ക​ടു​ത്ത ചൂ​ട്​: വാ​ഹ​ന​ങ്ങ​ൾക്ക്​ തീ​പി​ടി​ക്കു​ന്ന​ത്​ പ​തി​വാ​കു​ന്നു

കു​വൈ​ത്ത്​ സി​റ്റി: കു​വൈ​ത്തി​ൽ ക​ടു​ത്ത ചൂ​ടി​നെ തു​ട​ർ​ന്ന്​ വാ​ഹ​ന​ങ്ങ​ൾ​ക്ക്​ തീ​പി​ടി​ക്കു​ന്ന​ത് ​ പ​തി​വാ​കു​ന്നു. ഒ​രാ​ഴ്​​ച​ക്കി​ടെ ഇ​രു​പ​തോ​ളം വാ​ഹ​ന​ങ്ങ​ളാ​ണ്​ ക​ത്തി ന​ശി​ച്ച​ത്. നി​ർ​ത്തി​യി​ട് ട​പ്പോ​ൾ ക​ത്തി​യ​തും ഒാ​ടി​ക്കൊ​ണ്ടി​രി​ക്കെ ക​ത്തി​യ​തും ഇ​തി​ൽ പെ​ടും. നി​ർ​ത്തി​യി​ട്ട വാ​ഹ​ന​ത്തി​ന്​ തീ​പി​ടി​ച്ച്​ സ​മീ​പ​ത്തെ വാ​ഹ​ന​ങ്ങ​ളി​ലേ​ക്കും പ​ട​ർ​ന്നാ​ണ്​ ജ​ഹ്​​റ, സാ​ൽ​മി​യ, മൈ​ദാ​ൻ ഹ​വ​ല്ലി എ​ന്നി​വി​ട​ങ്ങ​ളി​ൽ കൂ​ട്ട തീ​പി​ടി​ത്ത​ത്തി​ന്​ വ​ഴി​യൊ​രു​ക്കി​യ​ത്. ഉ​യ​ർ​ന്ന അ​ന്ത​രീ​ക്ഷ ഉൗ​ഷ്മാ​വി​നൊ​പ്പം ചൂ​ടു​ള്ള കാ​റ്റും ആ​ഞ്ഞു​വീ​ശു​ന്ന​തു​മൂ​ലം ആ​ളി​പ്പ​ട​രു​ന്ന തീ ​നി​യ​ന്ത്ര​ണ​വി​ധേ​യ​മാ​ക്കു​ക പ്ര​യാ​സ​മാ​ണ്. ചൂ​ട്​ കൂ​ടി​വ​രു​ന്ന​തി​നാ​ൽ വ​രും​ദി​വ​സ​ങ്ങ​ളി​ൽ തീ​പി​ടി​ത്ത നി​ര​ക്ക്​ കൂ​ടാ​നാ​ണ്​ സാ​ധ്യ​ത. അ​തി​നി​ടെ അ​ശ്ര​ദ്ധ​യാ​ണ്​ വാ​ഹ​ന​ങ്ങ​ളി​ലെ തീ​പി​ടി​ത്ത​ത്തി​ന്​ പ്ര​ധാ​ന കാ​ര​ണ​മെ​ന്ന്​ വി​ദ​ഗ്​​ധ​ർ ചൂ​ണ്ടി​ക്കാ​ട്ടു​ന്നു. വാ​ഹ​ന​ങ്ങ​ൾ ക​ഴി​യു​മെ​ങ്കി​ൽ ത​ണ​ല​ത്ത്​ നി​ർ​ത്തി​യി​ടാ​ൻ ശ്ര​ദ്ധി​ക്ക​ണം. നി​ർ​ത്തി​യി​ടു​ന്ന വാ​ഹ​ന​ത്തി​​െൻറ ചി​ല്ല്​ ഒ​രി​ഞ്ച്​ തു​റ​ന്നു​വെ​ക്കു​ന്ന​ത്​ വാ​യു​സ​ഞ്ചാ​ര​ത്തി​ന്​ സ​ഹാ​യി​ക്കും. വാ​ഹ​നം തു​റ​ന്ന​യു​ട​നെ എ.​സി പ്ര​വ​ർ​ത്തി​പ്പി​ക്കു​ന്ന​ത്​ ന​ല്ല​ത​ല്ല.

