അത്യാവശ്യ കാര്യത്തിനല്ലാതെ പുറത്തിറങ്ങരുത്​ –ആരോഗ്യമന്ത്രി

കുവൈത്ത്​ സിറ്റി: ഇത്​ നിർണായക സന്ദർഭമാണെന്നും അത്യാവശ്യകാര്യത്തിനല്ലാതെ പുറത്തിറങ്ങരുതെന്നും കുവൈത്ത്​ ആരോഗ്യമ​ന്ത്രി ഡോ. ബാസിൽ അസ്സബാഹ്​ പറഞ്ഞു. കോവിഡ്​ വ്യാപനം വർധിച്ചുവരുന്ന പശ്ചാത്തലത്തിലാണ്​ മന്ത്രിയുടെ പ്രസ്​താവന. മൂക്കും മുഖവും മാസ്​കോ വസ്​ത്രമോ ഉപയോഗിച്ച്​ മറയ്​ക്കണമെന്നും ഉപയോഗശേഷം ഇത്​ നന്നായി കഴുകണമെന്നും അദ്ദേഹം പറഞ്ഞു. സാമൂഹിക അകലം പാലിക്കണമെന്നും കൈകൾ അണുമുക്തമാക്കാൻ സാനിറ്റൈസർ ഉപയോഗിക്കുകയോ സോപ്പ്​ ഉപയോഗിച്ച്​ ഇടക്കിടക്ക്​ 20 സെക്കൻഡ്​ സമയമെടുത്ത്​ കഴുകുകയോ ചെയ്യണമെന്നും​ അദ്ദേഹം ട്വിറ്ററിലൂടെ അറിയിച്ചു.