രാജ്യത്ത് പ്ര​വാ​സി തൊ​ഴി​ലാ​ളി​ക​ളു​ടെ എണ്ണത്തിൽ വൻ വർധന; ഭൂ​രി​പ​ക്ഷ​വും ഇ​ന്ത്യ​ക്കാ​ർ

കു​വൈ​ത്ത് സി​റ്റി: കു​വൈ​ത്തി​ലെ സ്വ​കാ​ര്യ മേ​ഖ​ല​യി​ൽ പ്ര​വാ​സി തൊ​ഴി​ലാ​ളി​ക​ളു​ടെ എ​ണ്ണ​ത്തി​ൽ വ​ർ​ധ​ന​വ്. സെ​ൻ​ട്ര​ൽ സ്റ്റാ​റ്റി​സ്റ്റി​ക്ക​ൽ അ​ഡ്മി​നി​സ്ട്രേ​ഷ​ൻ പു​റ​ത്തി​റ​ക്കി​യ ത്രൈ​മാ​സ റി​പ്പോ​ർ​ട്ടി​ലാ​ണ് വ​ർ​ധ​ന​വ് ചൂ​ണ്ടി​ക്കാ​ട്ടി​യ​ത്.

പ്ര​വാ​സി തൊ​ഴി​ലാ​ളി​ക​ളി​ൽ ഭൂ​രി​പ​ക്ഷ​വും ഇ​ന്ത്യ​ക്കാ​രാ​ണ്. പ്രാ​ദേ​ശി​ക മാ​ധ്യ​മ​മാ​യ അ​ൽ ജ​രീ​ദ റി​പ്പോ​ർ​ട്ട് പ്ര​കാ​രം സ്വ​കാ​ര്യ തൊ​ഴി​ൽ വി​പ​ണി​യു​ടെ 20.6 ശ​ത​മാ​നം കു​വൈ​ത്തി​ക​ളും 79.4 ശ​ത​മാ​നം പ്ര​വാ​സി​ക​ളു​മാ​ണ്.എ​ന്നാ​ൽ, സ​ർ​ക്കാ​ർ മേ​ഖ​ല​യി​ൽ കു​വൈ​ത്തി തൊ​ഴി​ലാ​ളി​ക​ളാ​ണ് ഭൂ​രി​പ​ക്ഷ​വും.

നി​ല​വി​ൽ 79.5 ശ​ത​മാ​നം കു​വൈ​ത്തി​ക​ളും 20 ശ​ത​മാ​നം പ്ര​വാ​സി​ക​ളു​മാ​ണ് സ​ർ​ക്കാ​ർ മേ​ഖ​ല​യി​ൽ ജോ​ലി ചെ​യ്യു​ന്ന​ത്. 2024 സെ​പ്റ്റം​ബ​റി​ലെ ക​ണ​ക്കു​ക​ൾ പ്ര​കാ​രം രാ​ജ്യ​ത്തെ മൊ​ത്തം കു​വൈ​ത്ത് ഇ​ത​ര തൊ​ഴി​ലാ​ളി​ക​ളു​ടെ എ​ണ്ണം 17 ല​ക്ഷ​ത്തി​ലേ​റെ​യാ​ണ്. ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച് 79,000 ത്തി​ലേ​റെ പ്ര​വാ​സി തൊ​ഴി​ലാ​ളി​ക​ളു​ടെ വ​ർ​ധ​ന​യു​ണ്ടാ​യി.

അ​തേ​മ​സ​യം, രാ​ജ്യ​ത്തെ പ്രാ​ദേ​ശി​ക തൊ​ഴി​ൽ വി​പ​ണി​യി​ലെ ഏ​റ്റ​വും വ​ലി​യ തൊ​ഴി​ലാ​ളി സ​മൂ​ഹം ഇ​ന്ത്യ​ക്കാ​ർ തു​ട​രു​ക​യാ​ണ്. പ​ത്തു​ല​ക്ഷ​ത്തോ​ളം ഇ​ന്ത്യ​ക്കാ​ർ കു​വൈ​ത്തി​ലു​ണ്ടെ​ന്നാ​ണ് ക​ണ​ക്ക്. ഇ​തി​ൽ ഭൂ​രി​പ​ക്ഷ​വും മ​ല​യാ​ളി​ക​ളാ​ണ്. പ്ര​വാ​സി ജ​ന​സം​ഖ്യ​യി​ൽ ഈ​ജി​പ്തു​കാ​രാ​ണ് ര​ണ്ടാം സ്ഥാ​ന​ത്ത്.