യ​ത്. പ്ര​തി​യി​ൽ നി​ന്ന് വ്യാ​ജ സ്റ്റാ​മ്പു​ക​ൾ വ​ൻ​തോ​തി​ൽ ക​ണ്ടെ​ടു​ക്കു​ക​യും ചെ​യ്തു. സു​ര​ക്ഷ​യും നി​യ​മ​വും ഉ​റ​പ്പാ​ക്കു​ന്ന​തി​ന് ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.