അ​ൽ​പം തു​റ​ന്നു​വെ​ച്ച​ശേ​ഷം സ്​​റ്റാ​ർ​ട്ട്​ ചെ​യ്​​ത്​ ഒാ​ടി​ത്തു​ട​ങ്ങു​േ​മ്പാ​ൾ പ്ര​വ​ർ​ത്തി​പ്പി​ക്ക​ലാ​ണ്​ ഉ​ചി​തം, പെ​െ​ട്ട​ന്ന്​ തീ​പി​ടി​ക്കു​ന്ന സാ​ധ​ന​ങ്ങ​ൾ വ​ണ്ടി​യി​ൽ അ​ല​ക്ഷ്യ​മാ​യി വാ​രി​വ​ലി​ച്ചി​ട​രു​ത്. അ​ഗ്​​നി​ശ​മ​ന ഉ​പ​ക​ര​ണ​ങ്ങ​ൾ വാ​ഹ​ന​ത്തി​ൽ ക​രു​തു​ന്ന​ത്​ സു​ര​ക്ഷ വ​ർ​ധി​പ്പി​ക്കും തു​ട​ങ്ങി​യ മു​ന്ന​റി​യി​പ്പ്​ നി​ർ​ദേ​ശ​ങ്ങ​ളാ​ണ്​ വി​ദ​ഗ്​​ധ​ർ ന​ൽ​കു​ന്ന​ത്. ഇ​തോ​ടൊ​പ്പം ഒാ​ടി​ക്കൊ​ണ്ടി​രി​ക്കെ ച​ക്രം പൊ​ട്ടി​ത്തെ​റി​ച്ചു​ണ്ടാ​വു​ന്ന അ​പ​ക​ട​ങ്ങ​ളും വ​ർ​ധി​ച്ചി​ട്ടു​ണ്ട്. തേ​ഞ്ഞു​തീ​ർ​ന്ന ച​ക്ര​ങ്ങ​ളു​ള്ള വാ​ഹ​ന​ങ്ങ​ൾ അ​മി​ത വേ​ഗം ഒ​ഴി​വാ​ക്കേ​ണ്ട​താ​ണ്. തേ​ഞ്ഞ്​ പൊ​ട്ടാ​റാ​യ ച​​ക്ര​ങ്ങ​ൾ മാ​റ്റാ​തെ നീ​ട്ടി​വെ​ക്കു​ന്ന​ത്​ ജീ​വ​നു​ത​ന്നെ ഭീ​ഷ​ണി​യാ​വും. തി​ര​ക്കേ​റി​യ റോ​ഡു​ക​ളി​ൽ​ ച​ക്രം പൊ​ട്ടി വാ​ഹ​നം നി​യ​ന്ത്ര​ണം വി​ട്ടാ​ൽ കൂ​ട്ട​യി​ടി​യാ​വും ഫ​ലം. ഇ​ത്ത​രം വാ​ഹ​ന​ങ്ങ​ളു​മാ​യി മ​രു​ഭൂ​മി​യി​ലെ സ​ഞ്ചാ​ര​വും ഒ​ഴി​വാ​ക്കേ​ണ്ട​താ​ണ്. ച​ക്രം പൊ​ട്ടി മ​രു​ഭൂ​മി​യി​ൽ ഒ​റ്റ​പ്പെ​ട്ടു​ പോ​വാ​നു​ള്ള സാ​ധ്യ​ത ക​ണ​ക്കി​ലെ​ടു​ക്ക​ണം. മ​രു​ഭൂ​മി​യി​ലെ യാ​ത്ര​ക്ക്​ ന​ല്ല വാ​ഹ​ന​ങ്ങ​ൾ ഉ​പ​യോ​ഗി​ക്കാ​ൻ ശ്ര​ദ്ധി​ക്ക​ണം. വാ​ഹ​ന​ത്തി​ൽ കു​ടി​വെ​ള്ളം ക​രു​ത​ണം. അ​ടി​യ​ന്ത​ര ഘ​ട്ട​ങ്ങ​ളി​ൽ സ​ഹാ​യ​മാ​വ​ശ്യ​മു​ള്ള​വ​ർ​ക്ക്​ വ​കു​പ്പി​​െൻറ 112 എ​ന്ന ഹോ​ട്ട്​​ലൈ​ൻ ന​മ്പ​റി​ൽ വി​ളി​ച്ച​റി​യി​ക്കാം.