പു​തി​യ നി​കു​തി: ഗ​ൾ​ഫി​ൽ​നി​ന്നു​ള്ള  കാ​ർ​ഗോ നീക്കം പ്ര​തി​സ​ന്ധി​യി​ൽ

കു​വൈ​ത്ത്​ സി​റ്റി: 20,000 രൂ​പ വ​രെ​യു​ള്ള സാ​ധ​ന​ങ്ങ​ൾ നാ​ട്ടി​ലേ​ക്ക്​ നി​കു​തി​യി​ല്ലാ​തെ അ​യ​ക്കാ​ൻ ക​ഴി​യു​ന്ന ഡ്യൂ​ട്ടി​ഫ്രീ നോ​ട്ടി​ഫി​ക്കേ​ഷ​ൻ എ​ടു​ത്തു​ക​ള​ഞ്ഞ​തി​നെ തു​ട​ർ​ന്ന്​ ഗ​ൾ​ഫി​ൽ​നി​ന്നു​ള്ള കാ​ർ​ഗോ പ്ര​തി​സ​ന്ധി​യി​ൽ. ജി.​എ​സ്​.​ടി വ​ന്ന​തി​നോ​ട​നു​ബ​ന്ധി​ച്ച്​ ജൂ​ലൈ ഒ​ന്നു മു​ത​ലാ​ണ്​ പു​തി​യ മാ​റ്റം. ഡ്യൂ​ട്ടി വ​ന്ന​തോ​ടെ ജി.​എ​സ്​.​ടി​യും ന​ൽ​കേ​ണ്ടി​വ​രു​ന്നു.

 10 ശ​ത​മാ​നം ഡ്യൂ​ട്ടി​യും 28 ശ​ത​മാ​നം ജി.​എ​സ്​.​ടി​യും മൂ​ന്നു​ ശ​ത​മാ​നം സെ​സും ചേ​ർ​ന്ന​പ്പോ​ൾ 41 ശ​ത​മാ​നം എ​ന്ന താ​ങ്ങാ​നാ​വാ​ത്ത തു​ക അ​ധി​കം ന​ൽ​ക​ണം. ഇ​ത്​ കാ​ർ​ഗോ ബി​സി​ന​സി​​െൻറ ന​ടു​വൊ​ടി​ക്കു​ന്ന​താ​ണെ​ന്ന്​ കു​വൈ​ത്ത്​ ഇ​ന്ത്യ കാ​ർ​ഗോ അ​സോ​സി​യേ​ഷ​ൻ വൈ​സ്​ പ്ര​സി​ഡ​ൻ​റ്​ കൂ​ടി​യാ​യ റ​ജ​ബ്​ കാ​ർ​ഗോ കു​വൈ​ത്ത്​ മാ​നേ​ജി​ങ്​ ഡ​യ​റ​ക്​​ട​ർ ഗ​ഫൂ​ർ ‘ഗ​ൾ​ഫ്​ മാ​ധ്യ​മ’​ത്തോ​ട്​ പ​റ​ഞ്ഞു. മി​ക്ക വി​മാ​ന​ക്ക​മ്പ​നി​ക​ളും 30 കി​ലോ വ​രെ​യാ​ണ്​ ല​ഗേ​ജ്​ അ​നു​വ​ദി​ക്കു​ന്ന​ത്​. ചി​ല ക​മ്പ​നി​ക​ളി​ൽ​ ഇ​ത്​ 20 കി​ലോ മാ​ത്ര​മാ​ണ്​. ഇ​ത്ത​രം അ​വ​സ്ഥ​യി​ൽ ഒ​ന്നും ര​ണ്ടും കൊ​ല്ല​ത്തി​ന്​ ശേ​ഷം നാ​ട്ടി​ൽ​പോ​വു​ന്ന പ്ര​വാ​സി​ക​ൾ കാ​ർ​ഗോ വ​ഴി​യാ​ണ്​ അ​ത്യാ​വ​ശ്യ സാ​ധ​ന​ങ്ങ​ൾ നാ​ട്ടി​ലേ​ക്ക്​ അ​യ​ച്ചി​രു​ന്ന​ത്​. പു​തി​യ സാ​ഹ​ച​ര്യ​ത്തി​ൽ സാ​ധാ​ര​ണ​ക്കാ​രാ​യ പ്ര​വാ​സി​ക​ളും പ്ര​യാ​സ​ത്തി​ലാ​ണ്​. 

41 ശ​ത​മാ​നം ഡ്യൂ​ട്ടി ന​ൽ​കി സാ​ധ​ന​ങ്ങ​ൾ അ​യ​ക്കാ​ൻ ഇ​വ​ർ​ക്ക്​ ബു​ദ്ധി​മു​ട്ടു​ണ്ട്​. ഇ​ത്​ കാ​ർ​ഗോ മേ​ഖ​ല​യെ പ്ര​തി​സ​ന്ധി​യി​ലാ​ക്കു​ന്നു. വി​ദേ​ശ​ത്തും ഇ​ന്ത്യ​യി​ലു​മാ​യി കാ​ർ​ഗോ മേ​ഖ​ല​യി​ൽ ജോ​ലി​ചെ​യ്യു​ന്ന ര​ണ്ടു​ല​ക്ഷ​ത്തോ​ളം തൊ​ഴി​ലാ​ളി​ക​ളു​മാ​ണ്​ പ്ര​തി​സ​ന്ധി​യി​ലാ​വു​ന്ന​ത്​. കാ​ർ​ഗോ മേ​ഖ​ല​യി​ലെ പ്ര​തി​സ​ന്ധി ഉ​ട​ൻ പ​രി​ഹ​രി​ക്കാ​ൻ ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട്​ സം​ഘ​ട​ന നീ​ക്കം ആ​രം​ഭി​ച്ചി​ട്ടു​ണ്ട്​. ഗ​ൾ​ഫ്​ രാ​ജ്യ​ങ്ങ​ളി​ൽ​നി​ന്ന്​ ദി​വ​സ​വും 300 ട​ൺ സാ​ധ​ന​ങ്ങ​ളാ​ണ്​ ഇ​ന്ത്യ​യി​ലേ​ക്ക്​ അ​യ​ച്ചി​രു​ന്ന​ത്​.