ജ​ഹ്‌​റ ആ​ശു​പ​ത്രി ആ​രോ​ഗ്യ​മ​ന്ത്രി സ​ന്ദ​ർ​ശി​ച്ചു; ര​ക്ഷാപ്ര​വ​ർ​ത്ത​ന​ത്തി​ന് അ​ഭി​ന​ന്ദ​നം

കു​വൈ​ത്ത് സി​റ്റി: ജ​ഹ്‌​റ ആ​ശു​പ​ത്രി​യി​ലെ ബേ​സ്‌​മെ​ന്റ് മു​റി​യി​ലുണ്ടാ​യ തീ​പി​ടി​ത്തം കൈ​കാ​ര്യം ചെ​യ്യു​ന്ന​തി​ൽ ആ​രോ​ഗ്യ, ഭ​ര​ണ, എ​ൻജി​നീ​യ​റിങ് ടീ​മു​ക​ൾ ന​ട​ത്തി​യ മി​ക​ച്ച ശ്ര​മ​ങ്ങ​ളെ ആ​രോ​ഗ്യ​മ​ന്ത്രി ഡോ. ​അ​ഹ​മ്മ​ദ് അ​ൽ അ​വാ​ദി അ​ഭി​ന​ന്ദി​ച്ചു. ​ചൊ​വ്വാ​ഴ്ച ആ​ശു​പ​ത്രി സ​ന്ദ​ർ​ശി​ച്ച മ​ന്ത്രി സ്ഥി​തി​ഗ​തി​ക​ൾ വി​ല​യി​രു​ത്തി. ജ​ന​റ​ൽ ഫ​യ​ർ ഫോ​ഴ്‌​സ്, ആ​ഭ്യ​ന്ത​ര, വൈ​ദ്യു​തി, ജ​ല മ​ന്ത്രാ​ല​യ​ങ്ങ​ൾ എ​ന്നി​വ​യു​ടെ പ്ര​തി​ക​ര​ണ​ത്തെ​യും സു​ര​ക്ഷ സം​വി​ധാ​നം മെ​ച്ച​പ്പെ​ടു​ത്തു​ന്ന​തി​ലും ജീ​വ​നും സൗ​ക​ര്യ​ങ്ങ​ളും സം​ര​ക്ഷി​ക്കു​ന്ന​തി​ലും എ​ല്ലാ വി​ഭാ​ഗ​ങ്ങ​ളു​ടെ​യും പ​ങ്കി​നെ​യും മ​ന്ത്രി അ​ഭി​ന​ന്ദി​ച്ചു.

രോ​ഗി​ക​ളു​ടെ​യും ജീ​വ​ന​ക്കാ​രു​ടെ​യും സു​ര​ക്ഷ മ​ന്ത്രാ​ല​യ​ത്തി​ന്റെ മു​ൻ‌​ഗ​ണ​ന​യാ​യി തു​ട​രു​ന്നു. അ​റ്റ​കു​റ്റ​പ്പ​ണി​ വേ​ഗ​ത്തി​ൽ പൂ​ർ​ത്തി​യാ​ക്കാ​നും സൗ​ക​ര്യ​ങ്ങ​ളു​ടെ കാ​ര്യ​ക്ഷ​മ​മാ​യ പ്ര​വ​ർ​ത്ത​നം ഉ​റ​പ്പാ​ക്കാ​നും അ​ദ്ദേ​ഹം നി​ർ​ദേ​ശി​ച്ചു.

മെ​ഡി​ക്ക​ൽ അ​തോ​റി​റ്റി മേ​ധാ​വി ഡോ. ​അ​ബ്ദു​ൽ​റ​ഹ്മാ​ൻ അ​ൽ ഷ​മ്മ​രി, അ​ത്യാ​ഹി​ത വി​ഭാ​ഗം മേ​ധാ​വി ഡോ.​അ​ലി ജ​വാ​ദ്, മെ​ഡി​ക്ക​ൽ, ടെ​ക്നി​ക്ക​ൽ, ന​ഴ്സിങ്, എ​ൻജി​നീ​യ​റിങ്, അ​ഡ്മി​നി​സ്ട്രേ​റ്റി​വ് സ്റ്റാ​ഫ് എ​ന്നി​വ​ർ അ​പ​ക​ട​ത്തി​ന്റെ സാ​ഹ​ച​ര്യ​ങ്ങ​ൾ, അ​ടി​യ​ന്ത​ര പ​ദ്ധ​തി ന​ട​പ്പി​ലാ​ക്ക​ൽ, ആ​ശു​പ​ത്രി​ക​ളി​ലെ അ​ടി​യ​ന്ത​ര വ​കു​പ്പു​ക​ളു​ടെ ഏ​കോ​പ​നം എ​ന്നി​വ​യെ​ക്കു​റി​ച്ച് വി​ശ​ദീ​ക​രി​ച്ചു. തി​ങ്ക​ളാ​ഴ്ച​യാ​ണ് ജ​ഹ്‌​റ ആ​ശു​പ​ത്രി കെ​ട്ടി​ട​ത്തി​ലെ ഇ​ല​ക്ട്രി​ക്ക​ൽ മു​റി​യി​ൽ തീ​പി​ടി​ച്ച​ത്. ചെ​റി​യ രൂ​പ​ത്തി​ലു​ള്ള തീ​പി​ടി​ത്തം ഉ​ട​ൻ നി​യ​ന്ത്ര​ണ​വി​ധേ​യ​മാ​ക്കി.