നടുവൊടിക്കുന്ന  ഫീസ്​ വർധന;  ചികിത്സാ ചെലവ്​ താങ്ങില്ല

കുവൈത്ത്​ സിറ്റി: കുവൈത്തിൽ ആരോഗ്യ ഫീസ്​ വർധന വിദേശികളുടെ ബജറ്റിനെ താളം തെറ്റിക്കും. പുകച്ച്​ പുറത്തുചാടിക്കുക എന്നു​ കരുതാവുന്ന വിധം കനത്ത വർധനവാണ്​ വരുത്തിയിട്ടുള്ളത്​. നിലവിൽ സൗജന്യമായി ലഭിച്ചിരുന്ന സേവനങ്ങൾക്ക്​ പത്തുദീനാർ മുതൽ 300 ദീനാർ വരെ നൽ​േകണ്ടിവരും. സന്ദർശക വിസയിലുള്ളവർക്കാണ്​ ഭീമമായ വർധന വരുത്തിയിട്ടുള്ളത്​. രാജ്യത്തെ സൗജന്യ ചികിത്സ ഉപയോഗപ്പെടുത്താൻ വേണ്ടി മാത്രം വിദേശികൾ സന്ദർശക വിസയിലെത്തുന്നുവെന്ന പരാതി ഇനിയുണ്ടാവില്ല. 

സന്ദർശക വിസക്കാർ​ ഹെൽത്ത്​​ സ​െൻററുകളിലെ പരിശോധനക്ക്​ പത്തു​ ദീനാറും സർക്കാർ ആശുപത്രിലെ അത്യാഹിത വിഭാഗത്തിൽ കാണിക്കുന്നതിന് 20 ദീനാറും ഒ.പിയിൽ 30 ദീനാറും നൽകണം. സാധാരണ പ്രസവത്തിന്​ 400 ദീനാർ ആണ്​ ഫീസ്​. ഇതിന്​ പുറമെ മൂന്ന്​ ദിവസത്തിന്​ ശേഷം ആശുപത്രിയിൽ കഴിയേണ്ടി വരുന്ന ഒാരോ ദിവസത്തിനും 70 ദീനാർ നൽകണം. വൻ സാമ്പത്തിക ചെലവുള്ള ശസ്​ത്രക്രയകൾക്ക്​ മാത്രമായി വിദേശികൾ കുവൈത്തിൽ സന്ദർശക വിസ​യിലെത്തുന്നുവെന്ന്​ എം.പിമാർ പാർലമ​െൻറിൽ പരാതി ഉയർത്തിയിരുന്നു. പുതുക്കിയ നിരക്ക്​ അനുസരിച്ച്​ ശസ്​ത്രക്രിയകൾക്കുള്ള ചെലവ്​ വളരെ കൂടുതലാണ്​. 
അവയവ ഭാഗങ്ങൾ തുന്നിച്ചേർക്കുന്നതിന്​ 2500 ദീനാറും രക്തധമനി വെച്ചുപിടിപ്പിക്കുന്നതിന്​ 3000 ദീനാറും ശസ്​ത്രക്രിയ കൂടാതെയുള്ള വാൾവ് മാറ്റത്തിന് 4000 ദീനാറുമാണ്​ ശസ്​ത്രക്രിയക്ക്​ മാത്രമുള്ള ഫീസ്​. ആശുപത്രിയിലെ താമസത്തിന്​ ജനറൽ വാർഡിൽ ഒരുദിവസം 70 ദീനാറും ​സ്​പെഷൽ റൂമിൽ പ്രതിദിനം 130 ദീനാറും െഎ.സി.യുവിൽ പ്രതിദിനം 220 ദീനാറും നൽകണം.