'ന​മ്മു​ടെ​യെ​ല്ലാം സ്വ​ർ​ഗം' ദേ​ശീ​യ ദി​നാ​ഘോ​ഷ പ്ര​മേ​യം

കു​വൈ​ത്ത്​ സി​റ്റി: 61ാം ദേ​ശീ​യ ദി​നാ​ഘോ​ഷ പ​രി​പാ​ടി​ക​ൾ ന​ട​ക്കു​ക 'ന​മ്മു​ടെ​യെ​ല്ലാം സ്വ​ർ​ഗം' എ​ന്ന പ്ര​മേ​യ​ത്തി​ൽ. വി​വി​ധ മ​ന്ത്രാ​ല​യ​ങ്ങ​ളു​ടെ​യും വ​കു​പ്പു​ക​ളു​ടെ​യും ഏ​കോ​പ​ന​ത്തോ​ടെ രാ​ജ്യ​ത്തി​െൻറ വി​വി​ധ ഭാ​ഗ​ങ്ങ​ളി​ൽ വൈ​വി​ധ്യ​മാ​ർ​ന്ന ക​ലാ​സാ​സം​സ്കാ​രി​ക പ​രി​പാ​ടി​ക​ൾ അ​ര​ങ്ങേ​റും. ആ​ഭ്യ​ന്ത​ര മ​ന്ത്രാ​ല​യ​വും പ്ര​തി​രോ​ധ മ​ന്ത്രാ​ല​യ​വും നാ​ഷ​ന​ൽ ഗാ​ർ​ഡും സം​യു​ക്ത​മാ​യി കു​വൈ​ത്ത് ട​വ​ർ പ​രി​സ​ര​ത്ത്​ ഒ​രു​ക്കു​ന്ന പ്ര​ദ​ർ​ശ​നം, കു​വൈ​ത്ത് വ്യോ​മ​സേ​ന​യു​ടെ എ​യ​ർ ഷോ ​എ​ന്നി​വ​യും ഷെ​ഡ്യൂ​ൾ ചെ​യ്​​തി​ട്ടു​ണ്ട്. വ​ർ​ഷ​ത്തെ ദേ​ശീ​യ വി​മോ​ച​ന ദി​നാ​ഘോ​ഷ​ങ്ങ​ളു​മാ​യി ബ​ന്ധ​പ്പെ​ട്ട ദേ​ശീ​യ കാ​മ്പ​യി​ന് തു​ട​ക്കം തു​ട​ക്കം​കു​റി​ച്ചി​ട്ടു​ണ്ട്.

കോ​വി​ഡ് സാ​ഹ​ച​ര്യം മെ​ച്ച​പ്പെ​ടു​ക​യും നി​യ​ന്ത്ര​ണ​ങ്ങ​ൾ ഏ​റെ​യും ഒ​ഴി​വാ​ക്കു​ക​യും ചെ​യ്ത സാ​ഹ​ച​ര്യ​ത്തി​ൽ മാ​ർ​ച്ച് 31വ​രെ നീ​ളു​ന്ന ആ​ഘോ​ഷ പ​രി​പാ​ടി​ക​ൾ​ക്കാ​ണ് കു​വൈ​ത്ത് ഒ​രു​ങ്ങു​ന്ന​ത്. കോ​വി​ഡ് പി​ടി​മു​റു​ക്കി​യ ക​ഴി​ഞ്ഞ ര​ണ്ടു വ​ർ​ഷ​ങ്ങ​ളി​ലും ദേ​ശീ​യ ദി​നാ​ഘോ​ഷ​ങ്ങ​ൾ ഒ​ഴി​വാ​ക്കി​യാ​ണ് കു​വൈ​ത്ത് പ്ര​തി​രോ​ധം തീ​ർ​ത്ത​ത്. ഒ​മി​ക്രോ​ൺ ത​രം​ഗ​ത്തി​െൻറ പ​ശ്ചാ​ത്ത​ല​ത്തി​ൽ ഈ ​വ​ർ​ഷ​ത്തെ ദേ​ശീ​യ ദി​നാ​ഘോ​ഷ​ങ്ങ​ളും ഒ​ഴി​വാ​ക്കാ​നാ​യി​രു​ന്നു ആ​ദ്യ തീ​രു​മാ​നം. ഫെ​ബ്രു​വ​രി 28വ​രെ എ​ല്ലാ പൊ​തു​പ​രി​പാ​ടി​ക​ൾ​ക്കും വി​ല​ക്കേ​ർ​പ്പെ​ടു​ത്തു​ക​യും ചെ​യ്തി​രു​ന്നു.

എ​ന്നാ​ൽ, കേ​സു​ക​ൾ കു​റ​യു​ക​യും ആ​രോ​ഗ്യ​സാ​ഹ​ച​ര്യം മെ​ച്ച​പ്പെ​ടു​ക​യും ചെ​യ്ത​തോ​ടെ മ​ന്ത്രി​സ​ഭ നി​യ​ന്ത്ര​ണ​ങ്ങ​ൾ ഒ​ഴി​വാ​ക്കു​ക​യാ​യി​രു​ന്നു. ഇ​തോ​ടെ​യാ​ണ് ദേ​ശീ​യ ദി​നാ​ഘോ​ഷ​ങ്ങ​ൾ​ക്കാ​യു​ള്ള സ്ഥി​രം ക​മ്മി​റ്റി ആ​ഘോ​ഷ പ​രി​പാ​ടി​ക​ൾ പ്ര​ഖ്യാ​പി​ച്ച​ത്. മാ​ർ​ച്ച് 31വ​രെ നീ​ളു​ന്ന വൈ​വി​ധ്യ​പൂ​ർ​ണ​മാ​യ ആ​ഘോ​ഷ പ​രി​പാ​ടി​ക​ളാ​ണ് ഇ​ക്കു​റി ആ​സൂ​ത്ര​ണം ചെ​യ്ത​തെ​ന്ന്​ വാ​ർ​ത്താ​വി​ത​ര​ണ മ​ന്ത്രാ​ല​യ വ​ക്താ​വ് അ​ൻ​വ​ർ അ​ൽ മു​റാ​ദ് പ​റ​ഞ്ഞു.