16 മുതൽ ചൂടുകൂടും

കുവൈത്ത് സിറ്റി: രാജ്യത്ത് വേനൽക്കാലം ജൂലൈ 16 ന് അവസാനിക്കുമെന്ന് അൽ ഉജൈരി സയന്റിഫിക് സെന്റർ അറിയിച്ചു. തുടർന്ന് രണ്ടാം ജെമിനി സീസണിന്റെ തുടക്കമാകും. ഇത് 13 ദിവസം നീണ്ടുനിൽക്കും. ജെമിനി സീസണുകളുടെ രണ്ടാം കാലഘട്ടമാണ് ഏറ്റവും ചൂടേറിയ കാലഘട്ടമെന്ന് സെന്റർ വ്യക്തമാക്കി. കൊടും ചൂടും അതിന്റെ അവസാനത്തിൽ ചൂടുള്ള വടക്കൻ കാറ്റും ഉള്ളതിനാൽ ഇത് ‘അഹുറ വേനൽ’ എന്ന് അറിയപ്പെടുന്നു.

ഈ സീസണിൽ രാത്രിയിൽ പോലും ശക്തമായ കാറ്റ്, ജൂലൈ അവസാനം വരെ നീണ്ടുനിൽക്കുന്ന ഈർപ്പം, താപനിലയിലെ വർദ്ധനവ് എന്നിവയാണ് സവിശേഷത. രണ്ടാം ജെമിനി സീസണിൽ, പകൽ സമയം 13 മണിക്കൂറും 36 മിനിറ്റും, രാത്രി സമയം 10 ​​മണിക്കൂറും 24 മിനിറ്റും വരെ നീളുന്നു.