പൊതുമാപ്പ്​: രജിസ്​ട്രേഷൻ വേദിയിൽ മാറ്റം

കുവൈത്ത്​ സിറ്റി: കുവൈത്തിൽ താമസനിയമലംഘകർക്ക്​ ഏർപ്പെടുത്തിയ പൊതുമാപ്പ്​ ഉപയോഗപ്പെടുത്തി തിരിച്ചുപോവു ന്നവരുടെ നടപടിക്രമങ്ങൾക്ക്​ നിശ്ചയിച്ച വേദി മാറ്റി.

നേരത്തെ സ്​ത്രീകൾക്ക്​ നിശ്ചയിച്ച ഫർവാനിയ ബ്ലോക്ക് 1 സ്ട്രീറ്റ് 76ലെ ഗേൾസ് സ്‌കൂൾ പുരുഷന്മാർക്കും പുരുഷന്മാർക്ക്​ നിശ്ചയിച്ച ഫർവാനിയ, ബ്ലോക്ക് 1, സ്ട്രീറ്റ് 122ലെ അൽ മുത്തന്ന ബോയ്സ് സ്‌കൂൾ സ്​ത്രീകൾക്കുമായാണ്​ മാറ്റി നിശ്ചയിച്ചത്​.

രാവിലെ എട്ടു മുതൽ ഉച്ചക്ക് രണ്ടു വരെയാണ് പ്രവർത്തന സമയം. ഇതിൽ മാറ്റമില്ല.

ഒാരോ രാജ്യക്കാർക്കും പ്രത്യേക തീയതി നിശ്ചയിച്ചിട്ടുണ്ട്​. ഇന്ത്യക്കാർ ഏപ്രിൽ 11 മുതൽ 15 വരെ ദിവസങ്ങളിലാണ്​ എത്തേണ്ടത്​.